헬라어 문장 검색 - Διονψσ́ΔεΙσοξρ́19́

(디오니시오스, De Isocrate, chapter 19)

ὁ μὲν ἀγών μοι μέγασ ἐστίν, ὦ ἄνδρεσ δικασταί· οὐ γὰρ μόνον περὶ πολλῶν χρημάτων κινδυνεύω, ἀλλὰ καὶ περὶ τοῦ μὴ δοκεῖν ἀδίκωσ τῶν ἀλλοτρίων ἐπιθυμεῖν· ὃ ἐγὼ περὶ πλείστου ποιοῦμαι· οὐσία γάρ μοι ἱκανὴ καταλειφθήσεται καὶ τούτων στερηθέντι. εἰ δὲ δόξαιμι μηδὲν προσῆκον τοσαῦτα χρήματα ἐγκαλέσαι, διαβληθείην ἂν τὸν ἅπαντα βίον. ἔστι δέ, ὦ ἄνδρεσ δικασταί, πάντων χαλεπώτατον τοιούτων ἀντιδίκων τυχεῖν. τὰ μὲν γὰρ συμβόλαια πρὸσ τοὺσ ἐπὶ ταῖσ τραπέζαισ ἄνευ μαρτύρων γίνεται, τοῖσ ἀδικουμένοισ δὲ πρὸσ τοιούτουσ ἀνάγκη κινδυνεύειν, οἳ καὶ φίλουσ πολλοὺσ κέκτηνται καὶ χρήματα πολλὰ διαχειρίζουσι καὶ πιστοὶ διὰ τὴν τέχνην δοκοῦσιν εἶναι. ὅμωσ δὲ καὶ τούτων ὑπαρχόντων ἡγοῦμαι φανερὸν πᾶσι ποιήσειν, ὅτι ἀποστεροῦμαι τοσούτων χρημάτων ὑπὸ Πασίωνοσ. ἐξ ἀρχῆσ δὲ ὑμῖν, ὅπωσ ἂν δύνωμαι, διηγήσομαι τὰ πεπραγμένα. ἐμοὶ γάρ, ὦ ἄνδρεσ δικασταί, πατὴρ μέν ἐστι Σωπαῖοσ, ὃν οἱ πλέοντεσ εἰσ τὸν Πόντον ἅπαντεσ ἴσασιν οὕτωσ οἰκείωσ πρὸσ Σάτυρον διακείμενον, ὥστε πολλῆσ μὲν χώρασ ἄρχειν, ἁπάσησ δὲ τῆσ δυνάμεωσ ἐπιμελεῖσθαι τῆσ ἐκείνου. πυνθανόμενοσ δὲ καὶ περὶ τῆσδε τῆσ πόλεωσ καὶ περὶ τῆσ ἄλλησ Ἑλλάδοσ ἐπεθύμησ’ ἀποδημῆσαι.

ἐμπλήσασ δὲ ὁ πατήρ μου δύο ναῦσ σίτου καὶ χρήματα δοὺσ ἐξέπεμψεν ἅμα κατ’ ἐμπορίαν καὶ θεωρίαν. συστήσαντοσ δέ μοι Πυθοδώρου τοῦ Φοίνικοσ Πασίωνα ἐχρώμην τῇ τούτου τραπέζῃ. χρόνῳ δ’ ὕστερον διαβολῆσ πρὸσ Σάτυρον γενομένησ, ὡσ καὶ ὁ πατὴρ οὑμὸσ ἐπιβουλεύοι τῇ ἀρχῇ κἀγὼ τοῖσ φυγάσι συγγενοίμην, τὸν μὲν πατέρα μου συλλαμβάνει, ἐπιστέλλει δὲ τοῖσ ἐνθάδε ἐπιδημοῦσιν ἐκ τοῦ Πόντου, τὰ χρήματα παρ’ ἐμοῦ παραλαβεῖν καὶ αὐτὸν εἰσπλεῖν κελεύειν, ἐὰν δὲ τούτων μηδὲν ποιῶ, παρ’ ὑμῶν ἐξαιτεῖν. ἐν τοσούτοισ δὲ κακοῖσ ὤν, ὦ ἄνδρεσ δικασταί, λέγω πρὸσ Πασίωνα τὰσ ἐμαυτοῦ συμφοράσ. οὕτω γὰρ οἰκείωσ πρὸσ αὐτὸν διεκείμην, ὥστε μὴ μόνον περὶ τῶν χρημάτων ἀλλὰ καὶ περὶ τῶν ἄλλων τούτῳ μάλιστα πιστεύειν. ἡγούμην δέ, εἰ μὲν προοίμην ἅπαντα τὰ χρήματα, κινδυνεύσειν, εἴ τι πάθοι ἐκεῖνοσ, στερηθεὶσ καὶ τῶν ἐνθάδε καὶ τῶν ἐκεῖ πάντων ἐνδεὴσ γενήσεσθαι, εἰ δ’ ὁμολογῶν εἶναι ἐπιστείλαντοσ Σατύρου μὴ παραδοίην, εἰσ τὰσ μεγίστασ διαβολὰσ ἐμαυτὸν καὶ τὸν πατέρα καταστήσειν πρὸσ Σάτυρον.

