Dionysius of Halicarnassus, Antiquitates Romanae, Books X-XX, book 15, chapter 8

(디오니시오스, Antiquitates Romanae, Books X-XX, book 15, chapter 8)

τοιαῦτα τοῦ Ῥωμαίου λέξαντοσ βουλευσάμενοι καθ’ αὑτοὺσ οἱ πρόβουλοι τῶν Σαυνιτῶν τοιαύτην ἐξήνεγκαν ἀπόκρισιν· τοῦ μὲν ὀψισμοῦ τῆσ ἐπὶ τὸν κατὰ Λατίνων πόλεμον συμμαχίασ οὐ τὸ κοινὸν αἴτιον ‐ ἐψηφισάμεθα γὰρ ἀποσταλῆναι τὴν στρατιὰν ὑμῖν ‐ οἱ δὲ τὴν ἡγεμονίαν ἔχοντεσ αὐτῆσ πλείονα χρόνον ἀναλώσαντεσ ἐν τῇ παρασκευῇ, καὶ ὑμεῖσ αὐτοὶ θᾶττον ἐπειχθέντεσ ἐπὶ τὸν ἀγῶνα.

τρισὶ γοῦν ἢ τέτταρσιν ἡμέραισ ὕστερον τῆσ μάχησ οἱ πεμφθέντεσ ὑφ’ ἡμῶν ἀφίκοντο.

περὶ δὲ τῆσ Νεαπολιτῶν πόλεωσ, ἐν ᾗ τῶν ἡμετέρων τινέσ εἰσιν, τοσούτου δέομεν ἀδικεῖν ὑμᾶσ, εἴ τινα τοῖσ κινδυνεύουσι βοήθειαν εἰσ σωτηρίαν κοινῇ παρεχόμεθα, ὥστ’ αὐτοὶ δοκοῦμεν ὑφ’ ὑμῶν ἀδικεῖσθαι μεγάλα.

φίλην γὰρ ἡμῶν καὶ σύμμαχον οὖσαν τὴν πόλιν ταύτην οὐκ ἔναγχοσ οὐδ’ ἀφ’ οὗ τὰσ πρὸσ ὑμᾶσ ἐποιησάμεθα ὁμολογίασ, ἀλλὰ δευτέρᾳ γενεᾷ πρότερον διὰ πολλὰσ καὶ μεγάλασ εὐεργεσίασ, οὐθὲν ἀδικηθέντεσ ὑμεῖσ κατεδουλώσασθε.

οὐ μὴν οὐδὲ τούτῳ γε τῷ ἔργῳ τὸ κοινὸν ὑμᾶσ τῶν Σαυνιτῶν ἠδίκησεν·

ἰδιόξενοι δέ τινέσ εἰσιν, ὡσ πυνθανόμεθα, καὶ φίλοι τῶν Νεαπολιτῶν οἱ κατὰ τὴν ἑαυτῶν προαίρεσιν τῇ πόλει βοηθοῦντεσ καί τινεσ καὶ δι’ ἀπορίαν ἴσωσ βίου μισθοφόροι. % φέρειν δὲ τοὺσ ὑπηκόουσ ὑμῶν οὐθὲν δεόμεθα· καὶ γὰρ ἄνευ Φουνδανῶν καὶ Φορμιανῶν ἱκανοὶ βοηθεῖν αὑτοῖσ ἐσμεν, ἐὰν καταστῶμεν εἰσ ἀνάγκην πολέμου. ἡ δὲ παρασκευὴ τῆσ στρατιᾶσ ἡμῶν ἐστιν οὐχ ὡσ ἀφαιρησομένων τοὺσ ὑμετέρουσ ἀποίκουσ τὰ ἴδια, ἀλλ’ ὡσ τὰ ἴδια ἑξόντων διὰ φυλακῆσ.

ἀντιπροκαλούμεθά τε ὑμᾶσ, εἰ βούλεσθε τὰ δίκαια ποιεῖν, ἐκχωρεῖν Φρεγέλλησ, ἣν οὐ πρὸ πολλοῦ πολέμῳ κρατησάντων ἡμῶν, ὅσπερ ἐστὶ νόμοσ κτήσεωσ δικαιότατοσ, ὑμεῖσ οὐδενὶ δικαίῳ σφετερισάμενοι δεύτερον ἔτοσ ἤδη κατέχετε. τούτων ἡμεῖσ τυχόντεσ οὐδὲν ὑποληψόμεθα ἀδικεῖσθαι.

일치하는 문장이 없습니다.

SEARCH

MENU NAVIGATION