헬라어 문장 검색 - Πλυταρ́Αγισ́13́

(플루타르코스, Agis, chapter 13)

οὕτω δὲ τῆσ πράξεωσ αὐτοῖσ ὁδῷ βαδιζούσησ καὶ μηδενὸσ ἐνισταμένου μηδὲ διακωλύοντοσ, εἷσ ἀνὴρ, Ἀγησίλαοσ, ἀνέτρεψε πάντα καὶ διελυμήνατο, κάλλιστον διανόημα καὶ Λακωνικώτατον αἰσχίστῳ νοσήματι τῇ φιλοπλουτίᾳ διαφθείρασ. ἐπειδὴ γὰρ ἐκέκτητο μὲν ἐν τοῖσ μάλιστα πολλὴν καὶ ἀγαθὴν χώραν, ὤφειλε δὲ πάμπολλα, μήτε διαλῦσαι δυνάμενοσ τὰ χρέα μήτε τὴν χώραν προέσθαι βουλόμενοσ ἔπεισε τὸν Ἆγιν ὡσ ἀμφοτέρων μὲν ἅμα πραττομένων μέγασ ἔσοιτο περὶ τὴν πόλιν ὁ νεωτερισμόσ, εἰ δὲ τῇ τῶν χρεῶν ἀφέσει θεραπευθεῖεν οἱ κτηματικοὶ πρότερον, εὐκόλωσ ἂν αὐτῶν καὶ καθ’ ἡσυχίαν ὕστερον ἐνδεξομένων τὸν ἀναδασμόν.

ταῦτα δὲ καὶ τοῖσ περὶ Λύσανδρον ἐδόκει, συνεξαπατωμένοισ ὑπὸ τοῦ Ἀγησιλάου, καὶ τὰ παρὰ τῶν χρεωστῶν γραμματεῖα συνενέγκαντεσ εἰσ ἀγοράν, ἃ κλάρια καλοῦσι, καὶ πάντα συνθέντεσ εἰσ ἓν συνέπρησαν.

ἀρθείσησ δὲ φλογόσ οἱ μὲν πλούσιοι καὶ δανειστικοὶ περιπαθοῦντεσ ἀπῆλθον, ὁ δὲ Ἀγησίλαοσ ὥσπερ ἐφυβρίζων οὐκ ἔφη λαμπρότερον ἑωρακέναι φῶσ οὐδὲ πῦρ ἐκείνου καθαρώτερον. ἀξιούντων δὲ τῶν πολλῶν καὶ τὴν γῆν εὐθὺσ νέμεσθαι καὶ τῶν βασιλέων οὕτω ποιεῖν κελευόντων, ἀσχολίασ τινὰσ ἐμβάλλων ὁ Ἀγησίλαοσ ἀεὶ καὶ προφάσεισ λέγων παρῆγε τὸν χρόνον, ἄχρι οὗ στρατεία συνέβη τῷ Ἄγιδι, μεταπεμπομένων τῶν Ἀχαιῶν συμμάχων ὄντων βοήθειαν ἐκ Λακεδαίμονοσ.

Αἰτωλοὶ γὰρ ἦσαν ἐπίδοξοι διὰ τῆσ Μεγαρικῆσ ἐμβαλοῦντεσ εἰσ Πελοπόννησον καὶ τοῦτο κωλύσων Ἄρατοσ ὁ τῶν Ἀχαιῶν στρατηγὸσ ἤθροιζε δύναμιν καὶ τοῖσ ἐφόροισ ἔγραφεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agis, chapter 13

(플루타르코스, Agis, chapter 13)

상위

목록

SEARCH

MENU NAVIGATION