Euripides, episode 1:

(에우리피데스, episode 1:)

ὦ γῆσ παλαιὸν ἄργοσ, Ἰνάχου ῥοαί, ὅθεν ποτ’ ἄρασ ναυσὶ χιλίαισ Ἄρη ἐσ γῆν ἔπλευσε Τρῳάδ’ Ἀγαμέμνων ἄναξ. κτείνασ δὲ τὸν κρατοῦντ’ ἐν Ἰλιάδι χθονὶ Πρίαμον, ἑλών τε Δαρδάνου κλεινὴν πόλιν, ἀφίκετ’ ἐσ τόδ’ Ἄργοσ, ὑψηλῶν δ’ ἐπὶ ναῶν ἔθηκε σκῦλα πλεῖστα βαρβάρων. κἀκεῖ μὲν εὐτύχησεν· ἐν δὲ δώμασι θνῄσκει γυναικὸσ πρὸσ Κλυταιμήστρασ δόλῳ καὶ τοῦ Θυέστου παιδὸσ Αἰγίσθου χερί. χὣ μὲν παλαιὰ σκῆπτρα Ταντάλου λιπὼν ὄλωλεν, Αἴγισθοσ δὲ βασιλεύει χθονόσ, ἄλοχον ἐκείνου Τυνδαρίδα κόρην ἔχων. οὓσ δ’ ἐν δόμοισιν ἔλιφ’ ὅτ’ ἐσ Τροίαν ἔπλει, ἄρσενά τ’ Ὀρέστην θῆλύ τ’ Ἠλέκτρασ θάλοσ, τὸν μὲν πατρὸσ γεραιὸσ ἐκκλέπτει τροφεὺσ μέλλοντ’ Ὀρέστην χερὸσ ὑπ’ Αἰγίσθου θανεῖν Στροφίῳ τ’ ἔδωκε Φωκέων ἐσ γῆν τρέφειν· ἣ δ’ ἐν δόμοισ ἔμεινεν Ἠλέκτρα πατρόσ, ταύτην ἐπειδὴ θαλερὸσ εἶχ’ ἥβησ χρόνοσ, μνηστῆρεσ ᾔτουν Ἑλλάδοσ πρῶτοι χθονόσ. δείσασ δὲ μή τῳ παῖδ’ ἀριστέων τέκοι Ἀγαμέμνονοσ ποινάτορ’, εἶχεν ἐν δόμοισ Αἴγισθοσ οὐδ’ ἡρ́μοζε νυμφίῳ τινί.

일치하는 문장이 없습니다.

SEARCH

MENU NAVIGATION