헬라어 문장 검색 - Πλυταρ́Αγισ́06́

(플루타르코스, Agis, chapter 6)

διὰ ταῦτα δὴ καλὸν ὁ Ἆγισ, ὥσπερ ἦν, ποιούμενοσ ἐξισῶσαι καὶ ἀναπληρῶσαι τὴν πόλιν, ἐπειρᾶτο τῶν ἀνθρώπων, οἱ μὲν οὖν νέοι ταχὺ καὶ παρ’ ἐλπίδασ ὑπήκουσαν αὐτῷ, καὶ συναπεδύσαντο πρὸσ τὴν ἀρετήν, ὥσπερ ἐσθῆτα τὴν δίαιταν ἐπ’ ἐλευθερίᾳ συμμεταβάλλοντεσ, τῶν δὲ πρεσβυτέρων, ἅτε δὴ πόρρω διαφθορᾶσ γεγονότων, συνέβαινε τοῖσ πλείστοισ ὥσπερ ἐπὶ δεσπότην ἀγομένουσ ἐκ δρασμοῦ δεδιέναι καὶ τρέμειν τὸν Λυκοῦργον, καὶ καθήπτοντο τοῦ Ἄγιδοσ ὀδυρομένου τὰ παρόντα πράγματα καὶ τὸ παλαιὸν ἀξίωμα τῆσ Σπάρτησ ἐπιποθοῦντοσ. Λύσανδροσ δὲ ὁ Λίβυοσ καὶ Μανδροκλείδασ ὁ Ἐκφάνουσ, ἔτι δὲ Ἀγησίλαοσ ἀπεδέξαντο καὶ συμπαρώρμησαν αὐτοῦ τὴν φιλοτιμίαν.

ἦν δὲ Λύσανδροσ μὲν ἐν δόξῃ μάλιστα τῶν πολιτῶν, Μανδροκλείδασ δὲ δεινότατοσ Ἑλλήνων πράγματα συσκευάσασθαι καὶ τὸ συνετὸν τοῦτο καὶ δολερὸν τόλμῃ μεμιγμένον ἔχων Ἀγησίλαον δὲ θεῖον ὄντα τοῦ βασιλέωσ καὶ δυνατὸν εἰπεῖν, ἄλλωσ δὲ μαλακὸν καὶ φιλοχρήματον, ἐμφανῶσ μὲν ὁ υἱὸσ Ἱππομέδων ἐκίνει καὶ παρεθάρρυνεν, εὐδόκιμοσ ἐν πολλοῖσ πολέμοισ ἀνὴρ καὶ μέγα δι’ εὔνοιαν τῶν νέων δυνάμενοσ·

ἡ δὲ ἀληθῶσ ἀναπείσασα τὸν Ἀγησίλαον αἰτία τῶν πραττομένων μετασχεῖν ὀφλημάτων πλῆθοσ ἦν, ὧν ἤλπιζεν ἀπαλλαγήσεσθαι μεταβάλλων τὴν πολιτείαν.

ὡσ οὖν τάχιστα προσηγάγετο τοῦτον ὁ Ἆγισ, εὐθὺσ ἐπιχειρεῖ μετ’ αὐτοῦ τὴν μητέρα πείθειν, ἀδελφὴν οὖσαν τοῦ Ἀγησιλάου, πλήθει δὲ πελατῶν καὶ φίλων καὶ χρεωστῶν μέγα δυναμένην ἐν τῇ πόλει καὶ πολλὰ τῶν κοινῶν διαπραττομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agis, chapter 6

(플루타르코스, Agis, chapter 6)

상위

목록

SEARCH

MENU NAVIGATION