헬라어 문장 검색 - Γαλεν́ΟντηεΝά2́01́0́

(갈레노스, On the Natural Faculties., B, section 1)

Ὅτι μὲν οὖν ἀναγκαῖόν ἐστιν οὐκ Ἐρασιστράτῳ μόνον ἀλλὰ καὶ τοῖσ ἄλλοισ ἅπασιν, ὅσοι μέλλουσι περὶ διακρίσεωσ οὔρων ἐρεῖν τι χρηστόν, ὁμολογῆσαι δύναμίν τιν’ ὑπάρχειν τοῖσ νεφροῖσ ἕλκουσαν εἰσ ἑαυτοὺσ ποιότητα τοιαύτην, οἱά ἐν τοῖσ οὔροισ ἐστί, διὰ τοῦ πρόσθεν ἐπιδέδεικται γράμματοσ, ἀναμιμνησκόντων ἅμ’ αὐτῷ καὶ τοῦθ’ ἡμῶν, ὡσ οὐκ ἄλλωσ μὲν εἰσ τὴν κύστιν φέρεται τὰ οὖρα διὰ τῶν νεφρῶν, ἄλλωσ δ’ εἰσ ἅπαντα τοῦ ζῳού τὰ μόρια τὸ αἷμα, κατ’ ἄλλον δέ τινα τρόπον ἡ ξανθὴ χολὴ διακρίνεται. δειχθείσησ γὰρ ἐναργῶσ ἐφ’ ἑνὸσ οὑτινοσοῦν ὀργάνου τῆσ ἑλκτικῆσ τε καὶ ἐπισπαστικῆσ ὀνομαζομένησ δυνάμεωσ οὐδὲν ἔτι χαλεπὸν ἐπὶ τὰ λοιπὰ μεταφέρειν αὐτήν· οὐ γὰρ δὴ τοῖσ μὲν νεφροῖσ ἡ φύσισ ἔδωκέ τινα τοιαύτην δύναμιν, οὐχὶ δέ γε καὶ τοῖσ τὸ χολῶδεσ ὑγρὸν ἕλκουσιν ἀγγείοισ οὐδὲ τούτοισ μέν, οὐκέτι δὲ καὶ τῶν ἄλλων μορίων ἑκάστῳ. καὶ μὴν εἰ τοῦτ’ ἀληθέσ ἐστι, θαυμάζειν χρὴ τοῦ Ἐρασιστράτου ψευδεῖσ οὕτω λόγουσ ὑπὲρ ἀναδόσεωσ τροφῆσ εἰπόντοσ, ὡσ μηδ’ Ἀσκληπιάδην λαθεῖν. καίτοι γ’ οἰέται παντὸσ μᾶλλον ἀληθὲσ ὑπάρχειν, ὡσ, εἴπερ ἐκ τῶν φλεβῶν ἀπορρέοι τι, δυοῖν θάτερον ἢ κενὸσ ἔσται τόποσ ἀθρόωσ ἢ τὸ συνεχὲσ ἐπιρρυήσεται τὴν βάσιν ἀναπληροῦν τοῦ κενουμένου. ἀλλ’ ὅ γ’ Ἀσκληπιάδησ οὐ δυοῖν θάτερόν φησιν, ἀλλὰ τριῶν ἕν τι χρῆναι λέγειν ἐπὶ τοῖσ κενουμένοισ ἀγγείοισ ἕπεσθαι ἢ κενὸν ἀθρόωσ τόπον ἢ τὸ συνεχὲσ ἀκολουθήσειν ἢ συσταλήσεσθαι τὸ ἀγγεῖον. ἐπὶ μὲν γὰρ τῶν καλάμων καὶ τῶν αὐλίσκων τῶν εἰσ τὸ ὕδωρ καθιεμένων ἀληθὲσ εἰπεῖν, ὅτι κενουμένου τοῦ περιεχομένου κατὰ τὴν εὐρυχωρίαν αὐτῶν ἀέροσ ἢ κενὸσ ἀθρόωσ ἔσται τόποσ ἢ ἀκολουθήσει τὸ συνεχέσ· ἐπὶ δὲ τῶν φλεβῶν οὐκέτ’ ἐγχωρεῖ, δυναμένου δὴ τοῦ χιτῶνοσ αὐτῶν εἰσ ἑαυτὸν συνιζάνειν καὶ διὰ τοῦτο καταπίπτειν εἰσ τὴν ἐντὸσ εὐρυχωρίαν. οὕτω μὲν δὴ ψευδὴσ ἡ περὶ τῆσ πρὸσ τὸ κενούμενον ἀκολουθίασ οὐκ ἀπόδειξισ μὰ Δι’ εἴποιμ’ ἂν ἀλλ’ ὑπόθεσισ Ἐρασιστράτειοσ. καθ’ ἕτερον δ’ αὖ τρόπον, εἰ καὶ ἀληθὴσ εἰή, περιττή, τῆσ μὲν κοιλίασ ἐνθλίβειν ταῖσ φλεψὶ δυναμένησ, ὡσ αὐτὸσ ὑπέθετο, τῶν φλεβῶν δ’ αὖ περιστέλλεσθαι τῷ ἐνυπάρχοντι καὶ προωθεῖν αὐτό. τά τε γὰρ ἄλλα καὶ πλῆθοσ οὐκ ἂν ἐν τῷ σώματι γένοιτο, τῇ πρὸσ τὸ κενούμενον ἀκολουθίᾳ μόνῃ τῆσ ἀναδόσεωσ ἐπιτελουμένησ. εἰ μὲν οὖν ἡ τῆσ γαστρὸσ ἔνθλιψισ ἐκλύεται προϊοῦσα καὶ μέχρι παντὸσ ἀδυνατόσ ἐστιν ἐξικνεῖσθαι καὶ διὰ τοῦτ’ ἄλλησ τινὸσ δεῖ μηχανῆσ εἰσ τὴν πάντη φορὰν τοῦ αἵματοσ, ἀναγκαία μὲν ἡ πρὸσ τὸ κενούμενον ἀκολουθία προσεξεύρηται· πλῆθοσ δ’ ἐν οὐδενὶ τῶν μεθ’ ἧπαρ ἔσται μορίων, ἤ, εἴπερ ἄρα, περὶ τὴν καρδίαν τε καὶ τὸν πνεύμονα. μόνη γὰρ αὕτη τῶν μεθ’ ἧπαρ εἰσ τὴν δεξιὰν αὑτῆσ κοιλίαν ἕλκει τὴν τροφήν, εἶτα διὰ τῆσ φλεβὸσ τῆσ ἀρτηριώδουσ ἐκπέμπει τῷ πνεύμονι· τῶν γὰρ ἄλλων οὐδὲν οὐδ’ αὐτὸσ ὁ Ἐρασίστρατοσ ἐκ καρδίασ βούλεται τρέφεσθαι διὰ τὴν τῶν ὑμένων ἐπίφυσιν. εἰ δέ γ’, ἵνα πλῆθοσ γένηται, φυλάξομεν ἄχρι παντὸσ τὴν Ῥώμην τῆσ κατὰ τὴν κοιλίαν ἐνθλίψεωσ, οὐδὲν ἔτι δεόμεθα τῆσ πρὸσ τὸ κενούμενον ἀκολουθίασ, μάλιστ’ εἰ καὶ τὴν τῶν φλεβῶν συνυποθοίμεθα περιστολήν, ὡσ αὖ καὶ τοῦτ’ αὐτῷ πάλιν ἀρέσκει τῷ Ἐρασιστράτῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., B, section 1

(갈레노스, On the Natural Faculties., B, section 1)

상위

목록

SEARCH

MENU NAVIGATION