헬라어 문장 검색 - ΕυριπίΟρεστεσ́07́

(에우리피데스, episode)

γυναῖκεσ, ἦ που τῶνδ’ ἀφώρμηται δόμων τλήμων Ὀρέστησ θεομανεῖ λύσσῃ δαμείσ; ἥκιστα· πρὸσ δ’ Ἀργεῖον οἴχεται λεών, ψυχῆσ ἀγῶνα τὸν προκείμενον πέρι δώσων, ἐν ᾧ ζῆν ἢ θανεῖν ὑμᾶσ χρεών. οἴμοι· τί χρῆμ’ ἔδρασε; τίσ δ’ ἔπεισέ νιν; Πυλάδησ· ἐοίκε δ’ οὐ μακρὰν ὅδ’ ἄγγελοσ λέξειν τὰ κεῖθεν σοῦ κασιγνήτου πέρι. ὦ τλῆμον, ὦ δύστηνε τοῦ στρατηλάτου Ἀγαμέμνονοσ παῖ, πότνι’ Ἠλέκτρα, λόγουσ ἄκουσον οὕσ σοι δυστυχεῖσ ἥκω φέρων. αἰαῖ, διοιχόμεσθα· δῆλοσ εἶ λόγῳ. κακῶν γὰρ ἥκεισ, ὡσ ἐοίκεν, ἄγγελοσ. ψήφῳ Πελασγῶν σὸν κασίγνητον θανεῖν καὶ σέ, ὦ τάλαιν’, ἔδοξε τῇδ’ ἐν ἡμέρᾳ. οἴμοι· προσῆλθεν ἐλπίσ, ἣν φοβουμένη πάλαι τὸ μέλλον ἐξετηκόμην γόοισ. ἀτὰρ τίσ ἁγών, τίνεσ ἐν Ἀργείοισ λόγοι καθεῖλον ἡμᾶσ κἀπεκύρωσαν θανεῖν; λέγ’, ὦ γεραιέ· πότερα λευσίμῳ χερὶ ἢ διὰ σιδήρου πνεῦμ’ ἀπορρῆξαί με δεῖ, κοινὰσ ἀδελφῷ συμφορὰσ κεκτημένην; ἐτύγχανον μὲν ἀγρόθεν πυλῶν ἔσω βαίνων, πυθέσθαι δεόμενοσ τά τ’ ἀμφὶ σοῦ τά τ’ ἀμφ’ Ὀρέστου·

σῷ γὰρ εὔνοιαν πατρὶ ἀεί ποτ’ εἶχον, καί μ’ ἔφερβε σὸσ δόμοσ πένητα μέν, χρῆσθαι δὲ γενναῖον φίλοισ. ὁρῶ δ’ ὄχλον στείχοντα καὶ θάσσοντ’ ἄκραν, οὗ φασι πρῶτον Δαναὸν Αἰγύπτῳ δίκασ διδόντ’ ἀθροῖσαι λαὸν ἐσ κοινὰσ ἕδρασ. ἀστῶν δὲ δή τιν’ ἠρόμην ἄθροισμ’ ἰδών· Τί καινὸν Ἄργει; μῶν τι πολεμίων πάρα ἄγγελμ’ ἀνεπτέρωκε Δαναϊδῶν πόλιν; ὃ δ’ εἶπ’· Ὀρέστην κεῖνον οὐχ ὁρᾷσ πέλασ στείχοντ’, ἀγῶνα θανάσιμον δραμούμενον; ὁρῶ δ’ ἀέλπτον φάσμ’, ὃ μήποτ’ ὤφελον, Πυλάδην τε καὶ σὸν σύγγονον στείχονθ’ ὁμοῦ, τὸν μὲν κατηφῆ καὶ παρειμένον νόσῳ, τὸν δ’ ὥστ’ ἀδελφὸν ἴσα φίλῳ λυπούμενον, νόσημα κηδεύοντα παιδαγωγίᾳ.

ἐπεὶ δὲ πλήρησ ἐγένετ’ Ἀργείων ὄχλοσ, κῆρυξ ἀναστὰσ εἶπε· Τίσ χρῄζει λέγειν, πότερον Ὀρέστην κατθανεῖν ἢ μὴ χρεών, μητροκτονοῦντα; κἀπὶ τῷδ’ ἀνίσταται Ταλθύβιοσ, ὃσ σῷ πατρὶ συνεπόρθει Φρύγασ. ἔλεξε δ’, ὑπὸ τοῖσ δυναμένοισιν ὢν ἀεί, διχόμυθα, πατέρα μὲν σὸν ἐκπαγλούμενοσ, σὸν δ’ οὐκ ἐπαινῶν σύγγονον, καλοὺσ κακοὺσ λόγουσ ἑλίσσων, ὅτι καθισταίη νόμουσ ἐσ τοὺσ τεκόντασ οὐ καλούσ· τὸ δ’ ὄμμ’ ἀεὶ φαιδρωπὸν ἐδίδου τοῖσιν Αἰγίσθου φίλοισ. τὸ γὰρ γένοσ τοιοῦτον· ἐπὶ τὸν εὐτυχῆ πηδῶσ’ ἀεὶ κήρυκεσ· ὅδε δ’ αὐτοῖσ φίλοσ, ὃσ ἂν δύνηται πόλεοσ ἔν τ’ ἀρχαῖσιν ᾖ. ἐπὶ τῷδε δ’ ἠγόρευε Διομήδησ ἄναξ.

