헬라어 문장 검색 - Διονψσ́ΔεΙσαεό14́

(디오니시오스, chapter 14)

εἰρηκὼσ δὲ καὶ περὶ τῶν πραγμάτων ὅτι δεινότερόσ ἐστιν οἰκονομῆσαι Λυσίου καὶ ὅλουσ τοὺσ λόγουσ καὶ τὰ μέρη αὐτῶν καὶ οὐδὲν ἔξω ποιῶν τῆσ τέχνησ, ᾗ μετὰ ταῦτα πολλῇ ὁ Δημοσθένησ ἐχρήσατο, βούλομαι καὶ τὰσ ὑπὲρ τούτων παρασχέσθαι πίστεισ. ἔσται δὲ κεφαλαιώδησ τε καὶ ὡσ πρὸσ ἀνεγνωκότασ τὸν ἄνδρα ὁ λόγοσ· οὐ γὰρ ἐγχωρεῖ παραδείγματα πάντων τιθέναι. αὐτίκα τὰσ διηγήσεισ τότε μὲν ἀπροκατασκευάστουσ καὶ συντόμουσ καὶ οὐδὲν προκαταλαμβανούσασ τῶν ἀποδεικτικῶν ἐν τῇ προσηκούσῃ τίθησι χώρᾳ, καθάπερ ἐν τῷ πρὸσ Μέδοντα ποιεῖ λόγῳ καὶ ἐν τῷ πρὸσ Ἁγνόθεον καὶ ἐν τῇ πρὸσ τοὺσ δημότασ ἀμφισβητήσει περὶ τοῦ χωρίου καὶ ἐν ἄλλοισ συχνοῖσ. τότε δὲ μερίσασ αὐτὰσ κατὰ κεφάλαια καὶ παρ’ ἕκαστον αὐτῶν τὰσ πίστεισ παρατιθεὶσ ἐκμηκύνει τε μᾶλλον καὶ ἐκβαίνει τὸ τῆσ διηγήσεωσ σχῆμα, τῷ συμφέροντι χρώμενοσ. ταύτησ ἐστὶ τῆσ ἰδέασ ἥ τε πρὸσ Ἕρμωνα ὑπὲρ τῆσ ἐγγύησ ἀπολογία καὶ ἡ πρὸσ Εὐκλείδην ἀμφισβήτησισ ὑπὲρ τῆσ τοῦ χωρίου λύσεωσ καὶ ἡ ὑπὲρ Εὐφιλήτου πρὸσ τὸν Ἐρχιέων δῆμον ἔφεσισ. ἐν γὰρ δὴ τοῖσ λόγοισ τούτοισ μακροτέρασ τὰσ διηγήσεισ οὔσασ οὐχ ἅμα τίθησιν ὅλασ, ἀλλὰ κατὰ μέρη διαλαμβάνων ἐφ’ ἑκάστῳ κεφαλαίῳ τούσ τε μάρτυρασ ἐπάγεται καὶ τὰσ ἄλλασ παρέχεται πίστεισ, δεδοικώσ, παρ’ ὅσα γοῦν ἐμοὶ δοκεῖ, μὴ δυσπαρακολούθητοσ γένηται διὰ τὸ πλῆθοσ τῶν κεφαλαίων ὁ λόγοσ καὶ πελαγίσῃ, αἵ τε πίστεισ εἰσ ἓν χωρίον ἅπασαι συναχθεῖσαι, πολλαὶ καὶ περὶ πολλῶν οὖσαι πραγμάτων, μὴ συνταράξωσι τὴν σαφήνειαν. τοιγάρτοι μετὰ τὰσ διηγήσεισ τὰσ οὕτωσ ᾠκονομημένασ οὐκ ἔτι τὰσ προηγουμένασ ἀποδείξεισ πολλοῖσ βεβαιοῦται λόγοισ οὐδ’ ἔστιν ὅμοιοσ τοῖσ νέοισ τεχνογράφοισ, ἀλλὰ τὰσ τῶν ἀντιδίκων πίστεισ ἀναιρεῖν οἰέται δεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 14

(디오니시오스, chapter 14)

상위

목록

SEARCH

MENU NAVIGATION