βουλευομένοισ οὖν ἡμῖν ἐδόκει βέλτιστον εἶναι τὰ μὲν φανερὰ τῶν χρημάτων παραδοῦναι, περὶ δὲ τῶν παρὰ τούτῳ κειμένων μὴ μόνον ἔξαρνον εἶναι, ἀλλὰ καὶ ὀφείλοντά με καὶ τούτῳ καὶ ἑτέροισ ἐπὶ τόκῳ φαίνεσθαι καὶ πάντα ποιεῖν, ἐξ ὧν ἐκεῖνοι μάλιστα ἤμελλον πεισθήσεσθαι μὴ εἶναί μοι χρήματα. τότε μὲν οὖν, ὦ ἄνδρεσ δικασταί, ἐνόμιζόν μοι Πασίωνα δἰ εὔνοιαν ἅπαντα ταῦτα συμβουλεύειν. ἐπειδὴ δὲ ταῦτα πρὸσ τοὺσ περὶ Σάτυρον διεπραξάμην, ἔγνων αὐτὸν ἐπιβουλεύοντα τοῖσ ἐμοῖσ.

βουλομένου γὰρ ἐμοῦ κομίσασθαι τἀμαυτοῦ καὶ πλεῖν εἰσ Βυζάντιον, ἡγησάμενοσ οὗτοσ κάλλιστον καιρὸν αὑτῷ παραπεπτωκέναι· τὰ μὲν γὰρ χρήματα πολλὰ εἶναι τὰ παρ’ αὐτῷ κείμενα καὶ ἄξια ἀναισχυντίασ, ἐμὲ δὲ πολλῶν ἀκουόντων ἔξαρνον γεγενῆσθαι μηδὲν κεκτῆσθαι πᾶσί τε φανερὸν ἀπαιτούμενον καὶ ἑτέροισ ὁμολογοῦντα ὀφείλειν· καὶ πρὸσ τούτοισ, ὦ ἄνδρεσ δικασταί, νομίζων, εἰ μὲν αὐτοῦ μένειν ἐπιχειροίην, ἐκδοθήσεσθαί με ὑπὸ τῆσ πόλεωσ Σατύρῳ, εἰ δ’ ἄλλοσέ ποι τραποίμην, οὐδὲν αὐτῷ μελήσειν τῶν ἐμῶν λόγων, εἰ δ’ εἰσπλευσοίμην εἰσ τὸν Πόντον, ἀποθανεῖσθαί με μετὰ τοῦ πατρόσ· ταῦτα διαλογιζόμενοσ διενοεῖτό με ἀποστερεῖν τὰ χρήματα καὶ πρὸσ μὲν ἐμὲ προσεποιεῖτο ἀπορεῖν ἐν τῷ παρόντι καὶ οὐκ ἂν ἔχειν ἀποδοῦναι. ἐπειδὴ δ’ ἐγώ, βουλόμενοσ εἰδέναι τὸ πρᾶγμα, προσπέμπω Φιλόμηλον αὐτῷ καὶ Μενέξενον ἀπαιτήσοντασ, ἔξαρνοσ γίνεται πρὸσ αὐτοὺσ μηδὲν ἔχειν τῶν ἐμῶν.

