Euripides, Ion, episode, lyric

(에우리피데스, Ion, episode, lyric)

ὦ ψυχά, πῶσ σιγάσω; πῶσ δὲ σκοτίασ ἀναφήνω εὐνάσ, αἰδοῦσ δ’ ἀπολειφθῶ; τί γὰρ ἐμπόδιον κώλυμ’ ἔτι μοι; πρὸσ τίν’ ἀγῶνασ τιθέμεσθ’ ἀρετῆσ; οὐ πόσισ ἡμῶν προδότησ γέγονεν, στέρομαι δ’ οἴκων, στέρομαι παίδων, φροῦδαι δ’ ἐλπίδεσ, ἃσ διαθέσθαι χρῄζουσα καλῶσ οὐκ ἐδυνήθην, σιγῶσα γάμουσ, σιγῶσα τόκουσ πολυκλαύτουσ; ἀλλ’ οὐ τὸ Διὸσ πολύαστρον ἕδοσ καὶ τὴν ἐπ’ ἐμοῖσ σκοπέλοισι θεὰν λίμνησ τ’ ἐνύδρου Τριτωνιάδοσ πότνιαν ἀκτάν, οὐκέτι κρύψω λέχοσ, ὡσ στέρνων ἀπονησαμένη ῥᾴων ἔσομαι. στάζουσι κόραι δακρύοισιν ἐμαί, ψυχὴ δ’ ἀλγεῖ κακοβουλευθεῖσ’ ἔκ τ’ ἀνθρώπων ἔκ τ’ ἀθανάτων, οὓσ ἀποδείξω λέκτρων προδότασ ἀχαρίστουσ.

상위

Ion

목록

일치하는 문장이 없습니다.

SEARCH

MENU NAVIGATION