헬라어 문장 검색 - Διονψσ́ΔεΤηυξψ

(디오니시오스, De Thucydidis idiomatibus (epistula ad Ammaeum), chapter 16)

ἐν οἷσ δὲ σκολιὰ καὶ πολύπλοκοσ καὶ δυσεξέλικτοσ ἡ τῶν ἐνθυμημάτων κατασκευὴ γίνεται, τοῦτον τὸν τρόπον ἔχει παρ’ αὐτῷ· κεῖται δὲ ἐν τῷ ἐπιταφίῳ ἡ λέξισ· τὴν δὲ τῶν ἐναντίων τιμωρίαν ποθεινοτέραν αὐτῶν λαβόντεσ καὶ κινδύνων ἅμα τόνδε κάλλιστον νομίσαντεσ ἐβουλήθησαν τοὺσ μὲν τιμωρεῖσθαι τῶν δ’ ἐφίεσθαι, ἐλπίδι μὲν τὸ ἀφανὲσ τοῦ κατορθώσειν ἐπιτρέψαντεσ, ἔργῳ δὲ περὶ τοῦ ἤδη ὁρωμένου σφίσιν αὐτοῖσ ἀξιοῦντεσ πεποιθέναι· ἐν τῷ ἀμύνεσθαι παθεῖν μᾶλλον ἡγησάμενοι ἢ ἐνδόντεσ σῴζεσθαι τὸ μὲν αἰσχρὸν τοῦ λόγου ἔφυγον, τὸ δ’ ἔργον τῷ σώματι ὑπέμειναν καὶ δι’ ἐλαχίστου καιροῦ τύχησ ἅμα ἀκμῇ τῆσ δόξησ μᾶλλον ἢ τοῦ δέουσ ἀπηλλάγησαν. τοιαῦτά ἐστι καὶ τὰ περὶ Θεμιστοκλέουσ εἰρημένα ὑπὸ τοῦ συγγραφέωσ ἐν τῇ πρώτῃ βύβλῳ· ἦν γὰρ ὁ Θεμιστοκλῆσ βεβαιότατα δὴ φύσεωσ ἰσχὺν δηλώσασ καὶ διαφερόντωσ τι ἐσ αὐτὸ μᾶλλον ἑτέρου ἄξιοσ θαυμάσαι. οἰκείᾳ γὰρ ξυνέσει, καὶ οὔτε προμαθὼν εἰσ αὐτὴν οὐθὲν οὔτ’ ἐπιμαθὼν τῶν τε παραχρῆμα δι’ ἐλαχίστησ βουλῆσ κράτιστοσ γνώμων καὶ τῶν μελλόντων ἐπὶ πλεῖστον τοῦ γενησομένου ἄριστοσ εἰκαστήσ· καὶ ἃ μὲν μετὰ χεῖρασ ἔχοι, καὶ ἐξηγήσασθαι οἱο͂́σ τε· ὧν δὲ ἄπειροσ εἰή, κρῖναι ἱκανῶσ οὐκ ἀπήλλακτο· τό τε ἄμεινον ἢ χεῖρον ἐν τῷ ἀφανεῖ ἔτι προεώρα. τὸ ξύμπαν εἰπεῖν, φύσεωσ μὲν δυνάμει, μελέτησ δὲ βραχύτητι κράτιστοσ δὴ οὗτοσ αὐτοσχεδιάζειν τὰ δέοντα ἐγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Thucydidis idiomatibus (epistula ad Ammaeum), chapter 16

(디오니시오스, De Thucydidis idiomatibus (epistula ad Ammaeum), chapter 16)

상위

목록

SEARCH

MENU NAVIGATION