Euripides, Helen, episode

(에우리피데스, Helen, episode)

τὰ μὲν κατ’ οἴκουσ εὐτυχοῦμεν, ὦ φίλαι· ἡ γὰρ συνεκκλέπτουσα Πρωτέωσ κόρη πόσιν παρόντα τὸν ἐμὸν ἱστορουμένη οὐκ εἶπ’ ἀδελφῷ· κατθανόντα δ’ ἐν χθονὶ οὔ φησιν αὐγὰσ εἰσορᾶν ἐμὴν χάριν. <> κάλλιστα δῆτ’ ἀνήρπασ’ ἐν τύχῃ πόσισ· ἃ γὰρ καθήσειν ὅπλ’ ἔμελλεν εἰσ ἅλα, ταῦτ’ ἐμβαλὼν πόρπακι γενναίαν χέρα αὐτὸσ κομίζει δόρυ τε δεξιᾷ λαβών, ὡσ τῷ θανόντι χάριτα δὴ συνεκπονῶν. προύργου δ’ ἐσ ἀλκὴν σῶμ’ ὅπλοισ ἠσκήσατο, ὡσ βαρβάρων τρόπαια μυρίων χερὶ θήσων, ὅταν κωπῆρεσ ἐσβῶμεν σκάφοσ, πέπλουσ δ’ ἀμείψασ’ ἀντὶ ναυφθόρου στολῆσ ἐγώ νιν ἐξήσκησα, καὶ λουτροῖσ χρόα ἔδωκα, χρόνια νίπτρα ποταμίασ δρόσου. ἀλλ’, ἐκπερᾷ γὰρ δωμάτων ὁ τοὺσ ἐμοὺσ γάμουσ ἑτοίμουσ ἐν χεροῖν ἔχειν δοκῶν, σιγητέον μοι· καὶ σὲ προσποιούμεθα εὔνουν κρατεῖν τε στόματοσ, ἢν δυνώμεθα σωθέντεσ αὐτοὶ καὶ σὲ συνσῶσαί ποτε. χωρεῖτ’ ἐφεξῆσ, ὡσ ἔταξεν ὁ ξένοσ, δμῶεσ, φέροντεσ ἐνάλια κτερίσματα. Ἑλένη, σὺ δ’, ἤν σοι μὴ κακῶσ δόξω λέγειν, πείθου, μέν’ αὐτοῦ· ταὐτὰ γὰρ παροῦσά τε πράξεισ τὸν ἄνδρα τὸν σὸν ἤν τε μὴ παρῇσ. δέδοικα γάρ σε μή τισ ἐμπεσὼν πόθοσ πείσῃ μεθεῖναι σῶμ’ ἐσ οἶδμα πόντιον τοῦ πρόσθεν ἀνδρὸσ χάρισιν ἐκπεπληγμένην· ἄγαν γὰρ αὐτὸν οὐ παρόνθ’ ὅμωσ στένεισ. ὦ καινὸσ ἡμῖν πόσισ, ἀναγκαίωσ ἔχει τὰ πρῶτα λέκτρα νυμφικάσ θ’ ὁμιλίασ τιμᾶν· ἐγὼ δὲ διὰ τὸ μὲν στέργειν πόσιν καὶ ξυνθάνοιμ’ ἄν· ἀλλὰ τίσ κείνῳ χάρισ ξὺν κατθανόντι κατθανεῖν; ἐά δέ με αὐτὴν μολοῦσαν ἐντάφια δοῦναι νεκρῷ. θεοὶ δὲ σοί τε δοῖεν οἷ’ ἐγὼ θέλω, καὶ τῷ ξένῳ τῷδ’, ὅτι συνεκπονεῖ τάδε. ἕξεισ δέ μ’ οἱάν χρή σ’ ἔχειν ἐν δώμασι γυναῖκ’, ἐπειδὴ Μενέλεων εὐεργετεῖσ κἄμ’· ἔρχεται γὰρ δή τιν’ ἐσ τύχην τάδε. ὅστισ δὲ δώσει ναῦν ἐν ᾗ τάδ’ ἄξομεν, πρόσταξον, ὡσ ἂν τὴν χάριν πλήρη λάβω.

일치하는 문장이 없습니다.

SEARCH

MENU NAVIGATION