헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 15, chapter 5)

ἀλλὰ καὶ διότι τοὺσ φίλουσ αὐτῶν Καμπανοὺσ πολλὰ καὶ μεγάλα ἔβλαπτον. ἡ δὲ βουλὴ τῶν Ῥωμαίων Καμπανῶν πολλάκισ ἐμφανιζόντων καὶ ἀποδυρομένων κατὰ τῶν Νεαπολιτῶν, πρέσβεισ ἐψηφίσατο πρὸσ τοὺσ Νεαπολίτασ ἀποστεῖλαι τοὺσ ἀξιώσοντασ αὐτοὺσ μηθὲν εἰσ τοὺσ ὑπηκόουσ τῆσ τῶν Ῥωμαίων ἡγεμονίασ παρανομεῖν, ἀλλὰ καὶ διδόναι τὰ δίκαια καὶ λαμβάνειν, καί, εἴ γε διαφέρονται πρὸσ ἀλλήλουσ, μὴ δἰ ὅπλων, ἀλλὰ διὰ λόγων, σύμβολα ποιησαμένουσ πρὸσ αὐτούσ, καὶ τὸ λοιπὸν εἰρήνην ἄγειν πρὸσ ἅπαντασ τοὺσ περιοικοῦντασ τὸ Τυρρηνικὸν πέλαγοσ, μήτ’ αὐτοὺσ ἔργα πράττοντασ, ἃ μὴ προσήκει Ἕλλησι, μήτε τοῖσ πράττουσι συνεργοῦντασ· μάλιστα δ’ εἰ δύναιντο θεραπείαισ τῶν δυνατῶν παρασκευάσοντασ ἀποστῆναι μὲν ἀπὸ Σαυνιτῶν τὴν πόλιν, σφίσι δ’ αὐτοῖσ γενέσθαι φίλην.

ἔτυχον δὲ κατὰ τὸν αὐτὸν χρόνον ἀφιγμένοι πρὸσ τοὺσ Νεαπολίτασ πρέσβεισ ὑπὸ Ταραντίνων ἀποσταλέντεσ, ἄνδρεσ ἐπιφανεῖσ καὶ πρόξενοι διὰ γένουσ τῶν Νεαπολιτῶν·

καὶ ἕτεροι ὑπὸ Νωλάνων ὁμόρων ὄντων καὶ σφόδρα τοὺσ Ἕλληνασ ἀσπαζομένων, τἀναντία τοὺσ Νεαπολίτασ ἀξιώσοντεσ μήτε σύμβολα ποιεῖσθαι πρὸσ τοὺσ Ῥωμαίουσ ἢ τοὺσ ὑπηκόουσ αὐτῶν μήτε διαλύεσθαι τὴν πρὸσ Σαυνίτασ φιλίαν. δὲ ταύτην ποιήσωνται Ῥωμαῖοι τοῦ πολέμου τὴν πρόφασιν, μὴ ὀρρωδεῖν, μηδ’ ὡσ ἄμαχόν τινα τὴν ἰσχὺν αὐτῶν καταπεπλῆχθαι, ἀλλὰ μένειν γενναίωσ καὶ ὡσ προσῆκεν Ἕλλησι πολεμεῖν, τῇ τ’ οἰκείᾳ πιστεύοντασ δυνάμει καὶ τῇ παρὰ Σαυνιτῶν ἀφιξομένῃ βοηθείᾳ, ναυτικήν τ’ ἰσχὺν προσληψομένουσ ἔξω τῆσ ἑαυτῶν, ἣν Ταραντῖνοι πέμψουσιν, ἐὰν ἄρα καὶ ταύτησ δέωνται, πολλὴν καὶ ἀγαθήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 15, chapter 5

(디오니시오스, Antiquitates Romanae, Books X-XX, book 15, chapter 5)

상위

목록

SEARCH

MENU NAVIGATION