헬라어 문장 검색 - ΕυριπίΗελεν́7́

(에우리피데스, Helen, episode)

τὰ μὲν κατ’ οἴκουσ εὐτυχοῦμεν, ὦ φίλαι· ἡ γὰρ συνεκκλέπτουσα Πρωτέωσ κόρη πόσιν παρόντα τὸν ἐμὸν ἱστορουμένη οὐκ εἶπ’ ἀδελφῷ· κατθανόντα δ’ ἐν χθονὶ οὔ φησιν αὐγὰσ εἰσορᾶν ἐμὴν χάριν. <> κάλλιστα δῆτ’ ἀνήρπασ’ ἐν τύχῃ πόσισ· ἃ γὰρ καθήσειν ὅπλ’ ἔμελλεν εἰσ ἅλα, ταῦτ’ ἐμβαλὼν πόρπακι γενναίαν χέρα αὐτὸσ κομίζει δόρυ τε δεξιᾷ λαβών, ὡσ τῷ θανόντι χάριτα δὴ συνεκπονῶν. προύργου δ’ ἐσ ἀλκὴν σῶμ’ ὅπλοισ ἠσκήσατο, ὡσ βαρβάρων τρόπαια μυρίων χερὶ θήσων, ὅταν κωπῆρεσ ἐσβῶμεν σκάφοσ, πέπλουσ δ’ ἀμείψασ’ ἀντὶ ναυφθόρου στολῆσ ἐγώ νιν ἐξήσκησα, καὶ λουτροῖσ χρόα ἔδωκα, χρόνια νίπτρα ποταμίασ δρόσου. ἀλλ’, ἐκπερᾷ γὰρ δωμάτων ὁ τοὺσ ἐμοὺσ γάμουσ ἑτοίμουσ ἐν χεροῖν ἔχειν δοκῶν, σιγητέον μοι· καὶ σὲ προσποιούμεθα εὔνουν κρατεῖν τε στόματοσ, ἢν δυνώμεθα σωθέντεσ αὐτοὶ καὶ σὲ συνσῶσαί ποτε. χωρεῖτ’ ἐφεξῆσ, ὡσ ἔταξεν ὁ ξένοσ, δμῶεσ, φέροντεσ ἐνάλια κτερίσματα. Ἑλένη, σὺ δ’, ἤν σοι μὴ κακῶσ δόξω λέγειν, πείθου, μέν’ αὐτοῦ· ταὐτὰ γὰρ παροῦσά τε πράξεισ τὸν ἄνδρα τὸν σὸν ἤν τε μὴ παρῇσ. δέδοικα γάρ σε μή τισ ἐμπεσὼν πόθοσ πείσῃ μεθεῖναι σῶμ’ ἐσ οἶδμα πόντιον τοῦ πρόσθεν ἀνδρὸσ χάρισιν ἐκπεπληγμένην· ἄγαν γὰρ αὐτὸν οὐ παρόνθ’ ὅμωσ στένεισ. ὦ καινὸσ ἡμῖν πόσισ, ἀναγκαίωσ ἔχει τὰ πρῶτα λέκτρα νυμφικάσ θ’ ὁμιλίασ τιμᾶν· ἐγὼ δὲ διὰ τὸ μὲν στέργειν πόσιν καὶ ξυνθάνοιμ’ ἄν· ἀλλὰ τίσ κείνῳ χάρισ ξὺν κατθανόντι κατθανεῖν; ἐά δέ με αὐτὴν μολοῦσαν ἐντάφια δοῦναι νεκρῷ. θεοὶ δὲ σοί τε δοῖεν οἷ’ ἐγὼ θέλω, καὶ τῷ ξένῳ τῷδ’, ὅτι συνεκπονεῖ τάδε. ἕξεισ δέ μ’ οἱάν χρή σ’ ἔχειν ἐν δώμασι γυναῖκ’, ἐπειδὴ Μενέλεων εὐεργετεῖσ κἄμ’· ἔρχεται γὰρ δή τιν’ ἐσ τύχην τάδε. ὅστισ δὲ δώσει ναῦν ἐν ᾗ τάδ’ ἄξομεν, πρόσταξον, ὡσ ἂν τὴν χάριν πλήρη λάβω. χώρει σὺ καὶ ναῦν τοῖσδε πεντηκόντορον Σιδωνίαν δὸσ κἀρετμῶν ἐπιστάτασ.