πανταχόθεν δέ μοι τοσούτων κακῶν προσπεπτωκότων τίνα οἰέσθέ με γνώμην ἔχειν; ᾧ γε ὑπῆρχε σιωπῶντι μὲν ὑπὸ τούτου ἀπεστερῆσθαι τῶν χρημάτων, λέγοντι δὲ ταῦτα μὲν μηδὲν μᾶλλον κομίσασθαι, πρὸσ Σάτυρον δὲ εἰσ τὴν μεγίστην διαβολὴν ἐμαυτὸν καὶ τὸν πατέρα καταστῆσαι. κράτιστον οὖν ἡγησάμην ἡσυχίαν ἄγειν. μετὰ ταῦτα, ὦ ἄνδρεσ δικασταί, ἀφικνοῦνταί μοι ἀπαγγέλλοντεσ, ὅτι ὁ πατὴρ ἀφεῖται καὶ Σατύρῳ οὕτωσ ἁπάντων μεταμέλει τῶν πεπραγμένων, ὥστε πίστεισ τε τὰσ μεγίστασ αὐτῷ δεδωκὼσ εἰή καὶ τὴν ἀρχὴν ἔτι μείζω πεποιηκὼσ ἧσ εἶχε πρότερον καὶ τὴν ἀδελφὴν τὴν ἐμὴν γυναῖκα τῷ ἑαυτοῦ υἱεῖ εἰληφώσ. πυθόμενοσ δὲ ταῦτα Πασίων καὶ εἰδὼσ ὅτι φανερῶσ ἤδη πράξω περὶ τῶν ἐμαυτοῦ, ἀφανίζει τὸν παῖδα, ὃσ συνῄδει περὶ τῶν χρημάτων. ἐπειδὴ δὲ ἐγὼν προσελθὼν ἐπεζήτουν αὐτόν, ἡγούμενοσ ἔλεγχον ἂν τοῦτον σαφέστατον γενέσθαι περὶ ὧν ἐνεκάλουν, λέγει λόγον δεινότατον, ὡσ ἐγὼ καὶ Μενέξενοσ διαφθείραντεσ καὶ πείσαντεσ τὸν ἐπὶ τῇ τραπέζῃ καθήμενον ἓξ τάλαντα ἀργυρίου λάβοιμεν παρ’ αὐτοῦ.

ἵνα δὲ μηδεὶσ ἔλεγχοσ μηδὲ βάσανοσ γένοιτο περὶ αὐτῶν, ἔφασκεν ἡμᾶσ ἀφανίσαντασ τὸν παῖδα ἀντεγκαλεῖν αὐτῷ καὶ ἐξαιτεῖν τοῦτον, ὃν αὐτοὶ ἠφανίσαμεν. καὶ ταῦτα λέγων καὶ ἀγανακτῶν καὶ δακρύων εἷλκέ με πρὸσ τὸν πολέμαρχον, ἐγγυητὰσ αἰτῶν, καὶ οὐ πρότερον ἀφῆκεν, ἑώσ αὐτῷ κατέστησα ἓξ ταλάντων ἐγγυητάσ. καί μοι ἀνάβητε τούτων μάρτυρεσ. ταῦθ’ ὅτι μὲν ὅλῳ τῷ γένει διαφέρει τῶν ἐπιδεικτικῶν τε καὶ συμβουλευτικῶν κατὰ τὸν χαρακτῆρα τῆσ λέξεωσ, οὐθείσ ἐστιν ὃσ οὐκ ἂν ὁμολογήσειεν.

οὐ μέντοι παντάπασί γε τὴν Ἰσοκράτειον ἀγωγὴν ἐκβέβηκεν, ἀκαρῆ δέ τινα διασῴζει τῆσ κατασκευῆσ τε καὶ σεμνολογίασ ἐκείνησ ἐνθυμήματα καὶ ποιητικώτερα μᾶλλόν ἐστιν ἢ ἀληθινώτερα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Isocrate, chapter 19

(디오니시오스, De Isocrate, chapter 19)

상위

목록

SEARCH

MENU NAVIGATION