Euripides, Ion, episode, iambics 5:

τί δῆτα φάσμα τῶν ἀνελπίστων ὁρῶ·? σίγα σύ: πολλὰ καὶ πάροιθεν οἶσθά μοι - οὐκ ἐν σιωπῇ τἀμά: μή με νουθέτει. ὁρῶ γὰρ ἄγγος οὗ ξέθηκ ἐγώ ποτε - σέ γ, ὦ τέκνον μοι, βρέφος ἔτ ὄντα νήπιον, Κέκροπος ἐς ἄντρα καὶ Μακρὰς πετρηρεφεῖς. λείψω δὲ βωμὸν τόνδε, κεἰ θανεῖν με χρή. λάζυσθε τήνδε: θεομανὴς γὰρ ἥλατο βωμοῦ λιποῦσα ξόανα: δεῖτε δ ὠλένας. σφάζοντες οὐ λήγοιτ ἄν: ὡς ἀνθέξομαι καὶ τῆσδε καὶ σοῦ τῶν τε σῶν κεκρυμμένων. τάδ οὐχὶ δεινά· ῥυσιάζομαι λόγῳ. οὔκ, ἀλλὰ σοῖς φίλοισιν εὑρίσκῃ φίλος. ἐγὼ φίλος σός· κᾆτά μ ἔκτεινες λάθρα· παῖς γ, εἰ τόδ ἐστὶ τοῖς τεκοῦσι φίλτατον. παῦσαι πλέκουσα. - λήψομαί ς ἐγὼ καλῶς. ἐς τοῦθ ἱκοίμην, τοῦδε τοξεύω, τέκνον. κενὸν τόδ ἄγγος ἢ στέγει πλήρωμά τι· σά γ ἔνδυθ, οἷσί ς ἐξέθηκ ἐγώ ποτε. καὶ τοὔνομ αὐτῶν ἐξερεῖς πρὶν εἰσιδεῖν· κἂν μὴ φράσω γε, κατθανεῖν ὑφίσταμαι. λέγ: ὡς ἔχει τι δεινὸν ἥ γε τόλμα σου. σκέψασθ: ὃ παῖς ποτ οὖς ὕφασμ ὕφην ἐγὼ - ποῖόν τι· πολλὰ παρθένων ὑφάσματα. οὐ τέλεον, οἱο῀ν δ ἐκδίδαγμα κερκίδος. μορφὴν ἔχον τίν· ὥς με μὴ ταύτῃ λάβῃς. Γοργὼ μὲν ἐν μέσοισιν ἠτρίοις πέπλων. ὦ Ζεῦ, τίς ἡμᾶς ἐκκυνηγετεῖ πότμος· κεκρασπέδωται δ ὄφεσιν αἰγίδος τρόπον. ἰδού: τόδ ἔσθ ὕφασμα, θέσφαθ ὡς εὑρίσκομεν. ὦ χρόνιον ἱστῶν παρθένευμα τῶν ἐμῶν. ἔστιν τι πρὸς τῷδ, ἢ μόνῳ τῷδ εὐτυχεῖς· δράκοντες: ἀρχαῖόν τι παγχρύσῳ γένει δώρημ Ἀθάνας, ἣ τέκν ἐντρέφειν λέγει - Ἐριχθονίου γε τοῦ πάλαι μιμήματα. τί δρᾶν, τί χρῆσθαι, φράζε μοι, χρυσώματι· δέραια παιδὶ νεογόνῳ φέρειν, τέκνον. ἔνεισιν οἵδε: τὸ δὲ τρίτον ποθῶ μαθεῖν. στέφανον ἐλαίας ἀμφέθηκά σοι τότε, ἣν πρῶτ Ἀθάνα σκόπελον εἰσηνέγκατο, ὅς, εἴπερ ἔστιν, οὔποτ ἐκλείπει χλόην, θάλλει δ, ἐλαίας ἐξ ἀκηράτου γεγώς.?