헬라어 문장 검색 - Διονψσ́ΔεΙσοξρ́17́

(디오니시오스, De Isocrate, chapter 17)

ταῦτα προειπὼν καὶ οὕτω διαθεὶσ τοὺσ ἀκούοντασ πρὸσ τὸν μέλλοντα λόγον ἐπιτηδείωσ ἐγκώμιόν τε κάλλιστον τῆσ δικαιοσύνησ διαθέμενοσ καὶ τὰ καθεστηκότα πράγματα μεμψάμενοσ ἐπιτίθησι τούτοισ τὴν σύγκρισιν τῶν τότε ἀνθρώπων πρὸσ τοὺσ προγόνουσ· τούτου δὲ ἕνεκα ταῦτα προεῖπον, ὅτι περὶ τῶν λοιπῶν οὐδὲν ὑποστειλάμενοσ ἀλλὰ παντάπασιν ἀνειμένωσ μέλλω τοὺσ λόγουσ ποιεῖσθαι πρὸσ ὑμᾶσ. τίσ γὰρ ἂν ἄλλοθεν ἐπελθὼν καὶ μὴ συνδιεφθαρμένοσ ἡμῖν, ἀλλ’ ἐξαίφνησ ἐπιστὰσ τοῖσ γινομένοισ οὐκ ἂν μαίνεσθαι καὶ παραφρονεῖν ἡμᾶσ νομίσειεν, οἳ φιλοτιμούμεθα μὲν ἐπὶ τοῖσ τῶν προγόνων ἔργοισ καὶ τὴν πόλιν ἐκ τῶν τότε πραχθέντων ἐγκωμιάζειν ἀξιοῦμεν, οὐδὲν δὲ τῶν αὐτῶν ἐκείνοισ πράττομεν, ἀλλὰ πᾶν τοὐναντίον; οἳ μὲν γὰρ ὑπὲρ τῶν Ἑλλήνων τοῖσ βαρβάροισ πολεμοῦντεσ διετέλεσαν, ἡμεῖσ δὲ τοὺσ ἐκ τῆσ Ἀσίασ τὸν βίον ποριζομένουσ ἐκεῖθεν ἀναστήσαντεσ ἐπὶ τοὺσ Ἕλληνασ ἠγάγομεν. κἀκεῖνοι μὲν ἐλευθεροῦντεσ τὰσ πόλεισ τὰσ Ἑλληνίδασ καὶ βοηθοῦντεσ αὐταῖσ τῆσ ἡγεμονίασ ἠξιώθησαν, ἡμεῖσ δὲ καταδουλούμενοι καὶ τἀναντία τοῖσ τότε πράττοντεσ ἀγανακτοῦμεν, εἰ μὴ τὴν αὐτὴν τιμὴν ἐκείνοισ ἕξομεν, οἳ τοσοῦτον ἀπολελείμμεθα καὶ τοῖσ ἔργοισ καὶ ταῖσ διανοίαισ τῶν κατ’ ἐκεῖνον τὸν χρόνον γενομένων, ὅσον οἳ μὲν ὑπὲρ τῆσ φροντίζομεν· ἓν γὰρ ἀκούσαντεσ γνώσεσθε καὶ περὶ τῶν ἄλλων· ὡσ θανάτου τῆσ ζημίασ ἐπικειμένησ, ἤν τισ ἁλῷ δεκάζων, τοὺσ τοῦτο φανερώτατα ποιοῦντασ στρατηγοὺσ χειροτονοῦμεν καὶ τὸν πλείστουσ διαφθεῖραι δυνηθέντα τῶν πολιτῶν τοῦτον ἐπὶ τὰ μέγιστα τῶν πραγμάτων καθίσταμεν. σπουδάζοντεσ δὲ περὶ τὴν πολιτείαν οὐχ ἧττον ἢ περὶ τὴν σωτηρίαν ὅλησ τῆσ πόλεωσ καὶ τὴν δημοκρατίαν εἰδότεσ ἐν μὲν ταῖσ ἡσυχίαισ καὶ ταῖσ ἀσφαλείαισ αὐξομένην καὶ διαμένουσαν, ἐν δὲ τοῖσ πολέμοισ δὶσ ἤδη καταλυθεῖσαν, πρὸσ μὲν τοὺσ τῆσ εἰρήνησ ἐπιθυμοῦντασ ὡσ πρὸσ ὀλιγαρχικοὺσ ὄντασ δυσκόλωσ ἔχομεν, τοὺσ δὲ τὸν πόλεμον ἀγαπῶντασ ὡσ τῆσ δημοκρατίασ κηδομένουσ εὔνουσ εἶναι νομίζομεν.

ἐμπειρότατοι δὲ λόγων καὶ πραγμάτων ὄντεσ οὕτωσ ἀλογίστωσ ἔχομεν, ὥστε περὶ τῶν αὐτῶν τῆσ αὐτῆσ ἡμέρασ οὐ ταὐτὰ γινώσκομεν, ἀλλ’ ὧν πρὶν εἰσ τὴν ἐκκλησίαν ἀναβῆναι κατηγοροῦμεν, ταῦτα συνελθόντεσ χειροτονοῦμεν, οὐ πολὺν δὲ χρόνον διαλιπόντεσ τοῖσ ψηφισθεῖσιν, ἐπειδὰν ἀπίωμεν, πάλιν ἐπιτιμῶμεν. προσποιούμενοι δὲ σωφρονέστατοι τῶν Ἑλλήνων εἶναι, τοιούτοισ χρώμεθα συμβούλοισ, ὧν οὐκ ἔστιν ὅστισ οὐκ ἂν καταφρονήσειε, καὶ τοὺσ αὐτοὺσ τούτουσ κυρίουσ ἁπάντων τῶν κοινῶν καθίσταμεν, οἷσ οὐδεὶσ οὐδὲν ἂν τῶν ἰδίων ἐπιτρέψειε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Isocrate, chapter 17

(디오니시오스, De Isocrate, chapter 17)

상위

목록

SEARCH

MENU NAVIGATION