헬라어 문장 검색 - Πινδαρ́ΟδεσΓρέ4́07́

(핀다르, Odes, isthmian odes, isthmian 7 ΣΤΡΕΨΙΑΔῌ ΘΗΒΑΙῼ ΠΑΓΚΡΑΤΙῼ)

τίνι τῶν πάροσ, ὦ μάκαιρα Θήβα, καλῶν ἐπιχωρίων μάλιστα θυμὸν τεὸν εὔφρανασ; ἦ ῥα χαλκοκρότου πάρεδρον Δαμάτεροσ ἁνίκ’ εὐρυχαίταν ἄντειλασ Διόνυσον; ὁπότ’ Ἀμφιτρύωνοσ ἐν θυρέτροισ σταθεὶσ ἄλοχον μετῆλθεν Ἡρακλείοισ γοναῖσ;

ἢ ὅτ’ ἀμφὶ πυκναῖσ Τειρεσίαο βουλαῖσ;

ἢ ὅτ’ ἀμφ’ Ιὄλαον ἱππόμητιν; ἢ Σπαρτῶν ἀκαμαντολογχᾶν; ἢ ὅτε καρτερᾶσ Ἄδραστον ἐξ ἀλαλᾶσ ἄμπεμψασ ὀρφανὸν μυρίων ἑτάρων ἐσ Ἄργοσ ἵππιον; ἢ Δωρίδ’ ἀποικίαν οὕνεκεν ὀρθῷ ἔστασασ ἐπὶ σφυρῷ Λακεδαιμονίων, ἕλον δ’ Ἀμύκλασ Αἰγεῖδαι σέθεν ἔκγονοι, μαντεύμασι Πυθίοισ;

ἀλλὰ παλαιὰ γὰρ εὕδει χάρισ, ἀμνάμονεσ δὲ βροτοί, ὅ τι μὴ σοφίασ ἀώτον ἄκρον κλυταῖσ ἐπέων ῥοαῖσιν ἐξίκηται ζυγέν.

κώμαζ’ ἔπειτεν ἁδυμελεῖ σὺν ὕμνῳ καὶ Στρεψιάδᾳ· φέρει γὰρ Ἰσθμοῖ νίκαν παγκρατίου·

σθένει τ’ ἔκπαγλοσ ἰδεῖν τε μορφάεισ·

ἄγει τ’ ἀρετὰν οὐκ αἴσχιον φυᾶσ. φλέγεται δὲ ἰοπλόκοισι Μοίσαισ, μάτρωί̈ θ’ ὁμωνύμῳ δέδωκε κοινὸν θάλοσ, χάλκασπισ ᾧ πότμον μὲν Ἄρησ ἔμιξεν, τιμὰ δ’ ἀγαθοῖσιν ἀντίκειται.

λοιγὸν ἄντα φέρων ἐναντίῳ στρατῷ, ἀστῶν γενεᾷ μέγιστον κλέοσ αὔξων ζώων τ’ ἀπὸ καὶ θανών.

προμάχων ἀν’ ὅμιλον, ἔνθ’ ἄριστοι ἔσχον πολέμοιο νεῖκοσ ἐσχάταισ ἐλπίσιν.

ἔτλαν δὲ πένθοσ οὐ φατόν·

ἀλλὰ νῦν μοι Γαιάοχοσ εὐδίαν ὄπασσεν ἐκ χειμῶνοσ. ἀείσομαι χαίταν στεφάνοισιν ἁρμόσαισ. ὁ δ’ ἀθανάτων μὴ θρασσέτω φθόνοσ, ὅ τι τερπνὸν ἐφάμερον διώκων ἕκαλοσ ἔπειμι γῆρασ ἔσ τε τὸν μόρσιμον αἰῶνα. θνᾴσκομεν γὰρ ὁμῶσ ἅπαντεσ·

δαίμων δ’ ἀί̈σοσ·

τὰ μακρὰ δ’ εἴ τισ παπταίνει, βραχὺσ ἐξικέσθαι χαλκόπεδον θεῶν ἕδραν· ὅτι πτερόεισ ἔρριψε Πάγασοσ δεσπόταν ἐθέλοντ’ ἐσ οὐρανοῦ σταθμοὺσ ἐλθεῖν μεθ’ ὁμάγυριν Βελλεροφόνταν Ζηνόσ· τὸ δὲ πὰρ δίκαν γλυκὺ πικροτάτα μένει τελευτά.

ἄμμι δ’, ὦ χρυσέᾳ κόμᾳ θάλλων, πόρε, Λοξία, τεαῖσιν ἁμίλλαισιν εὐανθέα καὶ Πυθόϊ στέφανον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, isthmian odes, isthmian 7 ΣΤΡΕΨΙΑΔῌ ΘΗΒΑΙῼ ΠΑΓΚΡΑΤΙῼ

(핀다르, Odes, isthmian odes, isthmian 7 ΣΤΡΕΨΙΑΔῌ ΘΗΒΑΙῼ ΠΑΓΚΡΑΤΙῼ)

상위

목록

SEARCH

MENU NAVIGATION