Euripides, Ion, episode, lyric 4:

(에우리피데스, Ion, episode, lyric 4:)

οἴμοι, δόμων σῶν ὄλβοσ ὡσ χειμάζεται. τί κρᾶτα κρύψασ, ὦ γέρον, δακρυρροεῖσ; σὲ καὶ πατέρα σὸν δυστυχοῦντασ εἰσορῶ. τὰ θνητὰ τοιαῦτ’· οὐδὲν ἐν ταὐτῷ μένει. μή νυν ἔτ’ οἴκτων, θύγατερ, ἀντεχώμεθα. τί γάρ με χρὴ δρᾶν; ἀπορία τὸ δυστυχεῖν. τὸν πρῶτον ἀδικήσαντά σ’ ἀποτίνου θεόν. καὶ πῶσ τὰ κρείσσω θνητὸσ οὖσ’ ὑπερδράμω; πίμπρη τὰ σεμνὰ Λοξίου χρηστήρια. δέδοικα· καὶ νῦν πημάτων ἄδην ἔχω. τὰ δυνατά νυν τόλμησον, ἄνδρα σὸν κτανεῖν. αἰδούμεθ’ εὐνὰσ τὰσ τόθ’ ἡνίκ’ ἐσθλὸσ ἦν. νῦν δ’ ἀλλὰ παῖδα τὸν ἐπὶ σοὶ πεφηνότα. πῶσ; εἰ γὰρ εἰή δυνατόν· ὡσ θέλοιμί γ’ ἄν. ξιφηφόρουσ σοὺσ ὁπλίσασ’ ὀπάονασ. στείχοιμ’ ἄν· ἀλλὰ ποῦ γενήσεται τόδε; ἱεραῖσιν ἐν σκηναῖσιν, οὗ θοινᾷ φίλουσ. ἐπίσημον ὁ φόνοσ, καὶ τὸ δοῦλον ἀσθενέσ. ὤμοι, κακίζῃ· φέρε, σὺ νῦν βούλευέ τι. καὶ μὴν ἔχω γε δόλια καὶ δραστήρια. ἀμφοῖν ἂν εἰήν τοῖνδ’ ὑπηρέτησ ἐγώ. ἄκουε τοίνυν· οἶσθα γηγενῆ μάχην; οἶδ’, ἣν Φλέγρᾳ Γίγαντεσ ἔστησαν θεοῖσ. ἐνταῦθα Γοργόν’ ἔτεκε Γῆ, δεινὸν τέρασ. ἦ παισὶν αὑτῆσ σύμμαχον, θεῶν πόνον; ναί· καί νιν ἔκτειν’ ἡ Διὸσ Παλλὰσ θεά. ποῖόν τι μορφῆσ σχῆμ’ ἔχουσαν ἀγρίασ; θώρακ’ ἐχίδνησ περιβόλοισ ὡπλισμένον. ἆρ’ οὗτόσ ἐσθ’ ὁ μῦθοσ ὃν κλύω πάλαι; ταύτησ Ἀθάναν δέροσ ἐπὶ στέρνοισ ἔχειν. ἣν αἰγίδ’ ὀνομάζουσι, Παλλάδοσ στολήν; τόδ’ ἔσχεν ὄνομα θεῶν ὅτ’ ᾖξεν ἐσ δόρυ.

상위

Ion

목록

일치하는 문장이 없습니다.

SEARCH

MENU NAVIGATION