Euripides, Rhesus, episode, iambic 2:

(에우리피데스, Rhesus, episode, iambic 2:)

καί μοι καθ’ ὕπνον δόξα τισ παρίσταται· ἵππουσ γὰρ ἃσ ἔθρεψα κἀδιφρηλάτουν Ῥήσῳ παρεστώσ, εἶδον, ὡσ ὄναρ δοκῶν, λύκουσ ἐπεμβεβῶτασ ἑδραίαν ῥάχιν· θείνοντε δ’ οὐρᾷ πωλικῆσ ῥινοῦ τρίχα ἤλαυνον, αἳ δ’ ἔρρεγκον ἐξ ἀντηρίδων θυμὸν πνέουσαι κἀνεχαίτιζον φόβῳ. ἐγὼ δ’ ἀμύνων θῆρασ ἐξεγείρομαι πώλοισιν· ἔννυχοσ γὰρ ἐξώρμα φόβοσ. κλύω δ’ ἐπάρασ κρᾶτα μυχθισμὸν νεκρῶν. θερμὸσ δὲ κρουνὸσ δεσπότου πάρα σφαγαῖσ βάλλει με δυσθνῄσκοντοσ αἵματοσ νέου. ὀρθὸσ δ’ ἀνᾴσσω χειρὶ σὺν κενῇ δορόσ. καί μ’ ἔγχοσ αὐγάζοντα καὶ θηρώμενον παίει παραστὰσ νεῖραν ἐσ πλευρὰν ξίφει ἀνὴρ ἀκμάζων· φασγάνου γὰρ ᾐσθόμην πληγῆσ, βαθεῖαν ἄλοκα τραύματοσ λαβών. πίπτω δὲ πρηνήσ· οἳ δ’ ὄχημα πωλικὸν λαβόντεσ ἵππων ἱέσαν φυγῇ πόδα. ἆ ἆ. ὀδύνη με τείρει, κοὐκέτ’ ὀρθοῦμαι τάλασ. καὶ ξυμφορὰν μὲν οἶδ’ ὁρῶν, τρόπῳ δ’ ὅτῳ τεθνᾶσιν οἱ θανόντεσ οὐκ ἔχω φράσαι, οὐδ’ ἐξ ὁποίασ χειρόσ. εἰκάσαι δέ μοι πάρεστι λυπρὰ πρὸσ φίλων πεπονθέναι. ἡνίοχε Θρῃκὸσ τοῦ κακῶσ πεπραγότοσ, μηδὲν δυσοίζου· πολέμιοι ’̓́δρασαν τάδε. Ἕκτωρ δὲ καὐτὸσ συμφορᾶσ πεπυσμένοσ χωρεῖ· συναλγεῖ δ’, ὡσ ἐοίκε, σοῖσ κακοῖσ. πῶσ, ὦ μέγιστα πήματ’ ἐξειργασμένοι, μολόντεσ ὑμᾶσ πολεμίων κατάσκοποι λήθουσιν αἰσχρῶσ, καὶ κατεσφάγη στρατόσ, κοὔτ’ εἰσιόντασ στρατόπεδ’ ἐξαπώσατε οὔτ’ ἐξιόντασ; τῶνδε τίσ τείσει δίκην πλὴν σοῦ; σὲ γὰρ δὴ φύλακά φημ’ εἶναι στρατοῦ. φροῦδοι δ’ ἄπληκτοι, τῇ Φρυγῶν κακανδρίᾳ πόλλ’ ἐγγελῶντεσ τῷ στρατηλάτῃ τ’ ἐμοί. εὖ νυν τόδ’ ἴστε ‐ Ζεὺσ ὀμώμοται πατήρ ‐ ἤτοι μάραγνά γ’ ἢ καρανιστὴσ μόροσ μένει σε δρῶντα τοιάδ’, ἢ τὸν Ἕκτορα τὸ μηδὲν εἶναι καὶ κακὸν νομίζετε.

일치하는 문장이 없습니다.

SEARCH

MENU NAVIGATION