Euripides, episode 5:

(에우리피데스, episode 5:)

πρὸσ θεῶν, ὅδ’ ἁνὴρ ὃσ συνεκκλέπτει γάμουσ τοὺσ σούσ, Ὀρέστην οὐ καταισχύνειν θέλων; οὗτοσ κέκληται πόσισ ἐμὸσ τῆσ ἀθλίασ. φεῦ· οὐκ ἔστ’ ἀκριβὲσ οὐδὲν εἰσ εὐανδρίαν· ἔχουσι γὰρ ταραγμὸν αἱ φύσεισ βροτῶν. ἤδη γὰρ εἶδον ἄνδρα γενναίου πατρὸσ τὸ μηδὲν ὄντα, χρηστά τ’ ἐκ κακῶν τέκνα, λιμόν τ’ ἐν ἀνδρὸσ πλουσίου φρονήματι, γνώμην τε μεγάλην ἐν πένητι σώματι. πῶσ οὖν τισ αὐτὰ διαλαβὼν ὀρθῶσ κρινεῖ; πλούτῳ; πονηρῷ τἄρα χρήσεται κριτῇ. ἢ τοῖσ ἔχουσι μηδέν; ἀλλ’ ἔχει νόσον πενία, διδάσκει δ’ ἄνδρα τῇ χρείᾳ κακόν. ἀλλ’ εἰσ ὅπλ’ ἔλθω; τίσ δὲ πρὸσ λόγχην βλέπων μάρτυσ γένοιτ’ ἂν ὅστισ ἐστὶν ἁγαθόσ; κράτιστον εἰκῇ ταῦτ’ ἐᾶν ἀφειμένα. οὗτοσ γὰρ ἁνὴρ οὔτ’ ἐν Ἀργείοισ μέγασ οὔτ’ αὖ δοκήσει δωμάτων ὠγκωμένοσ, ἐν τοῖσ δὲ πολλοῖσ ὤν, ἄριστοσ ηὑρέθη. οὐ μὴ ἀφρονήσεθ’, οἳ κενῶν δοξασμάτων πλήρεισ πλανᾶσθε, τῇ δ’ ὁμιλίᾳ βροτοὺσ κρινεῖτε καὶ τοῖσ ἤθεσιν τοὺσ εὐγενεῖσ; οἱ γὰρ τοιοῦτοι καὶ πόλεισ οἰκοῦσιν εὖ καὶ δώμαθ’· αἱ δὲ σάρκεσ αἱ κεναὶ φρενῶν ἀγάλματ’ ἀγορᾶσ εἰσιν. οὐδὲ γὰρ δόρυ μᾶλλον βραχίων σθεναρὸσ ἀσθενοῦσ μένει· ἐν τῇ φύσει δὲ τοῦτο κἀν εὐψυχίᾳ.

일치하는 문장이 없습니다.

SEARCH

MENU NAVIGATION