헬라어 문장 검색 - Ηιπποξ́Οευϝρεσ́11́10́0́

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 10.)

Ἐσ δὲ τὰ δεξιὰ μᾶλλον καταῤῬέει ἢ ἐσ τὰ ἀριστερὰ, ὅτι αἱ φλέβεσ εἰσὶ κοιλότεραι καὶ πλέονεσ ἢ ἐν τοῖσιν ἀριστεροῖσιν‧ ἀπὸ γὰρ τοῦ ἥπατοσ τείνουσι καὶ ἀπὸ τοῦ σπληνόσ. ἘπικαταῤῬέει δὲ καὶ ἀποτήκεται τοῖσι μὲν παιδίοισι μάλιστα, οἷσιν ἂν διαθερμανθῇ ἡ κεφαλὴ ἤν τε ὑπὸ ἡλίου, ἤν τε ὑπὸ πυρὸσ, καὶ ἐξαπίνησ φρίξῃ ὁ ἐγκέφαλοσ‧ τότε γὰρ ἀποκρίνεται τὸ φλέγμα. Ἀποτήκεται μὲν γὰρ ἐκ τῆσ θέρμησ καὶ διαχύσιοσ τοῦ ἐγκεφάλου‧ ἀποκρίνεται δὲ ἀπὸ τῆσ ψύξιόσ τε καὶ ξυστάσιοσ, καὶ οὕτωσ ἐπικαταῤῬέει. Τοῖσι μὲν αὕτη ἡ πρόφασισ γίνεται, τοῖσι δὲ καὶ ἐπειδὰν ἐξαπίνησ μετὰ βόρεια πνεύματα νότοσ μεταλάβῃ, ξυνεστηκότα τὸν ἐγκέφαλον καὶ εὐσθενέοντα ἔλυσε καὶ ἐχάλασεν ἐξαίφνησ, ὥστε πλημμυρεῖν τὸ φλέγμα, καὶ οὕτω τὸν κατάῤῬοον ποιέεται. ἘπικαταῤῬέει δὲ καὶ ἐξ ἀδήλου, φόβου γινομένου, ἢν δείσῃ βοήσαντόσ τινοσ, ἢ καὶ μεταξὺ κλαίων μὴ οἱο͂́σ τε ἐῄ τὸ πνεῦμα ταχέωσ ἀναλαβεῖν, οἱᾶ γίνεται παιδίοισι πολλάκισ‧ ὅ τι δ’ ἂν τούτων αὐτῷ γένηται, εὐθὺσ ἔφριξε τὸ σῶμα, καὶ ἄφωνοσ γενόμενοσ τὸ πνεῦμα οὐχ εἵλκυσεν, ἀλλὰ τὸ πνεῦμα ἠρέμησε, καὶ ὁ ἐγκέφαλοσ ξυνέστη, καὶ τὸ αἷμα ἔστη, καὶ οὕτωσ ἀπεκρίθη καὶ ἐπικατεῤῬύη τὸ φλέγμα. Τοῖσι μὲν παιδίοισιν αὗται αἱ προφάσιεσ τῆσ ἐπιλήψιόσ εἰσι τὴν ἀρχήν. Τοῖσι δὲ πρεσβύτῃσιν ὁ χειμὼν πολεμιώτατόσ ἐστιν‧ ὅταν γὰρ παρὰ πυρὶ πολλῷ διαθερμανθῇ τὴν κεφαλὴν καὶ τὸν ἐγκέφαλον, ἔπειτα ἐν ψύχει γένηται καὶ Ῥιγώσῃ, ἢ καὶ ἐκ ψύχεοσ εἰσ ἀλέην ἔλθῃ καὶ παρὰ πυρὶ καθίσῃ, τωὐτὸ τοῦτο πάσχει, καὶ οὕτωσ ἐπίληπτοσ γίνεται κατὰ τὰ προειρημένα. Κίνδυνοσ δὲ πολὺσ καὶ ἦροσ παθέειν τωὐτὸ τοῦτο, ἢν ἡλιωθῇ ἡ κεφαλή‧ τοῦ δὲ θέρεοσ ἥκιστα, οὐ γὰρ γίνονται μεταβολαὶ ἐξαπιναῖοι. Ὁκόταν δὲ εἴκοσιν ἔτεα παρέλθῃ, οὐκ ἔτι ἡ νοῦσοσ αὕτη ἐπιλαμβάνει, ἢν μὴ ἐκ παιδίου ξύντροφοσ ἐῄ, ἀλλ’ ἢ ὀλίγουσ ἢ οὐδένα‧ αἱ γὰρ φλέβεσ μεσταί εἰσιν αἵματοσ, καὶ ὁ ἐγκέφαλοσ συνέστηκε καὶ ἐστὶ στρυφνὸσ, ὥστε οὐκ ἐπικαταῤῬέει ἐπὶ τὰσ φλέβασ‧ ἢν δ’ ἐπικαταῤῬύη, τοῦ αἵματοσ οὐκ ἐπικρατέει, πολλοῦ καὶ θερμοῦ ἐόντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 10.

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 10.)

상위

목록

SEARCH

MENU NAVIGATION