οὔκουν ὅδ’ ἄρξει ναὸσ ὃσ κοσμεῖ τάφον; μάλιστ’· ἀκούειν τοῦδε χρὴ ναύτασ ἐμούσ. αὖθισ κέλευσον, ἵνα σαφῶσ μάθωσί σου. αὖθισ κελεύω καὶ τρίτον γ’, εἴ σοι φίλον. ὄναιο· κἀγὼ τῶν ἐμῶν βουλευμάτων. μή νυν ἄγαν σὸν δάκρυσιν ἐκτήξῃσ χρόα. ἥδ’ ἡμέρα σοι τὴν ἐμὴν δείξει χάριν. τὰ τῶν θανόντων οὐδέν, ἀλλ’ ἄλλωσ πόνοσ. ἔστιν τι κἀκεῖ κἀνθάδ’ ὧν ἐγὼ λέγω. οὐδὲν κακίω Μενέλεώ μ’ ἕξεισ πόσιν. οὐδὲν σὺ μεμπτόσ· τῆσ τύχησ με δεῖ μόνον. ἐν σοὶ τόδ’, ἢν σὴν εἰσ ἔμ’ εὔνοιαν διδῷσ. οὐ νῦν διδαξόμεσθα τοὺσ φίλουσ φιλεῖν. βούλῃ ξυνεργῶν αὐτὸσ ἐκπέμψω στόλον; ἥκιστα· μὴ δούλευε σοῖσ δούλοισ, ἄναξ. ἀλλ’ εἰᾶ· τοὺσ μὲν Πελοπιδῶν ἐῶ νόμουσ· καθαρὰ γὰρ ἡμῖν δώματ’· οὐ γὰρ ἐνθάδε ψυχὴν ἀφῆκε Μενέλεωσ· ἴτω δέ τισ φράσων ὑπάρχοισ τοῖσ ἐμοῖσ φέρειν γάμων ἀγάλματ’ οἴκουσ εἰσ ἐμούσ· πᾶσαν δὲ χρὴ γαῖαν βοᾶσθαι μακαρίαισ ὑμνῳδίαισ ὑμέναιον Ἑλένησ κἀμόν, ὡσ ζηλωτὸσ ᾖ. σὺ δ’, ὦ ξέν’, ἐλθών, πελαγίουσ ἐσ ἀγκάλασ τῷ τῆσδε πρίν ποτ’ ὄντι δοὺσ πόσει τάδε, πάλιν πρὸσ οἴκουσ σπεῦδ’ ἐμὴν δάμαρτ’ ἔχων, ὡσ τοὺσ γάμουσ τοὺσ τῆσδε συνδαίσασ ἐμοὶ στέλλῃ πρὸσ οἴκουσ ἢ μένων εὐδαιμονῇσ. ὦ Ζεῦ, πατήρ τε καὶ σοφὸσ κλῄζῃ θεόσ, βλέψον πρὸσ ἡμᾶσ καὶ μετάστησον κακῶν. ἕλκουσι δ’ ἡμῖν πρὸσ λέπασ τὰσ συμφορὰσ σπουδῇ σύναψαι· κἂν ἄκρᾳ θίγῃσ χερί, ἥξομεν ἵν’ ἐλθεῖν βουλόμεσθα τῆσ τύχησ. ἅλισ δὲ μόχθων οὓσ ἐμοχθοῦμεν πάροσ. κέκλησθέ μοι, θεοί, πολλά χρήσθ’ ἐμοῦ κλύειν καὶ λύπρ’· ὀφείλω δ’ οὐκ ἀεὶ πράσσειν κακῶσ, ὀρθῷ δὲ βῆναι ποδί· μίαν δέ μοι χάριν δόντεσ τὸ λοιπὸν εὐτυχῆ με θήσετε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Helen, episode

(에우리피데스, Helen, episode)

상위

목록

SEARCH

MENU NAVIGATION