헬라어 문장 검색 - Ηιπποξ́Οευϝρεσ́11́05́0́

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 5.)

Ἡ δὲ νοῦσοσ αὕτη γίνεται τοῖσι μὲν φλεγματίῃσι, τοῖσι δὲ χολώδεσιν οὔ. Ἄρχεται δὲ φύεσθαι ἐπὶ τοῦ ἐμβρύου ἔτι ἐν τῇ μήτρῃ ἐόντοσ‧ καθαίρεται γὰρ καὶ ἀνθέει, ὥσπερ τἄλλα μέρεα, πρὶν γενέσθαι, καὶ ὁ ἐγκέφαλοσ. Ἐν ταύτῃ δὲ τῇ καθάρσει ἢν μὲν καλῶσ καὶ μετρίωσ καθαρθῇ καὶ μήτε πλέον μήτε ἔλασσον τοῦ δέοντοσ ἀποῤῬυῇ, οὕτωσ ὑγιεινοτάτην τὴν κεφαλὴν ἔχει‧ ἢν δὲ πλέονα Ῥυῇ ἀπὸ παντὸσ τοῦ ἐγκεφάλου καὶ ἀπότηξισ πολλὴ γένηται, νοσώδεά τε τὴν κεφαλὴν ἕξει αὐξόμενοσ καὶ ἤχου πλέην, καὶ οὔτε ἥλιον οὔτε ψῦχοσ ἀνέξεται‧ ἢν δὲ ἀπὸ ἑνόσ τινοσ γένηται ἢ ὀφθαλμοῦ ἢ ρὐάτοσ, ἢ φλέψ τισ συνισχνανθῇ, ἐκεῖνο κακοῦται τὸ μέροσ, ὁκοίωσ ἂν καὶ τῆσ ἀποτήξιοσ ἔχῃ‧ ἢν δὲ κάθαρσισ μὴ ἐπιγένηται, ἀλλὰ ξυστ ρῇ τῷ ἐγκεφάλῳ, οὕτωσ ἀνάγκη φλεγματώδεα εἶναι. Καὶ ὁκάσοσι μὲν παιδίοισιν ἐοῦσιν ἐξανθέει ἕλκεα ἐσ τὴν κεφαλὴν καὶ ἐσ τὰ οὐάτα καὶ ἐσ τὸν ἄλλον χρῶτα, καὶ σιαλώδεα γίνεται καὶ μυξόῤῬοα, ταῦτα μὲν Ῥήϊστα διάγει προϊούσησ τῆσ ἡλικίησ‧ ἐνταῦθα γὰρ ἀφίει καὶ ἐκκαθαίρεται τὸ φλέγμα, ὃ ἐχρῆν ἐν τῇ μήτρῃ καθαρθῆναι‧ καὶ τὰ οὕτω καθαρθέντα οὐκ ἐπίληπτα γίνεται ταύτῃ τῇ νούσῳ ὡσ ἐπὶ τὸ πουλύ. Ὁκόσα δὲ καθαρά ἐστι, καὶ μήθ’ ἕλκοσ μηδὲν μήτε μύξα μήτε σίελον αὐτοῖσ προέρχεται μηδὲν, μήτε ἐν τῇσι μήτρῃσι πεποίηται. τὴν κάθαρσιν, τούτοισιν ἐπικίνδυνόν ἐστιν ἁλίσκεσθαι ὑπὸ ταύτησ τῆσ νούσου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 5.

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 5.)

상위

목록

SEARCH

MENU NAVIGATION