헬라어 문장 검색 - Πλυταρ́Αγισ́02́

(플루타르코스, Agis, chapter 2)

ὁ μὲν γὰρ ἀπηκριβωμένοσ καὶ τελείωσ ἀγαθὸσ οὐδ’ ἂν ὅλωσ δόξησ δέοιτο, πλὴν ὅση πάροδον ἐπὶ τὰσ πράξεισ διὰ τοῦ πιστεύεσθαι δίδωσι· νέῳ δὲ ἔτι ὄντι καὶ φιλοτίμῳ δοτέον ἀπὸ τῶν καλῶν ἔργων καὶ δόξῃ τι καλλωπίσασθαι καὶ κομπάσαι. φυόμεναι γὰρ ἐν τοῖσ τηλικούτοισ αἱ ἀρεταὶ καὶ βάλαστνουσαι τό τε κατορθούμενον ὥσ φησι Θεόφραστοσ, ἐκβεβαιοῦνται τοῖσ ἐπαίνοισ, καὶ τὸ λοιπὸν αὔξονται μετὰ φρονήματοσ ἐπαιρόμεναι. τὸ δὲ ἄγαν πανταχοῦ μὲν ἐπισφαλέσ, ἐν δὲ ταῖσ πολιτικαῖσ φιλοτιμίαισ ὀλέθριον ἐκφέρει γὰρ εἰσ μανίαν καὶ παραφροσύνην ὕπαιθρον ἐξουσίασ μεγάλησ ἐπιλαβομένουσ, ὅταν μὴ τὸ καλὸν ἔνδοξον εἶναι θέλωσιν, ἀλλ’ ἀγαθὸν ἡγῶνται τὸ ἔνδοξον εἶναι.

τοῦτο λεκτέον ἢ ὅμοιόν τι τούτῳ πρὸσ τοὺσ πολλούσ· "οὐ δύνασθε τὸν αὐτὸν ἔχειν καὶ ἄρχοντα καὶ ἀκόλουθον.

ἐπεὶ συμβαίνει γε καὶ οὕτωσ τὸ τοῦ δράκοντοσ, οὗ φησιν ὁ μῦθοσ τὴν οὐρὰν τῇ κεφαλῇ στασιάσασαν ἀξιοῦν ἡγεῖσθαι παρὰ μέροσ καὶ μὴ διὰ παντὸσ ἀκολουθεῖν ἐκείνῃ, λαβοῦσαν δὲ τὴν ἡγεμονίαν αὐτήν τε κακῶσ ἀπαλλάττειν ἀνοίᾳ πορευομένην καὶ τὴν κεφαλὴν καταξαίνειν, τυφλοῖσ καὶ κωφοῖσ μέρεσιν ἀναγκαζομένην παρὰ φύσιν ἕπεσθαι· τοῦτο πολλοὺσ τῶν πρὸσ χάριν ἅπαντα πεπολιτευμένων ὁρῶμεν πεπονθότασ·

ἐξαρτήσαντεσ γὰρ αὑτοὺσ ὄχλων εἰκῇ φερομένων οὔτ’ ἀναλαβεῖν ὕστερον οὔτ’ ἐπιστῆσαι τὴν ἀταξίαν ἐδυνήθησαν. ταῦτα δὲ ἡμῖν εἰσ τὴν παρὰ τῶν πολλῶν δόξαν ἐπῆλθεν εἰπεῖν ἐννοήσασιν ἡλίκην ἔχει δύναμιν ἐκ τῶν Τιβερίῳ καὶ Γαϊῴ τοῖσ Γράγχοισ συμπεσόντων, οὓσ κάλλιστα μὲν φύντασ, κάλλιστα δὲ τραφέντασ, καλλίστην δὲ τῆσ πολιτείασ ὑπόθεσιν λαβόντασ, ἀπώλεσεν οὐχ οὕτωσ ἐπιθυμία δόξησ ἄμετροσ, ὡσ φόβοσ ἀδοξίασ ἐκ προφάσεωσ οὐκ ἀγεννοῦσ πεφυκώσ. μεγάλην γὰρ εὔνοιαν προειληφότεσ παρὰ τῶν πολιτῶν ᾐσχύνθησαν ἐγκαταλιπεῖν ὥσπερ χρέοσ·

ἁμιλλώμενοι δ’ ἀεὶ πολιτεύμασι χρηστοῖσ τὰσ τιμὰσ ὑπερβάλλεσθαι, καὶ τιμώμενοι μᾶλλον ἐξ ὧν ἐπολιτεύοντο κεχαρισμένωσ, καὶ τοῦτον τὸν τρόπον ἴσῃ φιλοτιμίᾳ πρόσ τε τὸν δῆμον ἑαυτοὺσ καὶ τὸν δῆμον πρὸσ ἑαυτοὺσ ἐκκαύσαντεσ, ἔλαθον ἁψάμενοι πραγμάτων ἐν οἷσ οὐκέτ’ ἦν τὸ ἐπιμεῖναι καλὸν, αἰσχρὸν δ’ ἤδη τὸ παύσασθαι. ταῦτα μὲν οὖν ἐπικρινεῖσ αὐτὸσ ἐκ τῆσ διηγήσεωσ παραβάλωμεν δὲ αὐτοῖσ Λακωνικὸν ζεῦγοσ δημαγωγῶν, Ἆγιν καὶ Κλεομένην τοὺσ βασιλεῖσ, καὶ γὰρ οὗτοι τὸν δῆμον αὔξοντεσ, ὥσπερ ἐκεῖνοι, καὶ πολιτείαν καλὴν καὶ δικαίαν ἐκλελοιπυῖαν πολὺν χρόνον ἀναλαμβάνοντεσ, ὁμοίωσ ἀπηχθάνοντο τοῖσ δυνατοῖσ μὴ βουλομένοισ ἀφεῖναι τὴν συνήθη πλεονεξίαν.

ἀδελφοὶ μὲν οὖν οὐκ ἦσαν ἀλλήλων οἱ Λάκωνεσ, συγγενοῦσ δὲ καὶ ἀδελφῆσ ἥψαντο πολιτείασ, ἀρχὴν τοιαύτην λαβόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agis, chapter 2

(플루타르코스, Agis, chapter 2)

상위

목록

SEARCH

MENU NAVIGATION