헬라어 문장 검색 - Πλυταρ́Αγισ́03́

(플루타르코스, Agis, chapter 3)

ἐπεὶ παρεισέδυ πρῶτον εἰσ τὴν πόλιν ἀργύρου καὶ χρυσοῦ ζῆλοσ, καὶ συνηκολούθησε τοῦ πλούτου τῇ μὲν κτήσει πλεονεξία καὶ μικρολογία τῇ δὲ χρήσει καὶ ἀπολαύσει τρυφὴ καὶ μαλακία καὶ πολυτέλεια, τῶν πλείστων ἐξέπεσεν ἡ Σπάρτη καλῶν, καὶ ταπεινὰ πράττουσα παρ’ ἀξίαν διετέλει μέχρι τῶν χρόνων ἐκείνων ἐν οἷσ Ἆγισ καὶ Λεωνίδασ ἐβασίλευον, Ἆγισ μὲν Εὐρυπωντίδησ καὶ Εὐδαμίδα παῖσ, ἕκτοσ ἀπὸ Ἀγησιλάου τοῦ διαβάντοσ εἰσ τὴν Ἀσίαν καὶ μέγιστον Ἑλλήνων δυνηθέντοσ· ἦν γὰρ Ἀγησιλάου μὲν Ἀρχίδαμοσ ὁ περὶ Μανδύριον τῆσ Ἰταλίασ ὑπὸ Μεσσαπίων ἀποθανών, Ἀρχιδάμου δὲ πρεσβύτεροσ μὲν υἱὸσ Ἆγισ, Εὐδαμίδασ δὲ νεώτεροσ, ὅσ, Ἄγιδοσ ὑπὸ Ἀντιπάτρου περὶ Μεγάλην πόλιν ἀναιρεθέντοσ ἀτέκνου, τὴν βασιλείαν ἔσχε, τούτου δὲ Ἀρχίδαμοσ, Ἀρχιδάμου δὲ ἕτεροσ Εὐδαμίδασ, Εὐδαμίδα δὲ Ἆγισ, περὶ οὗ τάδε γέγραπται·

Λεωνίδασ δὲ ὁ Κλεωνύμου τῆσ μὲν ἑτέρασ οἰκίασ ἦν Ἀγιάδησ, ὄγδοοσ δὲ ἀπὸ Παυσανίου τοῦ νικήσαντοσ ἐν Πλαταιαῖσ μάχῃ Μαρδόνιον.

Παυσανίασ γὰρ υἱὸν ἔσχε Πλειστώνακτα, Πλειστῶναξ δὲ Παυσανίαν, οὗ φυγόντοσ εἰσ Τεγέαν ἐκ Λακεδαίμονοσ ὅ τε πρεσβύτεροσ υἱὸσ Ἀγησίπολισ ἐβασίλευσε καὶ τούτου τελευτήσαντοσ ἀτέκνου Κλεόμβροτοσ ὁ νεώτεροσ, ἐκ δὲ Κλεομβρότου πάλιν ἄλλοσ Ἀγησίπολισ ἦν καὶ Κλεομένησ, ὧν Ἀγησίπολισ μὲν οὔτε ἦρξε πολὺν χρόνον οὔτε παῖδασ ἔσχε, Κλεομένησ δὲ βασιλεύσασ μετὰ Ἀγησίπολιν τὸν μὲν πρεσβύτερον τῶν υἱῶν Ἀκρότατον ἔτι ζῶν ἀπέβαλε, νεώτερον δὲ Κλεώνυμον κατέλιπεν, ὃσ οὐκ ἐβασίλευσεν, ἀλλ’ Ἄρευσ υἱωνὸσ ὢν Κλεομένουσ, Ἀκροτάτου δ’ υἱόσ· Ἄρεωσ δὲ πεσόντοσ περὶ Κόρινθον υἱὸσ ὦν Ἀκρότατοσ τὴν βασιλείαν κατέσχεν.

ἀπέθανε δὲ καὶ οὗτοσ ἡττηθεὶσ μάχῃ περὶ Μεγάλην πόλιν ὑπὸ Ἀριστοδήμου τοῦ τυράννου, καταλιπὼν ἐγκύμονα τὴν γυναῖκα.

παιδίου δὲ ἄρρενοσ γενομένου Λεωνίδασ ὁ Κλεωνύμου τὴν ἐπιτροπὴν ἔσχεν, εἶτα πρὶν ἐν ἡλικίᾳ γενέσθαι τελευτήσαντοσ, οὕτωσ εἰσ αὐτὸν ἡ βασιλεία περιῆλθεν οὐ πάνυ τοῖσ πολίταισ εὐάρμοστον ὄντα. καίπερ γὰρ ἐγκεκλικότων ἤδη τῇ διαφθορᾷ τοῦ πολιτεύματοσ ὁμαλῶσ ἁπάντων, ἦν τισ ἐν τῷ Λεωνίδᾳ τῶν πατρῴων ἐπιφανὴσ ἐκδιαίτησισ, ἅτε δὴ χρόνον ἠλινδημένῳ πολὺν ἐν αὐλαῖσ σατραπικαῖσ καὶ τεθεραπευκότι Σέλευκον, εἶτα τὸν ἐκεῖθεν ὄγκον εἰσ Ἑλληνικὰ πράγματα καὶ νόμιμον ἀρχὴν οὐκ ἐμμελῶσ μεταφέροντι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agis, chapter 3

(플루타르코스, Agis, chapter 3)

상위

목록

SEARCH

MENU NAVIGATION