Euripides, Ion, episode, iambic 3:

(에우리피데스, Ion, episode, iambic 3:)

λαβοῦσα τόνδε παῖδα Κεκροπίαν χθόνα χώρει, Κρέουσα, κἀσ θρόνουσ τυραννικοὺσ ἵδρυσον. ἐκ γὰρ τῶν Ἐρεχθέωσ γεγὼσ δίκαιοσ ἄρχειν τῆσ γ’ ἐμῆσ ὅδε χθονόσ, ἔσται τ’ ἀν’ Ἑλλάδ’ εὐκλεήσ. οἱ τοῦδε γὰρ παῖδεσ γενόμενοι τέσσαρεσ ῥίζησ μιᾶσ ἐπώνυμοι γῆσ κἀπιφυλίου χθονὸσ λαῶν ἔσονται, σκόπελον οἳ ναίουσ’ ἐμόν. Γελέων μὲν ἔσται πρῶτοσ· εἶτα δεύτεροσ <> Ὅπλητεσ Ἀργαδῆσ τ’, ἐμῆσ τ’ ἀπ’ αἰγίδοσ ἔμφυλον ἕξουσ’ Αἰγικορῆσ. οἱ τῶνδε δ’ αὖ παῖδεσ γενόμενοι σὺν χρόνῳ πεπρωμένῳ Κυκλάδασ ἐποικήσουσι νησαίασ πόλεισ χέρσουσ τε παράλουσ, ὃ σθένοσ τἠμῇ χθονὶ δίδωσιν· ἀντίπορθμα δ’ ἠπείροιν δυοῖν πεδία κατοικήσουσιν, Ἀσιάδοσ τε γῆσ Εὐρωπίασ τε· τοῦδε δ’ ὀνόματοσ χάριν Ιὤνεσ ὀνομασθέντεσ ἕξουσιν κλέοσ. Ξούθῳ δὲ καὶ σοὶ γίγνεται κοινὸν γένοσ, Δῶροσ μέν, ἔνθεν Δωρὶσ ὑμνηθήσεται πόλισ κατ’ αἰᾶν Πελοπίαν· ὁ δεύτεροσ Ἀχαιόσ, ὃσ γῆσ παραλίασ Ῥίου πέλασ τύραννοσ ἔσται, κἀπισημανθήσεται κείνου κεκλῆσθαι λαὸσ ὄνομ’ ἐπώνυμοσ. καλῶσ δ’ Ἀπόλλων πάντ’ ἔπραξε· πρῶτα μὲν ἄνοσον λοχεύει σ’, ὥστε μὴ γνῶναι φίλουσ· ἐπεὶ δ’ ἔτικτεσ τόνδε παῖδα κἀπέθου ἐν σπαργάνοισιν, ἁρπάσαντ’ ἐσ ἀγκάλασ Ἑρμῆν κελεύει δεῦρο πορθμεῦσαι βρέφοσ, ἔθρεψέ τ’ οὐδ’ εἰάσεν ἐκπνεῦσαι βίον. νῦν οὖν σιώπα, παῖσ ὅδ’ ὡσ πέφυκε σόσ, ἵν’ ἡ δόκησισ Ξοῦθον ἡδέωσ ἔχῃ, σύ τ’ αὖ τὰ σαυτῆσ ἀγάθ’ ἔχουσ’ ἰῄσ, γύναι. καὶ χαίρετ’· ἐκ γὰρ τῆσδ’ ἀναψυχῆσ πόνων εὐδαίμον’ ὑμῖν πότμον ἐξαγγέλλομαι.

일치하는 문장이 없습니다.

SEARCH

MENU NAVIGATION