Euripides, Ion, episode, lyric 5:

(에우리피데스, Ion, episode, lyric 5:)

τί δῆτα, θύγατερ, τοῦτο σοῖσ ἐχθροῖσ βλάβοσ; Ἐριχθόνιον οἶσθ’, ἢ ‐ ; τί δ’ οὐ μέλλεισ, γέρον; ὃν πρῶτον ὑμῶν πρόγονον ἐξανῆκε γῆ; τούτῳ δίδωσι Παλλὰσ ὄντι νεογόνῳ ‐ τί χρῆμα; μέλλον γάρ τι προσφέρεισ ἔποσ. δισσοὺσ σταλαγμοὺσ αἵματοσ Γοργοῦσ ἄπο. ἰσχὺν ἔχοντασ τίνα πρὸσ ἀνθρώπου φύσιν; τὸν μὲν θανάσιμον, τὸν δ’ ἀκεσφόρον νόσων. ἐν τῷ καθάψασ’ ἀμφὶ παιδὶ σώματοσ; χρυσοῖσι δεσμοῖσ· ὁ δὲ δίδωσ’ ἐμῷ πατρί. κείνου δὲ κατθανόντοσ ἐσ σὲ ἀφίκετο; ναί· κἀπὶ καρπῷ γ’ αὔτ’ ἐγὼ χερὸσ φέρω. πῶσ οὖν κέκρανται δίπτυχον δῶρον θεᾶσ; κοίλησ μὲν ὅστισ φλεβὸσ ἀπέσταξεν φόνῳ ‐ τί τῷδε χρῆσθαι; δύνασιν ἐκφέρει τίνα; νόσουσ ἀπείργει καὶ τροφὰσ ἔχει βίου. ὁ δεύτεροσ δ’ ἀριθμὸσ ὧν λέγεισ τί δρᾷ; κτείνει, δρακόντων ἰὸσ ὢν τῶν Γοργόνοσ. ἐσ ἓν δὲ κραθέντ’ αὐτὸν ἢ χωρὶσ φορεῖσ; χωρίσ· κακῷ γὰρ ἐσθλὸν οὐ συμμείγνυται. ὦ φιλτάτη παῖ, πάντ’ ἔχεισ ὅσων σε δεῖ. τούτῳ θανεῖται παῖσ· σὺ δ’ ὁ κτείνων ἔσῃ. ποῦ καὶ τί δράσασ; σὸν λέγειν, τολμᾶν δ’ ἐμόν. ἐν ταῖσ Ἀθήναισ, δῶμ’ ὅταν τοὐμὸν μόλῃ. οὐκ εὖ τόδ’ εἶπασ· καὶ σὺ γὰρ τοὐμὸν ψέγεισ. πῶσ; ἆρ’ ὑπείδου τοῦθ’ ὃ κἄμ’ ἐσέρχεται; σὺ παῖδα δόξεισ διολέσαι, κεἰ μὴ κτενεῖσ. ὀρθῶσ· φθονεῖν γάρ φασι μητρυιὰσ τέκνοισ. αὐτοῦ νυν αὐτὸν κτεῖν’, ἵν’ ἀρνήσῃ φόνουσ. προλάζυμαι γοῦν τῷ χρόνῳ τῆσ ἡδονῆσ. καὶ σόν γε λήσεισ πόσιν ἅ σε σπεύδει λαθεῖν. οἶσθ’ οὖν ὃ δρᾶσον; χειρὸσ ἐξ ἐμῆσ λαβὼν χρύσωμ’ Ἀθάνασ τόδε, παλαιὸν ὄργανον, ἐλθὼν ἵν’ ἡμῖν βουθυτεῖ λάθρα πόσισ, δείπνων ὅταν λήγωσι καὶ σπονδὰσ θεοῖσ μέλλωσι λείβειν, ἐν πέπλοισ ἔχων τόδε κάθεσ βαλὼν ἐσ πῶμα τῷ νεανίᾳ ‐ ἰδίᾳ δέ, μή τι πᾶσι, χωρίσασ ποτὸν τῷ τῶν ἐμῶν μέλλοντι δεσπόζειν δόμων. κἄνπερ διέλθῃ λαιμόν, οὔποθ’ ἵξεται κλεινὰσ Ἀθήνασ, κατθανὼν δ’ αὐτοῦ μενεῖ. σὺ μέν νυν εἴσω προξένων μέθεσ πόδα· ἡμεῖσ δ’ ἐφ’ ᾧ τετάγμεθ’ ἐκπονήσομεν. ἄγ’, ὦ γεραιὲ πούσ, νεανίασ γενοῦ ἔργοισι, κεἰ μὴ τῷ χρόνῳ πάρεστί σοι. ἐχθρὸν δ’ ἐπ’ ἄνδρα στεῖχε δεσποτῶν μέτα, καὶ συμφόνευε καὶ συνεξαίρει δόμων. τὴν δ’ εὐσέβειαν εὐτυχοῦσι μὲν καλὸν τιμᾶν· ὅταν δὲ πολεμίουσ δρᾶσαι κακῶσ θέλῃ τισ, οὐδεὶσ ἐμποδὼν κεῖται νόμοσ.

상위

Ion

목록

일치하는 문장이 없습니다.

SEARCH

MENU NAVIGATION