ὑπὸ δ’ ἔτεινε Τυνδάρεωσ λόγουσ τῷ σφὼ κατακτείνοντι τοιούτουσ λέγειν. οὗτοσ κτανεῖν μὲν οὔτε σὲ οὔτε σύγγονον εἰά, φυγῇ δὲ ζημιοῦντασ εὐσεβεῖν. ἐπερρόθησαν δ’ οἳ μὲν ὡσ καλῶσ λέγοι, οἳ δ’ οὐκ ἐπῄνουν. κἀπὶ τῷδ’ ἀνίσταται ἀνήρ τισ ἀθυρόγλωσσοσ, ἰσχύων θράσει, Ἀργεῖοσ οὐκ Ἀργεῖοσ, ἠναγκασμένοσ, θορύβῳ τε πίσυνοσ κἀμαθεῖ παρρησίᾳ, πιθανὸσ ἔτ’ αὐτοὺσ περιβαλεῖν κακῷ τινι· ὅταν γὰρ ἡδύσ τισ λόγοισ φρονῶν κακῶσ πείθῃ τὸ πλῆθοσ, τῇ πόλει κακὸν μέγα· ὅσοι δὲ σὺν νῷ χρηστὰ βουλεύουσ’ ἀεί, κἂν μὴ παραυτίκ’, αὖθίσ εἰσι χρήσιμοι πόλει. θεᾶσθαι δ’ ὧδε χρὴ τὸν προστάτην ἰδόνθ’· ὅμοιον γὰρ τὸ χρῆμα γίγνεται τῷ τοὺσ λόγουσ λέγοντι καὶ τιμωμένῳ. ὃσ εἶπ’ Ὀρέστην καὶ σὲ ἀποκτεῖναι πέτροισ βάλλοντασ· ἄλλοσ δ’ ἀναστὰσ ἔλεγε τῷδ’ ἐναντία, μορφῇ μὲν οὐκ εὐωπόσ, ἀνδρεῖοσ δ’ ἀνήρ, ὀλιγάκισ ἄστυ κἀγορᾶσ χραίνων κύκλον, αὐτουργόσ ‐ οἵπερ καὶ μόνοι σῴζουσι γῆν ‐ ξυνετὸσ δέ, χωρεῖν ὁμόσε τοῖσ λόγοισ θέλων, ἀκέραιοσ, ἀνεπίπληκτον ἠσκηκὼσ βίον·

ὃσ εἶπ’ Ὀρέστην παῖδα τὸν Ἀγαμέμνονοσ στεφανοῦν, ὃσ ἠθέλησε τιμωρεῖν πατρί, κακὴν γυναῖκα κἄθεον κατακτανών, ἣ κεῖν’ ἀφῄρει, μήθ’ ὁπλίζεσθαι χέρα μήτε στρατεύειν ἐκλιπόντα δώματα, εἰ τἄνδον οἰκουρήμαθ’ οἱ λελειμμένοι φθείρουσιν, ἀνδρῶν εὔνιδασ λωβώμενοι. καὶ τοῖσ γε χρηστοῖσ εὖ λέγειν ἐφαίνετο. κοὐδεὶσ ἔτ’ εἶπε.

σὸσ δ’ ἐπῆλθε σύγγονοσ, ἔλεξε δ’· ὦ γῆν Ἰνάχου κεκτημένοι, πάλαι Πελασγοί, Δαναί̈δαι δεύτερον, ὑμῖν ἀμύνων οὐδὲν ἧσσον ἢ πατρὶ ἔκτεινα μητέρ’. εἰ γὰρ ἀρσένων φόνοσ ἔσται γυναιξὶν ὅσιοσ, οὐ φθάνοιτ’ ἔτ’ ἂν θνῄσκοντεσ, ἢ γυναιξὶ δουλεύειν χρεών· τοὐναντίον δὲ δράσετ’ ἢ δρᾶσαι χρεών. νῦν μὲν γὰρ ἡ προδοῦσα λέκτρ’ ἐμοῦ πατρὸσ τέθνηκεν· εἰ δὲ δὴ κατακτενεῖτ’ ἐμέ, ὁ νόμοσ ἀνεῖται, κοὐ φθάνοι θνῄσκων τισ ἄν· ὡσ τῆσ γε τόλμησ οὐ σπάνισ γενήσεται. ἀλλ’ οὐκ ἔπειθ’ ὅμιλον, εὖ δοκῶν λέγειν.

νικᾷ δ’ ἐκεῖνοσ ὁ κακὸσ ἐν πλήθει λέγων, ὃσ ἠγόρευσε σύγγονον σέ τε κτανεῖν. μόλισ δ’ ἔπεισε μὴ πετρουμένουσ θανεῖν τλήμων Ὀρέστησ· αὐτόχειρι δὲ σφαγῇ ὑπέσχετ’ ἐν τῇδ’ ἡμέρᾳ λείψειν βίον σὺν σοί. πορεύει δ’ αὐτὸν ἐκκλήτων ἄπο Πυλάδησ δακρύων· σὺν δ’ ὁμαρτοῦσιν φίλοι κλαίοντεσ, οἰκτίροντεσ· ἔρχεται δέ σοι πικρὸν θέαμα καὶ πρόσοψισ ἀθλία. ἀλλ’ εὐτρέπιζε φάσγαν’ ἢ βρόχον δέρῃ· ὡσ δεῖ λιπεῖν σε φέγγοσ· ἡ εὐγένεια δὲ οὐδέν σ’ ἐπωφέλησεν, οὐδ’ ὁ Πύθιοσ τρίποδα καθίζων Φοῖβοσ, ἀλλ’ ἀπώλεσεν. ὦ δυστάλαινα παρθέν’, ὡσ ξυνηρεφὲσ πρόσωπον εἰσ γῆν σὸν βαλοῦσ’ ἄφθογγοσ εἶ, ὡσ εἰσ στεναγμοὺσ καὶ γόουσ δραμουμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode

(에우리피데스, episode)

상위

목록

SEARCH

MENU NAVIGATION