호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ παρὰ τοὺσ χρόνουσ τῶν ῥημάτων ἐκβεβηκυῖα τὸ κατάλληλον φράσισ τοιαύτη τίσ ἐστι· καίτοι εἰ ῥᾳθυμίᾳ μᾶλλον ἢ πόνων μελέτῃ, καὶ μὴ μετὰ νόμων τὸ πλέον ἢ τρόπων ἀνδρείασ ἐθέλοιμεν κινδυνεύειν, περιγίνεται ἡμῖν τοῖσ τε μέλλουσιν ἀλγεινοῖσ μὴ προκάμνειν καὶ ἐσ αὐτὰ ἐλθοῦσι μὴ ἀτολμοτέροισ τῶν ἀεὶ μοχθούντων φαίνεσθαι· ἐνταῦθα γὰρ τὸ μὲν ἐθέλοιμεν ῥῆμα τοῦ μέλλοντόσ ἐστι χρόνου δηλωτικόν, τὸ δὲ περιγίγνεται τοῦ παρόντοσ. ἀκόλουθον δ’ ἂν ἦν, εἰ συνέζευξεν τῷ ἐθέλοιμεν τὸ περιέσται τοῦ τε γὰρ χωρίου τὸ δυσέμβατον ἡμέτερον νομίζω, ὃ μενόντων μὲν ἡμῶν σύμμαχον γίνεται· ὑποχωρήσασι δὲ καίπερ χαλεπὸν ὂν εὔπορον ἔσται. τὸ μὲν γὰρ γίνεται τοῦ παρόντοσ ἐστί, τὸ δὲ ἔσται τοῦ μέλλοντοσ χρόνου δηλωτικόν. γέγονεν δὲ καὶ παρὰ τὰσ πτώσεισ σχηματισμὸσ ἀκατάλληλοσ· ἐπὶ μὲν γὰρ τῆσ γενικῆσ πτώσεωσ ἐξενήνοχεν τό τε μετοχικὸν ὄνομα τὸ μενόντων καὶ τὸ ἀντονομαστικὸν τὸ ἡμῶν, ἐπὶ δὲ τῆσ δοτικῆσ τὸ ὑποχωρήσασιν· οἰκειότερον δ’ ἦν καὶ τοῦτο κατὰ τὴν αὐτὴν ἐξενηνέχθαι πτῶσιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기