헬라어 문장 검색 - ΕυριπίΙον́9́4́5́

(에우리피데스, Ion, episode, iambics 5:)

τί δῆτα φάσμα τῶν ἀνελπίστων ὁρῶ; σίγα σύ· πολλὰ καὶ πάροιθεν οἶσθά μοι ‐ οὐκ ἐν σιωπῇ τἀμά· μή με νουθέτει. ὁρῶ γὰρ ἄγγοσ οὗ ’ξέθηκ’ ἐγώ ποτε ‐ σέ γ’, ὦ τέκνον μοι, βρέφοσ ἔτ’ ὄντα νήπιον, Κέκροποσ ἐσ ἄντρα καὶ Μακρὰσ πετρηρεφεῖσ. λείψω δὲ βωμὸν τόνδε, κεἰ θανεῖν με χρή. λάζυσθε τήνδε· θεομανὴσ γὰρ ἥλατο βωμοῦ λιποῦσα ξόανα· δεῖτε δ’ ὠλένασ. σφάζοντεσ οὐ λήγοιτ’ ἄν· ὡσ ἀνθέξομαι καὶ τῆσδε καὶ σοῦ τῶν τε σῶν κεκρυμμένων. τάδ’ οὐχὶ δεινά; ῥυσιάζομαι λόγῳ. οὔκ, ἀλλὰ σοῖσ φίλοισιν εὑρίσκῃ φίλοσ. ἐγὼ φίλοσ σόσ; κᾆτά μ’ ἔκτεινεσ λάθρα; παῖσ γ’, εἰ τόδ’ ἐστὶ τοῖσ τεκοῦσι φίλτατον. παῦσαι πλέκουσα. ‐ λήψομαί σ’ ἐγὼ καλῶσ. ἐσ τοῦθ’ ἱκοίμην, τοῦδε τοξεύω, τέκνον. κενὸν τόδ’ ἄγγοσ ἢ στέγει πλήρωμά τι; σά γ’ ἔνδυθ’, οἷσί σ’ ἐξέθηκ’ ἐγώ ποτε. καὶ τοὔνομ’ αὐτῶν ἐξερεῖσ πρὶν εἰσιδεῖν; κἂν μὴ φράσω γε, κατθανεῖν ὑφίσταμαι. λέγ’· ὡσ ἔχει τι δεινὸν ἥ γε τόλμα σου. σκέψασθ’· ὃ παῖσ ποτ’ οὖσ’ ὕφασμ’ ὕφην’ ἐγὼ ‐ ποῖόν τι; πολλὰ παρθένων ὑφάσματα. οὐ τέλεον, οἱο͂ν δ’ ἐκδίδαγμα κερκίδοσ. μορφὴν ἔχον τίν’; ὥσ με μὴ ταύτῃ λάβῃσ. Γοργὼ μὲν ἐν μέσοισιν ἠτρίοισ πέπλων. ὦ Ζεῦ, τίσ ἡμᾶσ ἐκκυνηγετεῖ πότμοσ; κεκρασπέδωται δ’ ὄφεσιν αἰγίδοσ τρόπον. ἰδού· τόδ’ ἔσθ’ ὕφασμα, θέσφαθ’ ὡσ εὑρίσκομεν. ὦ χρόνιον ἱστῶν παρθένευμα τῶν ἐμῶν. ἔστιν τι πρὸσ τῷδ’, ἢ μόνῳ τῷδ’ εὐτυχεῖσ; δράκοντεσ· ἀρχαῖόν τι παγχρύσῳ γένει δώρημ’ Ἀθάνασ, ἣ τέκν’ ἐντρέφειν λέγει ‐ Ἐριχθονίου γε τοῦ πάλαι μιμήματα. τί δρᾶν, τί χρῆσθαι, φράζε μοι, χρυσώματι; δέραια παιδὶ νεογόνῳ φέρειν, τέκνον. ἔνεισιν οἵδε· τὸ δὲ τρίτον ποθῶ μαθεῖν. στέφανον ἐλαίασ ἀμφέθηκά σοι τότε, ἣν πρῶτ’ Ἀθάνα σκόπελον εἰσηνέγκατο, ὅσ, εἴπερ ἔστιν, οὔποτ’ ἐκλείπει χλόην, θάλλει δ’, ἐλαίασ ἐξ ἀκηράτου γεγώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, iambics 5:

(에우리피데스, Ion, episode, iambics 5:)

상위

목록

SEARCH

MENU NAVIGATION