헬라어 문장 검색 - Διονψσ́ΔεΙσοξρ́02́

(디오니시오스, De Isocrate, chapter 2)

ἡ δὲ λέξισ, ᾗ κέχρηται, τοιοῦτόν τινα χαρακτῆρα ἔχει. καθαρὰ μέν ἐστιν οὐχ ἧττον τῆσ Λυσίου καὶ οὐδὲν εἰκῇ τιθεῖσα ὄνομα τήν τε διάλεκτον ἀκριβοῦσα ἐν τοῖσ πάνυ τὴν κοινὴν καὶ συνηθεστάτην. καὶ γὰρ αὕτη πέφευγεν ἀπηρχαιωμένων καὶ σημειωδῶν ὀνομάτων τὴν ἀπειροκαλίαν, κατὰ δὲ τὴν τροπικὴν φράσιν ὀλίγον τι διαλλάττει τῆσ Λυσίου καὶ κέκραται συμμέτρωσ, τό τε σαφὲσ ἐκείνῃ παραπλήσιον ἔχει καὶ τὸ ἐναργέσ, ἠθική τέ ἐστι καὶ πιθανὴ καὶ πρέπουσα. στρογγύλη δὲ οὐκ ἔστιν, ὥσπερ ἐκείνη, καὶ συγκεκροτημένη καὶ πρὸσ ἀγῶνασ δικανικοὺσ εὔθετοσ, ὑπτία δέ ἐστι μᾶλλον καὶ κεχυμένη πλουσίωσ, οὐδὲ δὴ σύντομοσ οὕτωσ, ἀλλὰ καὶ κατασκελὴσ καὶ βραδυτέρα τοῦ μετρίου. δι’ ἣν δὲ αἰτίαν τοῦτο πάσχει, μετὰ μικρὸν ἐρῶ. οὐδὲ τὴν σύνθεσιν ἐπιδείκνυται τὴν φυσικὴν καὶ ἀφελῆ καὶ ἐναγώνιον, ὥσπερ ἡ Λυσίου, ἀλλὰ πεποιημένην μᾶλλον εἰσ σεμνότητα πομπικὴν καὶ ποικίλην καὶ πῇ μὲν εὐπρεπεστέραν ἐκείνησ πῇ δὲ περιεργοτέραν. ὁ γὰρ ἀνὴρ οὗτοσ τὴν εὐέπειαν ἐκ παντὸσ διώκει καὶ τοῦ γλαφυρῶσ λέγειν στοχάζεται μᾶλλον ἢ τοῦ ἀφελῶσ, τῶν τε γὰρ φωνηέντων τὰσ παραλλήλουσ θέσεισ ὡσ ἐκλυούσασ τὰσ ἁρμονίασ τῶν ἤχων καὶ τὴν λειότητα τῶν φθόγγων λυμαινομένασ περιίσταται, περιόδῳ τε καὶ κύκλῳ περιλαμβάνειν τὰ νοήματα πειρᾶται ῥυθμοειδεῖ πάνυ καὶ οὐ πολὺ ἀπέχοντι τοῦ ποιητικοῦ μέτρου, ἀναγνώσεώσ τε μᾶλλον οἰκειότερόσ ἐστιν ἢ χρήσεωσ. τοιγάρτοι τὰσ μὲν ἐπιδείξεισ τὰσ ἐν ταῖσ πανηγύρεσι καὶ τὴν ἐκ χειρὸσ θεωρίαν φέρουσιν αὐτοῦ οἱ λόγοι, τοὺσ δὲ ἐν ἐκκλησίαισ καὶ δικαστηρίοισ ἀγῶνασ οὐχ ὑπομένουσι.

τούτου δὲ αἴτιον, ὅτι πολὺ τὸ παθητικὸν ἐν ἐκείνοισ εἶναι δεῖ· τοῦτο δὲ ἥκιστα δέχεται περίοδοσ. αἵ τε παρομοιώσεισ καὶ παρισώσεισ καὶ τὰ ἀντίθετα καὶ πᾶσ ὁ τῶν τοιούτων σχημάτων κόσμοσ πολύσ ἐστι παρ’ αὐτῷ καὶ λυπεῖ πολλάκισ τὴν ἄλλην κατασκευὴν προσιστάμενοσ ταῖσ ἀκοαῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Isocrate, chapter 2

(디오니시오스, De Isocrate, chapter 2)

상위

목록

SEARCH

MENU NAVIGATION