호흡부호 보기
강세부호 보기
장단부호 보기
작은 Iota 보기
모든 부호 보기
τὰ δὲ ἐν τῷ πραγματικῷ τόπῳ θεωρήματα τὰ μὲν ὅμοια τοῖσ Λυσίου, τὰ δὲ κρείττονα. ἡ μὲν εὑρ́εσισ ἡ τῶν ἐνθυμημάτων ἡ πρὸσ ἕκαστον ἁρμόττουσα πρᾶγμα πολλὴ καὶ πυκνὴ καὶ οὐδὲν ἐκείνησ λειπομένη. καὶ χρίσισ ὡσαύτωσ ἀπὸ μεγάλησ φρονήσεωσ γινομένη. τάξισ δὲ καὶ μερισμοὶ τῶν πραγμάτων καὶ ἡ κατ’ ἐπιχείρημα ἐξεργασία καὶ τὸ διαλαμβάνεσθαι τὴν ὁμοείδειαν ἰδίαισ μεταβολαῖσ καὶ ξένοισ ἐπεισοδίοισ τά τε ἄλλα ὅσα περὶ τὴν πραγματικὴν οἰκονομίαν ἔστιν ἀγαθὰ πολλῷ μείζονά ἐστι παρ’ Ἰσοκράτει καὶ κρείττονα, μάλιστα δ’ ἡ προαίρεσισ ἡ τῶν λόγων, περὶ οὓσ ἐσπούδαζε, καὶ τῶν ὑποθέσεων τὸ κάλλοσ, ἐν αἷσ ἐποιεῖτο τὰσ διατριβάσ. ἐξ ὧν οὐ λέγειν δεινοὺσ μόνον ἀπεργάσαιτ’ ἂν τοὺσ προσέχοντασ αὐτῷ τὸν νοῦν, ἀλλὰ καὶ τὰ ἤθη σπουδαίουσ, οἴκῳ τε καὶ πόλει καὶ ὅλῃ τῇ Ἑλλάδι χρησίμουσ. κράτιστα γὰρ δὴ παιδεύματα πρὸσ ἀρετὴν ἐν τοῖσ Ἰσοκράτουσ ἔστιν εὑρεῖν λόγοισ. καὶ ἔγωγέ φημι χρῆναι τοὺσ μέλλοντασ οὐχὶ μέροσ τι τῆσ πολιτικῆσ δυνάμεωσ ἀλλ’ ὅλην αὐτὴν κτήσασθαι τοῦτον ἔχειν τὸν ῥήτορα διὰ χειρόσ. τὴν ἀληθινὴν φιλοσοφίαν, μὴ τὸ θεωρητικὸν αὐτῆσ μόνον ἀγαπῶν ἀλλὰ καὶ τὸ πρακτικόν, μηδ’ ἀφ’ ὧν αὐτὸσ ἄλυπον ἕξει βίον, ταῦτα προαιρούμενοσ, ἀλλ’ ἐξ ὧν πολλοὺσ ὠφελήσει, παρακελευσαίμην ἂν αὐτῷ τὴν ἐκείνου τοῦ ῥήτοροσ μιμεῖσθαι προαίρεσιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기