헬라어 문장 검색 - Πλυταρ́Αγισ́09́

(플루타르코스, Agis, chapter 9)

γραφείσησ δὲ τῆσ ῥήτρασ, καὶ τῶν γερόντων εἰσ ταὐτὸ ταῖσ γνώμαισ οὐ συμφερομένων, ἐκκλησίαν συναγαγὼν ὁ Λύσανδροσ αὐτόσ τε διελέχθη τοῖσ πολίταισ, καὶ Μανδροκλείδασ καὶ Ἀγησίλαοσ ἐδέοντο μὴ δι’ ὀλίγουσ ἐντρυφῶντασ αὐτοῖσ περιιδεῖν ἐρριμμένον τὸ ἀξίωμα τῆσ Σπάρτησ, ἀλλὰ τῶν τε προτέρων χρησμῶν μνημονεῦσαι, τὴν φιλοχρημοσύνην ὡσ ὀλέθριον τῇ Σπάρτῃ φυλάττεσθαι διακελευομένων, καὶ τῶν ἔναγχοσ ἐκ Πασιφάασ κεκομισμένων αὐτοῖσ. ἱερὸν δὲ Πασιφάασ καὶ μαντεῖον ἦν ἐν Θαλάμαισ τιμώμενον, ἥν τινὲσ μὲν ἱστοροῦσι τῶν Ἀτλαντίδων μίαν οὖσαν ἐκ Διὸσ τὸν Ἄμμωνα τεκεῖν, τινὲσ δὲ Κασάνδραν τὴν Πριάμου τελευτήσασαν ἐνταῦθα καὶ διὰ τὸ πᾶσι φαίνειν τὰ μαντεῖα Πασιφάαν προσαγορευθεῖσαν.

ὁ δὲ Φύλαρχοσ Ἀμύκλα θυγατέρα, Δάφνην τοὔνομά, φησιν ὑποφεύγουσαν Ἀπόλλωνα βουλόμενον αὐτῇ μιγῆναι, καὶ μεταβαλοῦσαν εἰσ τὸ φυτόν, ἐν τιμῇ τοῦ θεοῦ γενέσθαι καὶ μαντικὴν λαβεῖν δύναμιν. ἔφασαν οὖν καὶ τὰ παρὰ ταύτησ μαντεῖα προστάττειν τοῖσ Σπαρτιάταισ ἴσουσ γενέσθαι πάντασ καθ’ ὃν ὁ Λυκοῦργοσ ἐξ ἀρχῆσ ἔταξε νόμον.

ἐπὶ πᾶσι δὲ ὁ βασιλεὺσ Ἆγισ εἰσ μέσον παρελθὼν καὶ βραχέα διαλεχθεὶσ ἔφη συμβολὰσ διδόναι τῇ πολιτείᾳ μεγίστασ ἣν καθίστησι· τὴν γὰρ αὑτοῦ πρῶτον οὐσίαν εἰσ μέσον τιθέναι, πολλὴν μὲν οὖσαν ἐν τοῖσ γεωργουμένοισ καὶ νεμομένοισ, ἄνευ δὲ τούτων ἑξακόσια τάλαντα νομίσματοσ ἔχουσαν τὸ δὲ αὐτὸ καὶ τὰσ μητέρασ ποιεῖν καὶ τοὺσ φίλουσ καὶ οἰκείουσ, πλουσιωτάτουσ ὄντασ Σπαρτιατῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Agis, chapter 9

(플루타르코스, Agis, chapter 9)

상위

목록

SEARCH

MENU NAVIGATION