헬라어 문장 검색 - Πινδαρ́ΟδεσΓρέ4́05́

(핀다르, Odes, isthmian odes, isthmian 5 ΦΥΛΑΚΙΔᾼ ΑΙΓΙΝΗΤῌ ΠΑΓΚΡΑΤΙῼ)

μᾶτερ Ἁλίου πολυώνυμε Θεία, σέο ἕκατι καὶ μεγασθενῆ νόμισαν χρυσὸν ἄνθρωποι περιώσιον ἄλλων· καὶ γὰρ ἐριζόμεναι νᾶεσ ἐν πόντῳ καὶ <ὑφ’> ἁρ́μασιν ἵπποι διὰ τεάν, ὤνασσα, τιμὰν ὠκυδινάτοισ ἐν ἁμίλλαισι θαυμασταὶ πέλονται· κλέοσ ἔπραξεν, ὅντιν’ ἀθρόοι στέφανοι χερσὶ νικάσαντ’ ἀνέδησαν ἔθειραν ἢ ταχυτᾶτι ποδῶν.

κρίνεται δ’ ἀλκὰ διὰ δαίμονασ ἀνδρῶν. δύο δέ τοι ζωᾶσ ἀώτον μοῦνα ποιμαίνοντι τὸν ἄλπνιστον εὐανθεῖ σὺν ὄλβῳ, εἴ τισ εὖ πάσχων λόγον ἐσλὸν ἀκούῃ. μὴ μάτευε Ζεὺσ γενέσθαι· πάντ’ ἔχεισ, εἴ σε τούτων μοῖρ’ ἐφίκοιτο καλῶν.

θνατὰ θνατοῖσι πρέπει.

τὶν δ’ ἐν Ἰσθμῷ διπλόα θάλλοισ’ ἀρετά, Φυλακίδα, κεῖται, Νεμέα δὲ καὶ ἀμφοῖν, Πυθέᾳ τε παγκρατίου. τὸ δ’ ἐμὸν οὐκ ἄτερ Αἰακιδᾶν κέαρ ὕμνων γεύεται· σὺν Χάρισιν δ’ ἔμολον Λάμπωνοσ υἱοῖσ τάνδ’ ἐσ εὔνομον πόλιν. εἰ δὲ τέτραπται θεοδότων ἔργων κέλευθον ἂν καθαράν, μὴ φθόνει κόμπον τὸν ἐοικότ’ ἀοιδᾷ κιρνάμεν ἀντὶ πόνων.

καὶ γὰρ ἡρώων ἀγαθοὶ πολεμισταὶ λόγον ἐκέρδαναν, κλέονται δ’ ἔν τε φορμίγγεσσιν ἐν αὐλῶν τε παμφώνοισ ὁμοκλαῖσ μυρίον χρόνον·

μελέταν δὲ σοφισταῖσ Διὸσ ἕκατι πρόσβαλον σεβιζόμενοι·

ἐν δὲ Θήβαισ ἱπποσόασ Ιὄλαοσ γέρασ ἔχει, Περσεὺσ δ’ ἐν Ἄργει, Κάστοροσ δ’ αἰχμὰ Πολυδεύκεοσ τ’ ἐπ’ Εὐρώτα ῥεέθροισ.

ἀλλ’ ἐν Οἰνώνᾳ μεγαλήτορεσ ὀργαὶ Αἰακοῦ παίδων τε·

τοὶ καὶ σὺν μάχαισ δὶσ πόλιν Τρώων πράθον ἑσπόμενοι Ἡρακλῆϊ πρότερον, καὶ σὺν Ἀτρείδαισ. ἔλα νῦν μοι πεδόθεν· λέγε, τίνεσ Κύκνον, τίνεσ Ἕκτορα πέφνον, καὶ στράταρχον Αἰθιόπων ἄφοβον Μέμνονα χαλκοάραν· τίσ ἄρ’ ἐσλὸν Τήλεφον τρῶσεν ἑῷ δορὶ Καί̈κου παρ’ ὄχθαισ;

τοῖσιν Αἴγιναν προφέρει στόμα πάτραν διαπρεπέα νᾶσον·

τετείχισται δὲ πάλαι πύργοσ ὑψηλαῖσ ἀρεταῖσ ἀναβαίνειν. πολλὰ μὲν ἀρτιεπὴσ γλῶσσά μοι τοξεύματ’ ἔχει περὶ κείνων κελαδέσαι· καὶ νῦν ἐν Ἄρει μαρτυρήσαι κεν πόλισ Αἰάντοσ ὀρθωθεῖσα ναύταισ ἐν πολυφθόρῳ Σαλαμὶσ Διὸσ ὄμβρῳ ἀναρίθμων ἀνδρῶν χαλαζάεντι φόνῳ.

ἀλλ’ ὅμωσ καύχημα κατάβρεχε σιγᾷ· Ζεὺσ τά τε καὶ τὰ νέμει, Ζεὺσ ὁ πάντων κύριοσ.

ἐν δ’ ἐρατεινῷ μέλιτι καὶ τοιαίδε τιμαὶ καλλίνικον χάρμ’ ἀγαπάζοντι. μαρνάσθω τισ ἔρδων ἀμφ’ ἀέθλοισιν γενεὰν Κλεονίκου ἐκμαθών·

οὔτοι τετύφλωται μακρὸσ μόχθοσ ἀνδρῶν·

οὐδ’ ὁπόσαι δαπάναι ἐλπίδων ἔκνισ’ ὄπιν. αἰνέω καὶ Πυθέαν ἐν γυιοδάμαισ Φυλακίδᾳ πλαγᾶν δρόμον εὐθυπορῆσαι χερσὶ δεξιόν, νόῳ ἀντίπαλον. καὶ πτερόεντα νέον σύμπεμψον ὕμνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, isthmian odes, isthmian 5 ΦΥΛΑΚΙΔᾼ ΑΙΓΙΝΗΤῌ ΠΑΓΚΡΑΤΙῼ

(핀다르, Odes, isthmian odes, isthmian 5 ΦΥΛΑΚΙΔᾼ ΑΙΓΙΝΗΤῌ ΠΑΓΚΡΑΤΙῼ)

상위

목록

SEARCH

MENU NAVIGATION