Hippocrates, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 3.

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 3.)

Ἀλλὰ γὰρ αἴτιοσ ὁ ἐγκέφαλοσ τούτου τοῦ πάθεοσ, ὥσπερ καὶ τῶν ἄλλων νουσημάτων τῶν μεγίστων‧ ὁτέῳ δὲ τρόπῳ καὶ ἐξ οἱήσ προφάσιοσ γίνεται, ἐγὼ φράσω σαφέωσ. Ὁ ἐγκέφαλοσ τοῦ ἀνθρώπου ἐστὶ διπλόοσ ὥσπερ καὶ τοῖσιν ἄλλοισι ζώοισιν ἅπασιν‧ τὸ δὲ μέσον αὐτοῦ διείργει μῆνιγξ λεπτή‧ διὸ οὐκ αἰεὶ κατὰ τωὐτὸ τῆσ κεφαλὴσ ἀλγέει, ἀλλ’ ἐν μέρει ἑκάτερον, ὁτὲ δὲ ἅπασαν. Καὶ φλέβεσ δ’ ἐσ αὐτὸν τείνουσιν ἐξ ἅπαντοσ τοῦ σώματοσ, πολλαὶ καὶ λεπταὶ, δύο δὲ παχεῖαι, ἡ μὲν ἀπὸ τοῦ ἥπατοσ, ἡ δὲ ἀπὸ τοῦ σπληνόσ. Καὶ ἡ μὲν ἀπὸ τοῦ ἥπατοσ ὧδ’ ἔχει‧ τὸ μέν τι τῆσ φλεβὸσ κάτω τείνει διὰ τῶν ἐπὶ δεξιὰ παρ’ αὐτὸν τὸν νεφρὸν καὶ τὴν ψυὴν ἐσ τὸ ἐντὸσ τοῦ μηροῦ, καὶ καθήκει ἐσ τὸν πόδα, καὶ καλέεται κοίλη φλέψ‧ ἡ δὲ ἑτέρη ἄνω τείνει διὰ φρενῶν τῶν δεξιῶν καὶ τοῦ πλεύμονοσ‧ ἀπέσχισται δὲ καὶ ἐσ τὴν καρδίην καὶ ἐσ τὸν βραχίονα τὸν δεξιόν‧ τὸ δὲ λοιπὸν ἄνω φέρει διὰ τῆσ κληῗδοσ ἐσ τὰ δεξιὰ τοῦ αὐχένοσ, ἐσ αὐτὸ τὸ δέρμα, ὥστε κατάδηλόσ εἶναι‧ παρὰ δὲ τὸ οὖσ κρύπτεται καὶ ἐνταῦθα σχίζεται, καὶ τὸ μὲν παχύτατον καὶ μέγιστον καὶ κοιλότατον ἐσ τὸν ἐγκέφαλον τελευτᾷ, τὸ δὲ ἐσ τὸ οὖσ τὸ δεξιὸν φλέβιον λεπτὸν, τὸ δὲ ἐσ τὸν ὀφθαλμὸν τὸν δεξιὸν, τὸ δὲ ἐσ τὸν μυκτῆρα. Ἀπὸ μὲν τοῦ ἥπατοσ οὕτωσ ἔχει τῶν φλεβῶν. Διατέταται δὲ καὶ ἀπὸ τοῦ σπληνὸσ φλὲψ ἐσ τὰ ἀριστερὰ καὶ κάτω καὶ ἄνω, ὥσπερ καὶ ἀπὸ τοῦ ἥπατοσ, λεπτοτέρη δὲ καὶ ἀσθενεστέρη.

일치하는 문장이 없습니다.

SEARCH

MENU NAVIGATION