Euripides, Ion, episode, iambic 3:

(에우리피데스, Ion, episode, iambic 3:)

καὶ τῶνδ’ ἁπάντων ἔσχατον πείσῃ κακόν· ἀμήτορ’, ἀναρίθμητον, ἐκ δούλησ τινὸσ γυναικόσ, ἐσ σὸν δῶμα δεσπότην ἄγειν. ἁπλοῦν ἂν ἦν γὰρ τὸ κακόν, εἰ παρ’ εὐγενοῦσ μητρόσ, πιθών σε, σὴν λέγων ἀπαιδίαν, ἐσῴκισ’ οἴκουσ· εἰ δὲ σοὶ τόδ’ ἦν πικρόν, τῶν Αἰόλου νιν χρῆν ὀρεχθῆναι γάμων. ἐκ τῶνδε δεῖ σε δὴ γυναικεῖόν τι δρᾶν· ἢ γὰρ ξίφοσ λαβοῦσαν ἢ δόλῳ τινὶ ἢ φαρμάκοισι σὸν κατακτεῖναι πόσιν καὶ παῖδα, πρὶν σοὶ θάνατον ἐκ κείνων μολεῖν. εἰ γάρ γ’ ὑφήσεισ τοῦδ’, ἀπαλλάξῃ βίου. δυοῖν γὰρ ἐχθροῖν εἰσ ἓν ἐλθόντοιν στέγοσ, ἢ θάτερον δεῖ δυστυχεῖν ἢ θάτερον. ἐγὼ μὲν οὖν σοι καὶ συνεκπονεῖν θέλω, καὶ συμφονεύειν παῖδ’ ἐπεισελθὼν δόμουσ οὗ δαῖθ’ ὁπλίζει, καὶ τροφεῖα δεσπόταισ ἀποδοὺσ θανεῖν τε ζῶν τε φέγγοσ εἰσορᾶν. ἓν γάρ τι τοῖσ δούλοισιν αἰσχύνην φέρει, τοὔνομα· τὰ δ’ ἄλλα πάντα τῶν ἐλευθέρων οὐδὲν κακίων δοῦλοσ, ὅστισ ἐσθλὸσ ᾖ. κἀγώ, φίλη δέσποινα, συμφορὰν θέλω κοινουμένη τήνδ’ ἢ θανεῖν ἢ ζῆν καλῶσ.

상위

Ion

목록

일치하는 문장이 없습니다.

SEARCH

MENU NAVIGATION