Dionysius of Halicarnassus, Antiquitates Romanae, Books X-XX, book 15, chapter 1

(디오니시오스, Antiquitates Romanae, Books X-XX, book 15, chapter 1)

τῶν Κελτῶν ἐπιστρατευσάντων τῇ Ῥώμῃ καί τινοσ βασιλέωσ εἰσ μονομαχίαν προκαλουμένου τῶν Ῥωμαίων, ὅστισ εἰή ἀνήρ, Μάρκοσ Οὐαλέριοσ, εἷσ τῶν χιλιάρχων, ἀπόγονοσ ὢν Οὐαλερίου Ποπλικόλα τοῦ συνελευθερώσαντοσ ἀπὸ τῶν βασιλέων τὴν πόλιν, ἐξῄει τῷ Κελτῷ διαγωνίσασθαι. ὡσ δὲ συνῄεσαν ὁμόσε, κόραξ καθεζόμενοσ ἐπὶ τοῦ κράνουσ αὐτοῦ ἐκεκράγει τε δεινὸν εἰσ τὸν βάρβαρον ὁρῶν καί, ὁπότε μέλλοι πληγὴν ἐκφέρειν, πηδῶν ἐπ’ αὐτὸν τοτὲ μὲν τοῖσ ὄνυξιν ἤμυττε τὰσ παρειάσ, τοτὲ δὲ τῷ ῥύγχει τοὺσ ὀφθαλμοὺσ ἔκοπτεν, ὥστε τὸν Κελτὸν ἔξω γενέσθαι τῶν φρενῶν, οὔθ’ ὅπωσ τὸν ἄνδρα ἀμύνοιτο δυνάμενον συμβαλεῖν, οὔθ’ ὅπωσ τὸν κόρακα φυλάττοιτο.

ὡσ δὲ πολὺσ ἐγεγόνει τῇ μάχῃ χρόνοσ, ὁ μὲν Κελτὸσ φέρων ἐπὶ τὸν Οὐαλέριον τὴν μάχαιραν ὡσ διὰ τῆσ προβολῆσ εἰσ τὰ πλευρὰ βάψων, ἔπειτ’ ἐπιπτάντοσ αὐτῷ τοῦ κόρακοσ καὶ τὰσ ὄψεισ ὀρύττοντοσ ἀνέτεινε τὸν θυρεὸν ὡσ ἀπελάσων τὸν ὄρνιν·

ὁ δὲ Ῥωμαῖοσ ἔτι μετεωρίζοντοσ τὸ ὅπλον ἀκολουθήσασ κάτωθεν ὑποφέρει τὸ ξίφοσ καὶ ἀναιρεῖ τὸν Κελτόν. ὁ δὲ στρατηγὸσ Κάμιλλοσ χρυσέῳ τοῦτον στεφάνῳ ἐκόσμησεν ἐπωνυμίαν θέμενοσ αὐτῷ Κορβῖνον ἀπὸ τοῦ συναγωνισαμένου κατὰ τὴν μονομαχίαν ζῴου·

κόρβουσ γὰρ οἱ Ῥωμαῖοι καλοῦσι τοὺσ κόρακασ· αὐτόσ τε διετέλεσεν ἐξ ἐκείνου συμβόλῳ κατὰ τοῦ κράνουσ κοσμούμενοσ κόρακι, καὶ ταῖσ εἰκόσιν αὐτοῦ πάσαισ οἱ πλάττοντεσ καὶ γράφοντεσ τοῦτο τὸ ζῷον ἐπὶ τὴν κεφαλὴν ἐφήρμοττον.

일치하는 문장이 없습니다.

SEARCH

MENU NAVIGATION