헬라어 문장 검색 - Διονψσ́ΔεΙσοξρ́06́

(디오니시오스, De Isocrate, chapter 6)

τίσ δ’ οὐκ ἂν ἀγαπήσειε μέγεθοσ ἔχων ἀνὴρ καὶ δυνάμεώσ τινοσ ἡγούμενοσ, ἃ πρὸσ Φίλιππον αὐτῷ τὸν Μακεδόνα γέγραπται; ἐν οἷσ ἀξιοῖ στρατηγὸν ἄνδρα καὶ τηλικαύτησ ἐξουσίασ κύριον διαλλάττειν μὲν τὰσ διαφερομένασ πόλεισ ἀλλὰ μὴ συγκρούειν πρὸσ ἀλλήλασ, τὴν δὲ Ἑλλάδα μεγάλην ἐκ μικρᾶσ ποιεῖν ὑπεριδόντα τε τῆσ περὶ τὰ μικρὰ φιλοτιμίασ τοῖσ τοιούτοισ ἐπιχειρεῖν ἔργοισ, ἐξ ὧν κατορθώσασ τε πάντων ἡγεμόνων ἐπιφανέστατοσ ἔσται καὶ ἀποτυχὼν τήν γε εὔνοιαν τὴν παρὰ τῶν Ἑλλήνων κτήσεται· ἧσ οἱ τυχόντεσ πολλῷ μᾶλλόν εἰσι ζηλωτότεροι τῶν μεγάλασ πόλεισ καὶ πολλὰσ χώρασ καταστρεψαμένων. καὶ τοῖσ μὲν πρὸσ ἄλλο τι τῶν ἀγαθῶν ἀπλήστωσ διακειμένοισ ἀχθόμεθα, τοὺσ δὲ τιμὴν μείζω τῆσ ὑπαρχούσησ ἀπὶ κτωμένουσ ἐπαινοῦμεν, καὶ ὅτι τῶν μὲν ἄλλων, ἐφ’ οἷσ εἰσιν ἀνθρώπιναι σπουδαί, πλούτου καὶ ἀρχῆσ καὶ δυναστείασ, πολλάκισ τοὺσ ἐχθροὺσ συμβαίνει γίγνεσθαι κυρίουσ, τῆσ δὲ ἀρετῆσ καὶ τῆσ παρὰ τοῖσ πλήθεσιν εὐνοίασ τοὺσ οἰκείουσ ἑκάστου κληρονομεῖν.

πολλὴ γὰρ ἀνάγκη τοὺσ ἀναγιγνώσκοντασ ταῦτα δυνάστασ φρονήματόσ τε μείζονοσ ὑποπίμπλασθαι καὶ μᾶλλον ἐπιθυμεῖν τῆσ ἀρετῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Isocrate, chapter 6

(디오니시오스, De Isocrate, chapter 6)

상위

목록

SEARCH

MENU NAVIGATION