Euripides, episode 4:

(에우리피데스, episode 4:)

ὅστισ δέ μ’ εἶναί φησι μῶρον, εἰ λαβὼν νέαν ἐσ οἴκουσ παρθένον μὴ θιγγάνω, γνώμησ πονηροῖσ κανόσιν ἀναμετρούμενοσ τὸ σῶφρον ἴστω καὐτὸσ αὖ τοιοῦτοσ ὤν. ὦ νὺξ μέλαινα, χρυσέων ἄστρων τροφέ, ἐν ᾗ τόδ’ ἄγγοσ τῷδ’ ἐφεδρεῦον κάρᾳ φέρουσα πηγὰσ ποταμίασ μετέρχομαι ‐ οὐ δή τι χρείασ ἐσ τοσόνδ’ ἀφιγμένη, ἀλλ’ ὡσ ὕβριν δείξωμεν Αἰγίσθου θεοῖσ ‐ γόουσ τ’ ἀφίημ’ αἰθέρ’ ἐσ μέγαν πατρί. ἡ γὰρ πανώλησ Τυνδαρίσ, μήτηρ ἐμή, ἐξέβαλέ μ’ οἴκων, χάριτα τιθεμένη πόσει· τεκοῦσα δ’ ἄλλουσ παῖδασ Αἰγίσθῳ πάρα πάρεργ’ Ὀρέστην κἀμὲ ποιεῖται δόμων ‐ τί γὰρ τάδ’, ὦ δύστην’, ἐμὴν μοχθεῖσ χάριν πόνουσ ἔχουσα, πρόσθεν εὖ τεθραμμένη, καὶ ταῦτ’ ἐμοῦ λέγοντοσ οὐκ ἀφίστασαι; ἐγώ σ’ ἴσον θεοῖσιν ἡγοῦμαι φίλον· ἐν τοῖσ ἐμοῖσ γὰρ οὐκ ἐνύβρισασ κακοῖσ. μεγάλη δὲ θνητοῖσ μοῖρα συμφορᾶσ κακῆσ ἰατρὸν εὑρεῖν, ὡσ ἐγὼ σὲ λαμβάνω. δεῖ δή με κἀκέλευστον εἰσ ὅσον σθένω μόχθου ’πικουφίζουσαν, ὡσ ῥᾷον φέρῃσ, συνεκκομίζειν σοι πόνουσ. ἅλισ δ’ ἔχεισ τἄξωθεν ἔργα· τἀν δόμοισ δ’ ἡμᾶσ χρεὼν ἐξευτρεπίζειν. εἰσιόντι δ’ ἐργάτῃ θύραθεν ἡδὺ τἄνδον εὑρίσκειν καλῶσ. εἴ τοι δοκεῖ σοι, στεῖχε· καὶ γὰρ οὐ πρόσω πηγαὶ μελάθρων τῶνδ’. ἐγὼ δ’ ἅμ’ ἡμέρᾳ βοῦσ εἰσ ἀρούρασ ἐσβαλὼν σπερῶ γύασ. ἀργὸσ γὰρ οὐδεὶσ θεοὺσ ἔχων ἀνὰ στόμα βίον δύναιτ’ ἂν ξυλλέγειν ἄνευ πόνου.

일치하는 문장이 없습니다.

SEARCH

MENU NAVIGATION