헬라어 문장 검색 - Πινδαρ́ΟδεσΓρέ4́02́

(핀다르, Odes, isthmian odes, isthmian 2 ΞΕΝΟΚΡΑΤΕΙ ΑΚΡΑΓΑΝΤΙΝῼ ΑΡΜΑΤΙ)

οἱ μὲν πάλαι, ὦ Θρασύβουλε, φῶτεσ, οἳ χρυσαμπύκων ἐσ δίφρον Μοισᾶν ἔβαινον κλυτᾷ φόρμιγγι συναντόμενοι, ῥίμφα παιδείουσ ἐτόξευον μελιγάρυασ ὕμνουσ, ὅστισ ἐὼν καλὸσ εἶχεν Ἀφροδίτασ εὐθρόνου μνάστειραν ἁδίσταν ὀπώραν. ἁ Μοῖσα γὰρ οὐ φιλοκερδήσ πω τότ’ ἦν οὐδ’ ἐργάτισ·

οὐδ’ ἐπέρναντο γλυκεῖαι μελιφθόγγου ποτὶ Τερψιχόρασ ἀργυρωθεῖσαι πρόσωπα μαλθακόφωνοι ἀοιδαί. νῦν δ’ ἐφίητι <τὸ> τὠργείου φυλάξαι ῥῆμ’ ἀλαθείασ <ἐτᾶσ> ἄγχιστα βαῖνον, " χρήματα, χρήματ’ ἀνήρ," ὃσ φᾶ κτεάνων θ’ ἅμα λειφθεὶσ καὶ φίλων. Ἰσθμίαν ἵπποισι νίκαν, τὰν Ξενοκράτει Ποσειδάων ὀπάσαισ, Δωρίων αὐτῷ στεφάνωμα κόμᾳ πέμπεν ἀναδεῖσθαι σελίνων, εὐάρματον ἄνδρα γεραίρων, Ἀκραγαντίνων φάοσ.

ἐν Κρίσᾳ δ’ εὐρυσθενὴσ εἶδ’ Ἀπόλλων νιν πόρε τ’ ἀγλαί̈αν καὶ τόθι·

ταῖσ λιπαραῖσ ἐν Ἀθάναισ, οὐκ ἐμέμφθη ῥυσίδιφρον χεῖρα πλαξίπποιο φωτόσ, τὰν Νικόμαχοσ κατὰ καιρὸν νεῖμ’ ἁπάσαισ ἁνίαισ·

ὅντε καὶ κάρυκεσ ὡρᾶν ἀνέγνον, σπονδοφόροι Κρονίδα Ζηνὸσ Ἀλεῖοι, παθόντεσ πού τι φιλόξενον ἔργον·

ἁδυπνόῳ τέ νιν ἀσπάζοντο φωνᾷ χρυσέασ ἐν γούνασιν πίτνοντα Νίκασ γαῖαν ἀνὰ σφετέραν, τὰν δὴ καλέοισιν Ὀλυμπίου Διὸσ ἄλσοσ· ἵν’ ἀθανάτοισ Αἰνησιδάμου παῖδεσ ἐν τιμαῖσ ἔμιχθεν.

καὶ γὰρ οὐκ ἀγνῶτεσ ὑμῖν ἐντὶ δόμοι οὔτε κώμων, ὦ Θρασύβουλ’, ἐρατῶν, οὔτε μελικόμπων ἀοιδᾶν. οὐ γὰρ πάγοσ, οὐδὲ προσάντησ ἁ κέλευθοσ γίνεται, εἴ τισ εὐδόξων ἐσ ἀνδρῶν ἄγοι τιμὰσ Ἑλικωνιάδων.

μακρὰ δισκήσαισ ἀκοντίσσαιμι τοσοῦθ’, ὅσον ὀργὰν Ξεινοκράτησ ὑπὲρ ἀνθρώπων γλυκεῖαν ἔσχεν.

αἰδοῖοσ μὲν ἦν ἀστοῖσ ὁμιλεῖν, ἱπποτροφίασ τε νομίζων ἐν Πανελλάνων νόμῳ· καὶ θεῶν δαῖτασ προσέπτυκτο πάσασ·

οὐδέ ποτε ξενίαν οὖροσ ἐμπνεύσαισ ὑπέστειλ’ ἱστίον ἀμφὶ τράπεζαν· ἀλλ’ ἐπέρα ποτὶ μὲν Φᾶσιν θερείαισ, ἐν δὲ χειμῶνι πλέων Νείλου πρὸσ ἀκτάσ.

μή νυν, ὅτι φθονεραὶ θνατῶν φρένασ ἀμφικρέμανται ἐλπίδεσ, μήτ’ ἀρετάν ποτε σιγάτω πατρῴαν, μηδὲ τούσδ’ ὕμνουσ·

ἐπεί τοι οὐκ ἐλινύσοντασ αὐτοὺσ εἰργασάμαν. ταῦτα, Νικάσιππ’, ἀπόνειμον, ὅταν ξεῖνον ἐμὸν ἠθαῖον ἔλθῃσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, isthmian odes, isthmian 2 ΞΕΝΟΚΡΑΤΕΙ ΑΚΡΑΓΑΝΤΙΝῼ ΑΡΜΑΤΙ

(핀다르, Odes, isthmian odes, isthmian 2 ΞΕΝΟΚΡΑΤΕΙ ΑΚΡΑΓΑΝΤΙΝῼ ΑΡΜΑΤΙ)

상위

목록

SEARCH

MENU NAVIGATION