헬라어 문장 검색 - Παυσαν́Δεσξριπ́3́03́

(파우사니아스, Description of Greece, Λακωνικά, chapter 3)

τελευτήσαντοσ δὲ Ἀλκαμένουσ Πολύδωροσ τὴν βασιλείαν παρέλαβεν ὁ Ἀλκαμένουσ, καὶ ἀποικίαν τε ἐσ Ἰταλίαν Λακεδαιμόνιοι τὴν ἐσ Κρότωνα ἔστειλαν καὶ ἀποικίαν ἐσ Λοκροὺσ τοὺσ πρὸσ ἄκρᾳ Ζεφυρίῳ, καὶ ὁ πόλεμοσ ὁ καλούμενοσ Μεσσηνιακὸσ Πολυδώρου βασιλεύοντοσ μάλιστα ἐσ ἀκμὴν προῆλθε. λέγουσι δὲ οὐ τὰσ αὐτὰσ Λακεδαιμόνιοί τε αἰτίασ καὶ Μεσσήνιοι τοῦ πολέμου. τὰ οὖν λεγόμενα ὑπ’ αὐτῶν, καὶ ὁποῖον ὁ πόλεμοσ ἔσχεν οὗτοσ πέρασ, τοῦ λόγου μοι τὰ ἐφεξῆσ δηλώσει·

τοσοῦτον δὲ ἐν τῷ παρόντι μνησθησόμεθα αὐτῶν, τὰ πολλὰ ἡγήσασθαι Λακεδαιμονίοισ ἐν τῷ προτέρῳ πρὸσ Μεσσηνίουσ πολέμῳ Θεόπομπον τὸν Νικάνδρου, βασιλέα ὄντα τῆσ ἑτέρασ οἰκίασ.

διαπεπολεμημένου δὲ τοῦ πρὸσ Μεσσήνην πολέμου καὶ ἤδη Λακεδαιμονίοισ δορικτήτου τῆσ Μεσσηνίασ οὔσησ, Πολύδωρον εὐδοκιμοῦντα ἐν Σπάρτῃ καὶ κατὰ γνώμην Λακεδαιμονίων μάλιστα ὄντα τῷ δήμῳ ‐ οὔτε γὰρ ἔργον βίαιον οὔτε ὑβριστὴν λόγον παρείχετο ἐσ οὐδένα, ἐν δὲ ταῖσ κρίσεσι τὰ δίκαια ἐφύλασσεν οὐκ ἄνευ φιλανθρωπίασ, ἔχοντοσ δὲ ἤδη Πολυδώρου λαμπρὸν ἀνὰ πᾶσαν τὴν Ἑλλάδα ὄνομα, Πολέμαρχοσ οἰκίασ ἐν Λακεδαίμονι ἀνὴρ οὐκ ἀδόξου, θρασύτεροσ δὲ ὡσ ἐδήλωσε γνώμην, φονεύει τὸν Πολύδωρον· ἀποθανόντι δὲ αὐτῷ πολλά τε παρὰ Λακεδαιμονίων δέδοται καὶ ἀξιόλογα ἐσ τιμήν.

ἔστι μέντοι καὶ Πολεμάρχου μνῆμα ἐν Σπάρτῃ, εἴτε ἀγαθοῦ τὰ πρότερα ἀνδρὸσ εἶναι νομισθέντοσ εἴτε καὶ κρύφα οἱ προσήκοντεσ θάπτουσιν αὐτόν. ἐπὶ μὲν δὴ Εὐρυκράτουσ τοῦ Πολυδώρου βασιλεύοντοσ Μεσσήνιοί τε ἠνείχοντο ὑπήκοοι Λακεδαιμονίων ὄντεσ καὶ παρὰ τοῦ δήμου τοῦ Ἀργείων οὐδέν σφισιν ἀπήντησε νεώτερον·

ἐπὶ δὲ Ἀναξάνδρου τοῦ Εὐρυκράτουσ ‐ τὸ γὰρ χρεὼν ἤδη Μεσσηνίουσ ἤλαυνεν ἐκτὸσ Πελοποννήσου πάσησ ‐ ἀφίστανται Λακεδαιμονίων οἱ Μεσσήνιοι. καὶ χρόνον μὲν ἀντέσχον πολεμοῦντεσ· γῇ Λακεδαιμονίων ἐγένοντο οἰκέται πλὴν οἱ τὰ ἐπὶ τῇ θαλάσσῃ πολίσματα ἔχοντεσ.

τὰ μὲν δὴ ἐπὶ τοῦ πολέμου συμβάντα, ὃν οἱ Μεσσήνιοι Λακεδαιμονίων ἀποστάντεσ ἐπολέμησαν, οὔ μοι κατὰ καιρὸν ἦν ἐν τῇ συγγραφῇ τῇ παρούσῃ δηλῶσαι·

Ἀναξάνδρου δὲ υἱὸσ Εὐρυκράτησ γίνεται, Εὐρυκράτουσ δὲ τοῦ δευτέρου Λέων. ἐπὶ τούτων βασιλευόντων Λακεδαιμόνιοι προσέπταιον ἐν τῷ πρὸσ Τεγεάτασ πολέμῳ τὰ πλείονα. ἐπὶ δὲ Ἀναξανδρίδου τοῦ Λέοντοσ ἐπικρατέστεροι Τεγεατῶν γίνονται τῷ πολέμῳ· γίνονται δὲ οὕτωσ. ἀνὴρ Λακεδαιμόνιοσ Λίχασ ὄνομα ἀφίκετο ἐσ Τεγέαν· τηνικαῦτα δὲ αἱ πόλεισ ἄγουσαι σπονδὰσ ἔτυχον.

