헬라어 문장 검색 - Παυσαν́Δεσξριπ́3́07́

(파우사니아스, Description of Greece, Λακωνικά, chapter 7)

γένουσ μὲν δὴ τοῦ Εὐρυσθένουσ, καλουμένων δὲ Ἀγιαδῶν, Κλεομένησ ὁ Λεωνίδου βασιλεὺσ ὕστατοσ ἐγένετο ἐν Σπάρτῃ· τὰ δὲ ἐσ τὴν οἰκίαν τὴν ἑτέραν τοιάδε ἤκουσα εἶναι. Προκλῆσ ὁ Ἀριστοδήμου τῷ παιδὶ ὄνομα τίθεται Σόον. Εὐρυπῶντα δὲ τὸν Σόου φασὶν ἐσ τοσοῦτον ἀφικέσθαι δόξησ ὡσ καὶ τὴν οἰκίαν ταύτην Εὐρυπωντίδασ ὄνομα ἀπ’ αὐτοῦ λαβεῖν, Προκλείδασ ἐσ ἐκεῖνον καλουμένουσ. Εὐρυπῶντοσ δὲ υἱὸσ γίνεται Πρύτανισ.

ἐπὶ μὲν δὴ Πρυτάνιδοσ τοῦ Εὐρυπῶντοσ τὸ ἔχθοσ τε Λακεδαιμονίοισ ἤρξατο τὸ ἐσ Ἀργείουσ καὶ ἔτι τοῦ ἐγκλήματοσ τούτου πρότερον Κυνουρεῦσιν ἐπολέμησαν· τὰσ δὲ ἐφεξῆσ ταύτῃ γενεάσ, Εὐνόμου τε τοῦ Πρυτάνιδοσ καὶ Πολυδέκτου τοῦ Εὐνόμου βασιλευόντων, ἐν εἰρήνῃ διετέλεσεν οὖσα ἡ Σπάρτη. Χάριλλοσ δὲ ὁ Πολυδέκτου τήν τε γῆν ἐδῄωσεν Ἀργείοισ ‐ οὗτοσ γὰρ καὶ ὁ ἐσ τὴν Ἀργολίδα ἐσβαλών ‐ καὶ ἔτεσιν οὐ πολλοῖσ ὕστερον ὑπὸ ἡγεμόνι Χαρίλλῳ γίνεται καὶ ἡ Σπαρτιατῶν ἐπὶ Τεγεάτασ ἔξοδοσ, ὅτε οἱ Λακεδαιμόνιοι Τεγεάτασ αἱρήσειν ἤλπισαν καὶ ἀποτεμεῖσθαι τῆσ Ἀρκαδίασ τὸ Τεγεατῶν πεδίον, ὑπούλῳ μαντεύματι ἐπελθόντεσ.

μετὰ δὲ Χάριλλον τελευτήσαντα Νίκανδροσ ὁ Χαρίλλου διαδέχεται τὴν ἀρχήν·

καὶ τὰ Μεσσηνίων ἐσ Τήλεκλον τὸν τῆσ ἑτέρασ βασιλέα οἰκίασ ἐν τῷ ἱερῷ τῆσ Λιμνάδοσ συμβάντα ἐπὶ Νικάνδρου γίνεται βασιλεύοντοσ. ἐσέβαλε δὲ καὶ ἐσ τὴν Ἀργολίδα ὁ Νίκανδροσ στρατιᾷ καὶ τὰ πολλὰ ἐκάκωσε τῆσ χώρασ· μετ’ οὐ πολὺ Ἀργείοισ ἀπέδοσαν σὺν μεγάλῳ πατρίδοσ τε ὀλέθρῳ καὶ φυγῇ τῇ σφετέρᾳ.

Θεόπομπον δὲ τὸν Νικάνδρου βασιλεύσαντα μετὰ Νίκανδρον μέλλει καὶ αὖθισ ὁ λόγοσ μοι προσθήσειν προελθόντι ἐσ τὴν Μεσσηνίαν συγγραφήν.

Θεοπόμπου δὲ ἔτι ἔχοντοσ τὴν ἀρχὴν ἐν Σπάρτῃ γίνεται καὶ ὁ περὶ τῆσ Θυρεάτιδοσ καλουμένησ χώρασ Λακεδαιμονίοισ ἀγὼν πρὸσ Ἀργείουσ, Θεόπομποσ δὲ αὐτὸσ οὐ μετέσχε τοῦ ἔργου γήρᾳ καὶ ὑπὸ λύπησ τὸ πλέον· Ἀρχίδαμον γὰρ Θεοπόμπου ζῶντοσ ἔτι ἐπιλαμβάνει τὸ χρεών. οὐ μὴν ἄπαισ ἐτελεύτησεν ὁ Ἀρχίδαμοσ, Ζευξίδαμον δὲ ἀπολιπὼν υἱόν.

