헬라어 문장 검색 - Ηιπποξ́Οευϝρεσ́11́17́

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 17.)

Διὸ φημὶ τὸν ἐγκέφαλον εἶναι τὸν ἑρμηνεύοντα τὴν ξύνεσιν. Αἱ δὲ φρένεσ ἄλλωσ οὔνομα ἔχουσι τῇ τύχῃ κεκτημένον καὶ τῷ νόμῳ, τῷ δ’ ἐόντι οὒκ, οὐδὲ τῇ φύσει, οὐδὲ οἶδα ἔγωγε τίνα δύναμιν ἔχουσιν αἱ φρένεσ ὥστε φρονέειν τε καὶ νοέειν, πλὴν εἴ τι ὥνθρωποσ ὑπερχαρείη ἐξ ἀδοκήτου ἢ ἀνιηθείη, πηδῶσι καὶ ἅλσιν παρέχουσιν ὑπὸ λεπτότητοσ καὶ ὅτι ἀνατέτανται μάλιστα ἐν τῷ σώματι, καὶ κοιλίην οὐκ ἔχουσι πρὸσ ἣν δέξονται ἢ ἀγαθὸν ἢ κακὸν προσππτον, ἀλλ’ ὑπ’ ἀμφοτέρων τούτων τεθορύβηνται διὰ τὴν ἀσθενείην τῆσ φύσιοσ‧ ἐπεὶ αἰσθάνονταί γε οὐδενὸσ πρότερον τῶν ἐν τῷ σώματι ἐόντων, ἀλλὰ μάτην τοῦτο τὸ οὔνομα ἔχουσι καὶ τὴν αἰτίην, ὥσπερ τὰ πρὸσ τῇ καρδίῃ ἅπερ ὦτα καλέεται, οὐδὲν ἐσ τὴν ἀκοὴν ξυμβαλλόμενα. Λέγουσι δέ τινεσ ὡσ φρονέομεν τῇ καρδίῃ καὶ τὸ ἀνιώμενον τοῦτό ἐστι καὶ τὸ φροντίζον‧ τὸ δὲ οὐχ οὕτωσ ἔχει, ἀλλὰ σπᾶται μὲν ὥσπερ αἱ φρένεσ καὶ μᾶλλον διὰ ταύτασ τὰσ αἰτίασ‧ ἐξ ἅπαντοσ γαρ τοῦ σώματοσ φλέβεσ ἐσ αὐτὴν συντείνουσι, καὶ ξυγκλείσασα ἔχει ὥστε αἰσθάνεσθαι, ἤν τισ πόνοσ ἢ τάσισ γίνηται τῷ ἀνθρώπῳ‧ ἀνάγκη γὰρ καὶ ἀνιώμενον φρίσσειν τὸ σῶμα καὶ συντείνεσθαι, καὶ ὑπερχαίροντα τὸ αὐτὸ τοῦτο πάσχειν‧ διότι ἡ καρδίη αἰσθάνεταί τε μάλιστα καὶ αἱ φρένεσ. Τῆσ μέντοι φρονήσιοσ οὐδετέρῳ μέτεστιν, ἀλλὰ πάντων τουτέων ὁ ἐγκέφαλοσ αἴτιόσ ἐστιν‧ ὥσπερ οὖν καὶ τῆσ φρονήσιοσ τοῦ ἠέροσ πρῶτοσ αἰσθάνεται τῶν ἐν τῷ σώματι ἐνεόντων, οὕτω καὶ ἤν τισ μεταβολὴ ἰσχυροτέρη γένηται ἐν τῷ ἠέρι ὑπὸ τῶν ὡρων, καὶ αὐτὸσ ἑωυτοῦ διάφοροσ γίνηται ὁ ἠὴρ, ὁ ἐγκέφαλοσ πρῶτοσ αἰσθάνεται‧ διὸ καὶ τὰ νουσήματα ἐσ αὐτὸν ἐμπίπτειν φημὶ ὀξύτατα καὶ μέγιστα καὶ θανατωδέστατα καὶ δυσκριτώτατα τοῖσιν ἀπείροισιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 17.

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 17.)

상위

목록

SEARCH

MENU NAVIGATION