Euripides, Ion, episode, iambic 1:

(에우리피데스, Ion, episode, iambic 1:)

κείνῳ μέν, ὦ γεραιέ, παῖδα Λοξίασ ἔδωκεν, ἰδίᾳ δ’ εὐτυχεῖ ταύτησ δίχα. τόδ’ ἐπὶ τῷδε κακὸν ἄκρον ἔλακεσ ἄχοσ ἐμοὶ στένειν. πότερα δὲ φῦναι δεῖ γυναικὸσ ἔκ τινοσ τὸν παῖδ’ ὃν εἶπασ, ἢ γεγῶτ’ ἐθέσπισεν; ἤδη πεφυκότ’ ἐκτελῆ νεανίαν δίδωσιν αὐτῷ Λοξίασ· παρῆ δ’ ἐγώ. πῶσ φῄσ; ἄφατον ἄφατον ἀναύδητον λόγον ἐμοὶ θροεῖσ. κἄμοιγε. πῶσ δ’ ὁ χρησμὸσ ἐκπεραίνεται, σαφέστερόν μοι φράζε, χὥστισ ἔσθ’ ὁ παῖσ. ὅτῳ ξυναντήσειεν ἐκ θεοῦ συθεὶσ πρώτῳ πόσισ σόσ, παῖδ’ ἔδωκ’ αὐτῷ θεόσ. ὀττοτοττοτοῖ· τὸν δ’ ἐμὸν ἄτεκνον ἄτεκνον ἔλακεν ἄρα βίοτον; ἐρημίᾳ δ’ ὀρφανοὺσ δόμουσ οἰκήσω. τίσ οὖν ἐχρήσθη; τῷ συνῆψ’ ἴχνοσ ποδὸσ πόσισ ταλαίνησ; πῶσ δὲ ποῦ νιν εἰσιδών; οἶσθ’, ὦ φίλη δέσποινα, τὸν νεανίαν ὃσ τόνδ’ ἔσαιρε ναόν; οὗτοσ ἔσθ’ ὁ παῖσ. ἀν’ ὑγρὸν ἀμπταίην αἰθέρα πόρσω γαί‐ ασ Ἑλλανίασ, ἀστέρασ ἑσπέρουσ, οἱο͂ν οἱο͂ν ἄλγοσ ἔπαθον, φίλαι. ὄνομα δὲ ποῖον αὐτὸν ὀνομάζει πατήρ; οἶσθ’, ἢ σιωπῇ τοῦτ’ ἀκύρωτον μένει; Ιὤν’, ἐπείπερ πρῶτοσ ἤντησεν πατρί. μητρὸσ δ’ ὁποίασ ἐστὶν ‐ οὐκ ἔχω φράσαι. φροῦδοσ δ’ ‐ ἵν’ εἰδῇσ πάντα τἀπ’ ἐμοῦ, γέρον ‐ παιδὸσ προθύσων ξένια καὶ γενέθλια σκηνὰσ ἐσ ἱερὰσ τῆσδε λαθραίωσ πόσισ, κοινὴν ξυνάψων δαῖτα παιδὶ τῷ νέῳ.

상위

Ion

목록

일치하는 문장이 없습니다.

SEARCH

MENU NAVIGATION