헬라어 문장 검색 - Διονψσ́ΔεΙσαεό08́

(디오니시오스, chapter 8)

καὶ τὰ λοιπὰ δὲ τῶν προοιμίων μέρη παρ’ ᾧ μὲν ἀφελέστερον ἄν τισ εὑρ́οι λεγόμενα, παρ’ ᾧ δὲ ῥητορικώτερον. ἐν ἑτέρῳ δὲ ἀγῶνι πάλιν ὁ μὲν Ἰσαῖοσ ἐπιτρόπῳ τινὶ συντάξασ ἀπολογίαν ὑπὸ τοῦ ἰδίου ἀδελφιδοῦ κρινομένῳ τοιαύτῃ κέχρηται τῇ ἀρχῇ· ἐβουλόμην μέν, ὦ ἄνδρεσ δικασταί, μὴ λίαν οὕτωσ Ἁγνόθεον πρὸσ χρήματ’ ἔχειν αἰσχρῶσ, ὥστε τοῖσ ἀλλοτρίοισ ἐπιβουλεύειν καὶ δίκασ τοιαύτασ λαγχάνειν, ἀλλ’ ὄντα γε οὖν ἀδελφιδοῦν ἐμὸν καὶ κύριον τῆσ πατρῴασ οὐσίασ οὐ μικρᾶσ ἀλλ’ ἱκανῆσ ὥστε καὶ λειτουργεῖν, ὑφ’ ἡμῶν αὐτῷ παραδοθείσησ, ταύτησ ἐπιμελεῖσθαι, τῶν δ’ ἐμῶν μὴ ἐπιθυμεῖν· ἵνα βελτίων τ’ ἐδόκει πᾶσιν εἶναι σῴζων αὐτὴν καὶ πλείω ποιῶν χρησιμώτερον ὑμῖν πολίτην παρεῖχεν ἑαυτόν. ἐπεὶ δὲ τὴν μὲν ἀνῄρηκε καὶ πέπρακε καὶ αἰσχρῶσ καὶ κακῶσ διολώλεκεν, ὡσ οὐκ ἂν ἐβουλόμην, πιστεύων δ’ ἑταιρίαισ καὶ λόγων παρασκευαῖσ ἐπὶ τὴν ἐμὴν ἐλήλυθεν, ἀνάγκη, ὡσ ἐοίκε, συμφορὰν μὲν εἶναι νομίζειν, ὅτι τοιοῦτόσ ἐστιν οἰκεῖοσ ὤν, ἀπολογεῖσθαι δὲ περὶ ὧν ἐγκέκληκε καὶ ἔξω με τοῦ πράγματοσ διαβέβληκεν ὡσ ἂν οὖν δυνώμεθα προθυμότατα πρὸσ ὑμᾶσ. ὁ δὲ Λυσίασ ἀνδρὶ ὑπὸ τῶν ἀδελφῶν τῆσ ἑαυτοῦ γυναικὸσ ἐγκαλουμένῳ κακῆσ ἐπιτροπῆσ συγγράψασ λόγον τοιούτῳ κέχρηται τῷ προοιμίῳ· οὐχ ἱκανόν, ὦ ἄνδρεσ δικασταί, τοῖσ ἐπιτρόποισ, ὅσα πράγματα διὰ τὴν ἐπιτροπείαν ἔχουσιν, ἀλλὰ καὶ διασῴζοντεσ τὰσ τῶν φίλων οὐσίασ συκοφαντοῦνται ὑπὸ τῶν ὀρφανῶν πολλοί. ὅπερ κἀμοὶ νῦν συμβέβηκεν. ὦ ἄνδρεσ δικασταί, καταλειφθεὶσ ἐπίτροποσ τῶν Ἱπποκράτουσ χρημάτων καὶ διαχειρίσασ ὀρθῶσ καὶ δικαίωσ τὴν οὐσίαν καὶ παραδοὺσ τοῖσ υἱοῖσ δοκιμασθεῖσι τὰ χρήματα, ὧν ἐπίτροποσ κατελείφθην, συκοφαντοῦμαι νῦν ὑπ’ αὐτῶν ἀδίκωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 8

(디오니시오스, chapter 8)

상위

목록

SEARCH

MENU NAVIGATION