Euripides, Rhesus, episode, anapests

τί ποτ’ εὐτυχίασ ἐκ τῆσ μεγάλησ Τροίαν ἀνάγει πάλιν ἐσ πένθη δαίμων ἄλλοσ, τί φυτεύων; ἐά ἐά. ὦ ὦ. τίσ ὑπὲρ κεφαλῆσ θεόσ, ὦ βασιλεῦ, τὸν νεόκμητον νεκρὸν ἐν χειροῖν φοράδην πέμπει; ταρβῶ, λεύσσων τόδε, πῆμα. ὁρᾶν πάρεστι, Τρῶεσ· ἡ γὰρ ἐν σοφοῖσ τιμὰσ ἔχουσα Μοῦσα συγγόνων μία πάρειμι, παῖδα τόνδ’ ὁρῶσ’ οἰκτρῶσ φίλον θανόνθ’ ὑπ’ ἐχθρῶν· ὅν ποθ’ ὁ κτείνασ χρόνῳ δόλιοσ Ὀδυσσεὺσ ἀξίαν τείσει δίκην.