헬라어 문장 검색 - ΕυριπίΙον́9́4́2́

(에우리피데스, Ion, episode, iambics 2:)

ἐπίσχεσ, ὦ παῖ· τρίποδα γὰρ χρηστήριον λιποῦσα θριγκοῦ τοῦδ’ ὑπερβάλλω πόδα Φοίβου προφῆτισ, τρίποδοσ ἀρχαῖον νόμον σῴζουσα, πασῶν Δελφίδων ἐξαίρετοσ. χαῖρ’, ὦ φίλη μοι μῆτερ, οὐ τεκοῦσά περ. ἀλλ’ οὖν λεγώμεθ’· ἡ φάτισ δ’ οὔ μοι πικρά. ἤκουσασ ὥσ μ’ ἔκτεινεν ἥδε μηχαναῖσ; ἤκουσα· καὶ σὺ δ’ ὠμὸσ ὢν ἁμαρτάνεισ. οὐ χρή με τοὺσ κτείνοντασ ἀνταπολλύναι; προγονοῖσ δάμαρτεσ δυσμενεῖσ ἀεί ποτε. ἡμεῖσ δὲ μητρυιαῖσ γε πάσχοντεσ κακῶσ. μὴ ταῦτα· λείπων ἱερὰ καὶ στείχων πάτραν ‐ τί δή με δρᾶσαι νουθετούμενον χρεών; καθαρὸσ Ἀθήνασ ἔλθ’ ὑπ’ οἰωνῶν καλῶν. καθαρὸσ ἅπασ τοι πολεμίουσ ὃσ ἂν κτάνῃ. μὴ σύ γε· παρ’ ἡμῶν δ’ ἔκλαβ’ οὓσ ἔχω λόγουσ. λέγοισ ἄν· εὔνουσ δ’ οὖσ’ ἐρεῖσ ὅσ’ ἂν λέγῃσ. ὁρᾷσ τόδ’ ἄγγοσ χερὸσ ὑπ’ ἀγκάλαισ ἐμαῖσ; ὁρῶ παλαιὰν ἀντίπηγ’ ἐν στέμμασιν. ἐν τῇδέ σ’ ἔλαβον νεόγονον βρέφοσ ποτέ. τί φῄσ; ὁ μῦθοσ εἰσενήνεκται νέοσ. σιγῇ γὰρ εἶχον αὐτά· νῦν δὲ δείκνυμεν. πῶσ οὖν ἔκρυπτεσ τόδε λαβοῦσ’ ἡμᾶσ πάλαι; ὁ θεόσ σ’ ἐβούλετ’ ἐν δόμοισ ἔχειν λάτριν. νῦν δ’ οὐχὶ χρῄζει; τῷ τόδε γνῶναί με χρή; πατέρα κατειπὼν τῆσδέ σ’ ἐκπέμπει χθονόσ. σὺ δ’ ἐκ κελευσμῶν ἢ πόθεν σῴζεισ τάδε; ἐνθύμιόν μοι τότε τίθησι Λοξίασ ‐ τί χρῆμα δρᾶσαι; λέγε, πέραινε σοὺσ λόγουσ. σῶσαι τόδ’ εὑρ́ημ’ ἐσ τὸν ὄντα νῦν χρόνον. ἔχει δέ μοι τί κέρδοσ ‐ ἢ τίνα βλάβην; ἐνθάδε κέκρυπται σπάργαν’ οἷσ ἐνῆσθα σύ. μητρὸσ τάδ’ ἡμῖν ἐκφέρεισ ζητήματα; ἐπεί γ’ ὁ δαίμων βούλεται· πάροιθε δ’ οὔ. ὦ μακαρίων μοι φασμάτων ἥδ’ ἡμέρα. λαβών νυν αὐτὰ τὴν τεκοῦσαν ἐκπόνει. πᾶσάν γ’ ἐπελθὼν Ἀσιάδ’ Εὐρώπησ θ’ ὁρ́ουσ. γνώσῃ τάδ’ αὐτόσ. τοῦ θεοῦ δ’ ἕκατί σε ἔθρεψά τ’, ὦ παῖ, καὶ τάδ’ ἀποδίδωμί σοι, ἃ κεῖνοσ ἀκέλευστόν μ’ ἐβουλήθη λαβεῖν σῶσαί θ’· ὅτου δ’ ἐβούλεθ’ οὕνεκ’, οὐκ ἔχω λέγειν. ᾔδει δὲ θνητῶν οὔτισ ἀνθρώπων τάδε ἔχοντασ ἡμᾶσ, οὐδ’ ἵν’ ἦν κεκρυμμένα. καὶ χαῖρ’· ἴσον γάρ σ’ ὡσ τεκοῦσ’ ἀσπάζομαι. ἄρξαι δ’ ὅθεν σὴν μητέρα ζητεῖν σε χρή· πρῶτον μὲν εἴ τισ Δελφίδων τεκοῦσά σε ἐσ τούσδε ναοὺσ ἐξέθηκε παρθένοσ, ἔπειτα δ’ εἴ τισ Ἑλλάσ. ‐ ἐξ ἡμῶν δ’ ἔχεισ ἅπαντα Φοίβου θ’, ὃσ μετέσχε τῆσ τύχησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, iambics 2:

(에우리피데스, Ion, episode, iambics 2:)

상위

목록

SEARCH

MENU NAVIGATION