헬라어 문장 검색 - Διονψσ́ΔεΙσοξρ́03́

(디오니시오스, De Isocrate, chapter 3)

καθόλου δὲ τριῶν ὄντων, ὥσ φησι Θεόφραστοσ, ἐξ ὧν γίνεται τὸ μέγα καὶ σεμνὸν καὶ περιττὸν ἐν λέξει, τῆσ τε ἐκλογῆσ τῶν ὀνομάτων καὶ τῆσ ἐκ τούτων ἁρμονίασ καὶ τῶν περιλαμβανόντων αὐτὰ σχημάτων, ἐκλέγει μὲν εὖ πάνυ καὶ τὰ κράτιστα τῶν ὀνομάτων τίθησιν, ἁρμόττει δὲ αὐτὰ περιέργωσ, τὴν εὐφωνίαν ἐντείνων μουσικήν, σχηματίζει τε φορτικῶσ καὶ τὰ πολλὰ γίνεται ψυχρὸσ ἢ τῷ πόρρωθεν λαμβάνειν ἢ τῷ μὴ πρέποντα εἶναι τὰ σχήματα τοῖσ πράγμασι διὰ τὸ μὴ κρατεῖν τοῦ μετρίου. ταῦτα μέντοι καὶ μακροτέραν αὐτῷ ποιεῖ τὴν λέξιν πολλάκισ, λέγω δὲ τό τε εἰσ περιόδουσ ἐναρμόττειν ἅπαντα τὰ νοήματα καὶ τὸ τοῖσ αὐτοῖσ τύποισ τῶν σχημάτων τὰσ περιόδουσ περιλαμβάνειν καὶ τὸ διώκειν ἐκ παντὸσ τὴν εὐρυθμίαν. οὐ γὰρ ἅπαντα δέχεται οὔτε μῆκοσ τὸ αὐτὸ οὔτε σχῆμα τὸ παραπλήσιον οὔτε ῥυθμὸν τὸν ἴσον. ὥστε ἀνάγκη παραπληρώμασι λέξεων οὐδὲν ὠφελουσῶν χρῆσθαι καὶ ἀπομηκύνειν πέρα τοῦ χρησίμου τὸν λόγον. λέγω δὲ οὐχ ὡσ διαπαντὸσ αὐτοῦ ταῦτα ποιοῦντοσ οὐχ οὕτωσ μαίνομαι· καὶ γὰρ συντίθησί ποτε ἀφελῶσ τὰ ὀνόματα καὶ λύει τὴν περίοδον εὐγενῶσ καὶ τὰ περίεργα σχήματα καὶ φορτικὰ φεύγει καὶ μάλιστα ἐν τοῖσ συμβουλευτικοῖσ τε καὶ δικανικοῖσ λόγοισ, ἀλλ’ ὡσ ἐπὶ τὸ πολὺ τῷ ῥυθμῷ δουλεύοντοσ καὶ τῷ κύκλῳ τῆσ περιόδου καὶ τὸ κάλλοσ τῆσ ἀπαγγελίασ ἐν τῷ περιττῷ τιθεμένου κοινότερον εἴρηκα περὶ αὐτοῦ. κατὰ δὴ ταῦτά φημι τὴν Ἰσοκράτουσ λέξιν λείπεσθαι τῆσ Λυσίου καὶ ἔτι κατὰ τὴν χάριν. καίτοι γε ἀνθηρόσ ἐστιν, εἰ καί τισ ἄλλοσ, καὶ ἐπαγωγὸσ ἡδονῇ τῶν ἀκροωμένων Ἰσοκράτησ, ἀλλ’ οὐκ ἔχει τὴν αὐτὴν χάριν ἐκείνῳ.

τοσοῦτον δὲ αὐτοῦ λείπεται κατὰ ταύτην τὴν ἀρετήν, ὅσον τῶν φύσει καλῶν σωμάτων τὰ συνερανιζόμενα κόσμοισ ἐπιθέτοισ. πέφυκε γὰρ ἡ Λυσίου λέξισ ἔχειν τὸ χαρίεν, ἡ δὲ Ἰσοκράτουσ βούλεται. ταύταισ μὲν δὴ ταῖσ ἀρεταῖσ ὑστερεῖ Λυσίου κατὰ γοῦν τὴν ἐμὴν γνώμην. προτερεῖ δέ γε ἐν ταῖσ μελλούσαισ λέγεσθαι· ὑψηλότερόσ ἐστιν ἐκείνου κατὰ τὴν ἑρμηνείαν καὶ μεγαλοπρεπέστεροσ μακρῷ καὶ ἀξιωματικώτεροσ. θαυμαστὸν γὰρ δὴ καὶ μέγα τὸ τῆσ Ἰσοκράτουσ κατασκευῆσ ὕψοσ, ἡρωϊκῆσ μᾶλλον ἢ ἀνθρωπίνησ φύσεωσ οἰκεῖον. δοκεῖ δή μοι μὴ ἄπο σκοποῦ τισ ἂν εἰκάσαι τὴν μὲν Ἰσοκράτουσ ῥητορικὴν τῇ Πολυκλείτου τε καὶ Φειδίου τέχνῃ κατὰ τὸ σεμνὸν καὶ μεγαλότεχνον καὶ ἀξιωματικόν, τὴν δὲ Λυσίου τῇ Καλάμιδοσ καὶ Καλλιμάχου τῆσ λεπτότητοσ ἕνεκα καὶ τῆσ χάριτοσ. ὥσπερ γὰρ ἐκείνων οἳ μὲν ἐν τοῖσ ἐλάττοσι καὶ ἀνθρωπικοῖσ ἔργοισ εἰσὶν ἐπιτυχέστεροι τῶν ἑτέρων, οἳ δ’ ἐν τοῖσ μείζοσι καὶ θειοτέροισ δεξιώτεροι, οὕτωσ καὶ τῶν ῥητόρων ὃ μὲν ἐν τοῖσ μικροῖσ ἐστι σοφώτεροσ, ὃ δ’ ἐν τοῖσ μεγάλοισ περιττότεροσ, τάχα μὲν γὰρ καὶ τῇ φύσει μεγαλόφρων τισ ὤν, εἰ δὲ μή, τῇ γε προαιρέσει πάντωσ τὸ σεμνὸν καὶ θαυμαστὸν διώκων.

ταῦτα μὲν οὖν περὶ τῆσ λέξεωσ τοῦ ῥήτοροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Isocrate, chapter 3

(디오니시오스, De Isocrate, chapter 3)

상위

목록

SEARCH

MENU NAVIGATION