ἀφικομένου δὲ τοῦ Λίχα Ὀρέστου τὰ ὀστᾶ ἀνεζήτουν· ἀνεζήτουν δὲ αὐτὰ ἐκ θεοπροπίου Σπαρτιᾶται. συνῆκεν οὖν ὁ Λίχασ ὡσ ἔστι κατακείμενα ἐν οἰκίᾳ χαλκέωσ, συνῆκε δὲ οὕτωσ· ὁπόσα ἐν τῇ τοῦ χαλκέωσ ἑώρα, παρέβαλεν αὐτὰ πρὸσ τὸ ἐκ Δελφῶν μάντευμα, ἀνέμοισ μὲν τοῦ χαλκέωσ εἰκάζων τὰσ φύσασ, ὅτι καὶ αὐταὶ βίαιον πνεῦμα ἠφίεσαν, τύπον δὲ τὴν σφῦραν καὶ τὸν ἄκμονα ἀντίτυπον ταύτῃ, πῆμα δὲ εἰκότωσ ἀνθρώπῳ τὸν σίδηρον, ὅτι ἐχρῶντο ἐσ τὰσ μάχασ ἤδη τῷ σιδήρῳ· τὰ δὲ ἐπὶ τῶν ἡρώων καλουμένων ἂν εἶπεν ὁ θεὸσ ἀνθρώπῳ πῆμα εἶναι τὸν χαλκόν. τῷ χρησμῷ δὲ τῷ γενομένῳ Λακεδαιμονίοισ ἐσ τοῦ Ὀρέστου τὰ ὀστᾶ καὶ Ἀθηναίοισ ὕστερον ἐοικότα ἐχρήσθη κατάγουσιν ἐσ Ἀθήνασ ἐκ Σκύρου Θησέα, ἄλλωσ δὲ οὐκ εἶναί σφισιν ἑλεῖν Σκῦρον·

καὶ οὗτοσ, καὶ μετ’ οὐ πολὺ εἷλε τὴν Σκῦρον.

ὅτι δὲ ἐπὶ τῶν ἡρώων τὰ ὅπλα ὁμοίωσ χαλκᾶ ἦν πάντα, μαρτυρεῖ μοι καὶ Ὁμήρου τῶν ἐπῶν <τὰ> ἔσ τε ἀξίνην ἔχοντα τὴν Πεισάνδρου καὶ ἐσ τοῦ Μηριόνου τὸν ὀιστόν.

βεβαιοῖ δὲ καὶ ἄλλωσ μοι τὸν λόγον ἐν Φασήλιδι ἀνακείμενον ἐν Ἀθηνᾶσ ἱερῷ τὸ δόρυ Ἀχιλλέωσ καὶ Νικομηδεῦσιν ἐν Ἀσκληπιοῦ ναῷ μάχαιρα ὁ Μέμνονοσ· καὶ τοῦ μὲν ἥ τε αἰχμὴ καὶ ὁ σαυρωτήρ, ἡ μάχαιρα δὲ καὶ διὰ πάσησ χαλκοῦ πεποίηται. ταῦτα μὲν δὴ ἴσμεν ἔχοντα οὕτωσ·

Ἀναξανδρίδησ δὲ ὁ Λέοντοσ Λακεδαιμονίων μόνοσ γυναῖκάσ τε δύο ἅμα ἔσχε καὶ οἰκίασ δύο ἅμα ᾤκησε. τὴν γάρ οἱ πρότερον συνοικοῦσαν ἀρίστην τὰ ἄλλα οὖσαν συνέβαινεν οὐ τίκτειν· ἀποπέμψασθαι δὲ αὐτὴν κελευόντων τῶν ἐφόρων τοῦτο μὲν οὐδαμῶσ ἐπαγγέλλεται, τοσοῦτον δέ σφισιν εἴκει γυναῖκα ἑτέραν λαβεῖν πρὸσ ταύτῃ. καὶ ἥ τε ἐπεισελθοῦσα Κλεομένην παῖδα ἔσχε καὶ ἡ προτέρα τέωσ οὐ σχοῦσα ἐν γαστρὶ ἐπὶ γεγονότι ἤδη Κλεομένει τίκτει Δωριέα καὶ αὖθισ Λεωνίδαν, ἐπὶ δὲ αὐτοῖσ Κλεόμβροτον. ἐπεὶ δὲ ἀπέθανεν Ἀναξανδρίδησ, Λακεδαιμόνιοι Δωριέα καὶ γνώμην Κλεομένουσ καὶ τὰ ἐσ πόλεμον ἀμείνονα εἶναι νομίζοντεσ τὸν μὲν ἀπώσαντο ἄκοντεσ, Κλεομένει δὲ διδόασιν ἐκ τῶν νόμων πρεσβεῖα τὴν ἀρχήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 3

(파우사니아스, Description of Greece, Λακωνικά, chapter 3)

상위

목록

SEARCH

MENU NAVIGATION