헬라어 문장 검색 - Διονψσ́ΔεΙσοξρ́07́

(디오니시오스, De Isocrate, chapter 7)

τίσ δὲ ἂν μᾶλλον ἐπὶ τὴν δικαιοσύνην καὶ τὴν εὐσέβειαν προτρέψαιτο καθ’ ἕκαστόν τε ἄνδρα ἰδίᾳ καὶ κοινῇ τὰσ πόλεισ ὅλασ τοῦ Περὶ τῆσ εἰρήνησ λόγου; ἐν γὰρ δὴ τούτῳ πείθει τοὺσ Ἀθηναίουσ τῶν μὲν ἀλλοτρίων μὴ ἐπιθυμεῖν, ἐπὶ δὲ τοῖσ παροῦσι στέργειν, καὶ τῶν μὲν μικρῶν πόλεων ὡσπερανεὶ κτημάτων φείδεσθαι, τοὺσ δὲ συμμάχουσ τε καὶ εὐεργεσίαισ πειρᾶσθαι κατέχειν, ἀλλὰ μὴ ταῖσ ἀνάγκαισ μηδὲ ταῖσ βίαισ. τῶν δὲ προγόνων μιμεῖσθαι μὴ τοὺσ πρὸ τῶν Δεκελεικῶν γενομένουσ, οἳ μικροῦ ἐδέησαν ἀπολέσαι τὴν πόλιν, ἀλλὰ τοὺσ πρὸ τῶν Περσικῶν, οἳ καλοκἀγαθίαν ἀσκοῦντεσ διετέλεσαν. ἐπιδείκνυταί τε ὡσ οὐχ αἱ πολλαὶ τριήρεισ οὐδ’ οἱ μετὰ βίασ ἀρχόμενοι Ἕλληνεσ μεγάλην ποιοῦσι τὴν πόλιν, ἀλλ’ αἱ δίκαιαί τε προαιρέσεισ καὶ τὸ τοῖσ ἀδικουμένοισ βοηθεῖν. παρακαλεῖ τε τὴν τῶν Ἑλλήνων εὔνοιαν οἰκείαν ποιεῖν τῇ πόλει, μεγίστην ἡγουμένουσ μερίδα πρὸσ εὐδαιμονίαν, καὶ πολεμικοὺσ μὲν εἶναι ταῖσ παρασκευαῖσ καὶ ταῖσ μελέταισ, εἰρηνικοὺσ δὲ τῷ μηδένα μηδὲν ἀδικεῖν, διδάσκων ὡσ οὔτε πρὸσ πλοῦτον οὔτε πρὸσ δόξαν οὔθ’ ὅλωσ πρὸσ εὐδαιμονίαν οὐθὲν ἂν συμβάλοιτο τηλικαύτην δύναμιν, ὅσην ἀρετὴ καὶ τὰ μέρη ταύτησ· καὶ τοῖσ μὴ ταῦτα ὑπειληφόσιν ἐπιτιμῶν, οἳ τὴν μὲν ἀδικίαν κερδαλέαν ἡγοῦντο καὶ πρὸσ τὸν βίον τὸν καθ’ ἡμέραν συμφέρουσαν, τὴν δὲ δικαιοσύνην ἀλυσιτελῆ καὶ μᾶλλον ἑτέροισ ἢ τοῖσ ἔχουσιν ὠφέλιμον. τούτων γὰρ οὐκ οἶδ’ εἴ τισ ἂν ἢ βελτίουσ ἢ ἀληθεστέρουσ ἢ μᾶλλον πρέποντασ φιλοσοφίᾳ δύναιτο λόγουσ εἰπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Isocrate, chapter 7

(디오니시오스, De Isocrate, chapter 7)

상위

목록

SEARCH

MENU NAVIGATION