헬라어 문장 검색 - Διονψσ́ΔεΙσοξρ́08́

(디오니시오스, De Isocrate, chapter 8)

τίσ δὲ τὸν Ἀρεοπαγιτικὸν ἀναγνοὺσ λόγον οὐκ ἂν γένοιτο κοσμιώτεροσ, ἢ τίσ οὐκ ἂν θαυμάσειε τὴν ἐπιβολὴν τοῦ ῥήτοροσ; ὃσ ἐτόλμησε διαλεχθῆναι περὶ πολιτείασ Ἀθηναίοισ ἀξιῶν μεταθέσθαι μὲν τὴν τότε καθεστῶσαν δημοκρατίαν ὡσ μεγάλα βλάπτουσαν τὴν πόλιν, ὑπὲρ ἧσ τῶν δημαγωγῶν οὐθεὶσ ἐπεχείρει λέγειν, θεωρῶν εἰσ τοσαύτην αὐτὴν προεληλυθυῖαν ἀκοσμίαν, ὥστε μηδὲ τοὺσ ἄρχοντασ ἔτι τῶν ἰδιωτῶν κρατεῖν, ἀλλ’ ἕκαστον, ὅ τι καθ’ ἡδονὴν αὐτῷ γίνοιτο, καὶ ποιοῦντα καὶ λέγοντα, καὶ τὴν ἄκαιρον παρρησίαν δημοτικὴν ἐξουσίαν ὑπὸ πάντων νομιζομένην, ἀνασώσασθαι δὲ τὴν ὑπὸ Σόλωνόσ τε καὶ Κλεισθένουσ κατασταθεῖσαν πολιτείαν. ἧσ τὴν προαίρεσιν καὶ τὰ ἤθη διεξιὼν δεινότερον μὲν ἡγεῖσθαί φησι τοὺσ τότε ἀνθρώπουσ τὸ τοῖσ πρεσβυτέροισ ἀντειπεῖν ἢ δημοκρατίαν δὲ αὐτοὺσ νομίζειν οὐ τὴν ἀκολασίαν, ἀλλὰ τὴν σωφροσύνην. τὸ δὲ ἐλεύθερον οὐκ ἐν τῷ καταφρονεῖν τῶν ἀρχόντων ἀλλ’ ἐν τῷ τὰ κελευόμενα ποιεῖν τίθεσθαι, ἐξουσίαν τε οὐθενὶ τῶν ἀκολάστων ἐπιτρέπειν, ἀλλὰ τοῖσ βελτίστοισ ἀνατιθέναι τὰσ ἀρχάσ, τοιούτουσ ἔσεσθαι τοὺσ ἄλλουσ ὑπολαμβάνοντασ, οἱοῖ́ περ ἂν ὦσιν οἱ τὴν πόλιν διοικοῦντεσ. ἀντὶ δὲ τοῦ τὰσ ἰδίασ οὐσίασ ἐκ τῶν δημοσίων ἐπανορθοῦν τοὺσ ἰδίουσ πλούτουσ εἰσ τὰ κοινὰ καταχορηγεῖν. χωρὶσ δὲ τούτων πλείω τὴν ἐπιμέλειαν ποιεῖσθαι τοὺσ πατέρασ τῶν υἱῶν ἀνδρῶν γενομένων ἢ παίδων ὄντων ἐποιοῦντο, ἐνθυμουμένουσ, ὡσ οὐκ ἐξ ἐκείνησ τῆσ παιδείασ ἀλλ’ ἐκ ταύτησ τῆσ σωφροσύνησ μᾶλλον ὠφελεῖται τὸ κοινόν. κρείττονά τε ὑπολαμβάνειν τὰ χρηστὰ ἐπιτηδεύματα τῆσ ἀκριβοῦσ νομοθεσίασ, σκοποῦντασ οὐχ ὅπωσ ταῖσ τιμωρίαισ τοὺσ ἁμαρτάνοντασ ἀνείρξουσιν, ἀλλ’ ὡσ μηδὲν ἄξιον ζημίασ ἕκαστον παρασκευάσουσιν ἐπιτηδεύειν, καὶ τὴν μὲν πατρίδα δεῖν οἰομένουσ ἐν ἐξουσίᾳ διάγειν μεγάλῃ, τοῖσ δ’ ἰδιώταισ μηδὲν ἐξεῖναι ποιεῖν, ὅ τι ἂν οἱ νόμοι κωλύωσι. καρτερεῖν δὲ τὰ δεινὰ καὶ μὴ ἐκπλήττεσθαι ταῖσ συμφοραῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Isocrate, chapter 8

(디오니시오스, De Isocrate, chapter 8)

상위

목록

SEARCH

MENU NAVIGATION