Ζευξιδάμου δὲ Ἀναξίδαμοσ ὁ παῖσ ἐκδέχεται τὴν ἀρχήν· ἐπὶ τούτου Μεσσήνιοι φεύγουσιν ἐκ Πελοποννήσου, πολέμῳ τὸ δεύτερον κρατηθέντεσ ὑπὸ Σπαρτιατῶν. Ἀναξιδάμου δὲ υἱὸσ ἐγένετο Ἀρχίδαμοσ, Ἀρχιδάμου δὲ Ἀγησικλῆσ· καί σφισιν ὑπῆρξεν ἀμφοτέροισ τὸν βίον διατελέσαι πάντα ἐν ἡσυχίᾳ καὶ πολέμων οὖσιν ἐκτόσ. Ἀρίστωνι δὲ τῷ Ἀγησικλέουσ ἀγαγομένῳ γυναῖκα ἥντινα παρθένον μὲν τῶν ἐν Λακεδαίμονι εἶναί φασιν αἰσχίστην, γυναικῶν δὲ τὸ εἶδοσ καλλίστην ὑπὸ Ἑλένησ γενέσθαι, ταύτην ἀγαγομένῳ τῷ Ἀρίστωνι ἐγένετο υἱὸσ Δημάρατοσ ἐν μόνοισ μησὶν ἑπτά·

καὶ αὐτῷ μετὰ τῶν ἐφόρων καθημένῳ τηνικαῦτα ἐν βουλῇ ἦλθεν οἰκέτησ ἀπαγγέλλων τετέχθαι οἱ παῖδα. Ἀρίστων δὲ ἐπῶν τῶν ἐν Ἰλιάδι ἐσ τὴν Εὐρυσθέωσ γένεσιν πεποιημένοσ λήθην ἢ μηδὲ ἀρχὴν συνεὶσ αὐτῶν οὐκ ἔφη τῶν μηνῶν ἕνεκα αὑτοῦ τὸν παῖδα εἶναι. τοῦτον μὲν δὴ τῶν εἰρημένων μετάνοια ἔλαβεν ὕστερον·

Δημάρατον δὲ βασιλεύοντα καὶ τά τε ἄλλα εὐδοκιμοῦντα ἐν Σπάρτῃ καὶ ἀπὸ τῶν Πεισιστρατιδῶν Κλεομένει συνελευθερώσαντα Ἀθηναίουσ ἥ τε Ἀρίστωνοσ ἀγνωμοσύνη καὶ τὸ ἔχθοσ τὸ Κλεομένουσ ἐποίησεν ἰδιώτην.

καὶ τοῦ μὲν παρὰ βασιλέα Δαρεῖον ἐλθόντοσ ἐσ Πέρσασ ἐπὶ πολὺν ἐν τῇ Ἀσίᾳ χρόνον διαμεῖναι τοὺσ ἀπογόνουσ φασί· Λεωτυχίδησ δὲ ἀντὶ Δημαράτου γενόμενοσ βασιλεὺσ μετέσχε μὲν Ἀθηναίοισ καὶ Ἀθηναίων τῷ στρατηγῷ Ξανθίππῳ τῷ Ἀρίφρονοσ τοῦ ἔργου τοῦ πρὸσ Μυκάλῃ, ἐστράτευσε δὲ ὕστερον τούτων καὶ ἐπὶ τοὺσ Ἀλευάδασ ἐσ Θεσσαλίαν·

καί οἱ καταστρέψασθαι Θεσσαλίαν πᾶσαν ἐξὸν ἅτε ἀεὶ νικῶντι ἐν ταῖσ μάχαισ, δῶρα ἔλαβε παρὰ τῶν Ἀλευαδῶν. ὑπαγόμενοσ δὲ ἐν Λακεδαίμονι ἐσ δίκην ἔφυγεν ἐθελοντὴσ ἐσ Τεγέαν.

καὶ ὁ μὲν αὐτόθι τὴν Ἀθηνᾶν τὴν Ἀλέαν ἱκέτευε, Λεωτυχίδου δὲ ὁ μὲν παῖσ Ζευξίδαμοσ ζῶντοσ ἔτι Λεωτυχίδου καὶ οὐ πεφευγότοσ πω τελευτᾷ νόσῳ, Ἀρχίδαμοσ δὲ ὁ Ζευξιδάμου μετὰ Λεωτυχίδην ἀπελθόντα ἐσ Τεγέαν ἔσχε τὴν ἀρχήν. οὗτοσ Ἀρχίδαμοσ Ἀθηναίοισ μάλιστα ἐκάκωσε τὴν χώραν στρατῷ τε ἐσβάλλων ἐσ γῆν τὴν Ἀττικὴν ἀνὰ πᾶν ἔτοσ καὶ ὁπότε ἐσβάλοι διὰ πάσησ ἐπεξῄει φθείρων καὶ Πλαταιέων Ἀθηναίοισ ὄντων εὔνων πολιορκίᾳ τὸ ἄστυ εἷλεν. οὐ μὴν τὸν πόλεμόν γε τὸν Πελοποννησίων καὶ Ἀθηναίων γενέσθαι συνέσπευσεν.

ἀλλὰ καὶ ἐσ ὅσον δυνάμεωσ ἧκε, διαμεῖναί σφισιν ἔπρασσε τὰσ σπονδάσ. Σθενελαί̈δασ δὲ ἔσ τε ἄλλα ὢν οὐκ ἀδύνατοσ ἐν Λακεδαίμονι καὶ ἐφορεύων ἐν τῷ τότε τοῦ πολέμου μάλιστα ἐγένετο αἴτιοσ· οὗτοσ εὖ τὴν Ἑλλάδα ἔτι βεβηκυῖαν διέσεισεν ἐκ βάθρων, καὶ ὕστερον Φίλιπποσ ὁ Ἀμύντου σαθρὰν ἤδη καὶ οὐ παντάπασιν ὑγιῆ προσκατήρειψεν αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 7

(파우사니아스, Description of Greece, Λακωνικά, chapter 7)

상위

목록

SEARCH

MENU NAVIGATION