헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 15, chapter 3)

ὅτι Κοίντου Σερουιλίου τὸ τρίτον καὶ Γαίου Μαρκίου Ῥουτίλου ὑπατευόντων κίνδυνοι τὴν Ῥώμην χαλεποὶ καὶ ἀπροσδόκητοι κατέσχον, οὓσ εἰ μὴ θεία τισ πρόνοια διεσκέδασε, δυεῖν κακῶν θάτερον ἂν αὐτῇ συνέπεσεν, ἢ δόξαν αἰσχίστην ἐνεγκεῖν ξενοκτονίασ ἢ φόνων ἅψασθαι πολιτικῶν. ἀφ’ ἧσ δ’ αἰτίασ εἰσ τούτουσ ἦλθε τοὺσ κινδύνουσ, μικρὰ τῶν πρόσθεν ἀναλαβὼν δι’ ὀλίγων πειράσομαι διελθεῖν. ἐν τῷ παρελθόντι ἐνιαυτῷ τὸν Σαυνιτικὸν πόλεμον ὑπὲρ ἁπάσησ Καμπανίασ ἡ τῶν Ῥωμαίων πόλισ ἀραμένη καὶ τρισὶ νικήσασα μάχαισ τοὺσ ἀντιταχθέντασ ἐβούλετο μὲν ἁπάσασ ἀπάγειν τὰσ δυνάμεισ ὡσ οὐθενὸσ ἔτι κινδύνου ταῖσ πόλεσι καταλειπομένου·

δεομένων δὲ τῶν Καμπανῶν μὴ καταλιπεῖν αὐτοὺσ συμμάχων ἐρήμουσ ὡσ ἐπιθησομένων σφίσι τῶν Σαυνιτῶν, εἰ μηδεμίαν ἔχοιεν ξενικὴν βοήθειαν, ἔγνω τὸν ἀπαλλάξαντα τοῦ πολέμου τὰσ πόλεισ ὕπατον Μάρκον Οὐαλέριον ὅσην ἂν αὐτοὶ βουληθῶσι τρέφειν στρατιὰν ἐν ταῖσ πόλεσι καταλιπεῖν. γενόμενοσ δὲ τῆσ ἐξουσίασ ταύτησ κύριοσ ὁ ὕπατοσ, ὅσοισ ἦν βουλομένοισ ὀψώνια καὶ μισθοὺσ φέρεσθαι τῆσ φυλακῆσ, τούτουσ καθίστησιν ἐν ταῖσ πόλεσιν·

ἐν οἷσ ἦν τὸ πλεῖον μέροσ ἀνεστίων καὶ καταχρέων καὶ τὴν οἴκοι πενίαν καὶ ἀγνωσίαν ἀσμένωσ ἀποδιδρασκόντων. τούτουσ οἱ Καμπανοὶ ταῖσ οἰκίαισ ἀναλαμβάνοντεσ τραπέζαισ τε ὑπεδέχοντο λαμπραῖσ καὶ ταῖσ ἄλλαισ ἐξένιζον φιλοφροσύναισ.

πολυτελὴσ δὲ καὶ ἁβροδίαιτοσ ἱκανῶσ τοῖσ Καμπανίαν οἰκοῦσι καὶ νῦν ἐστι καὶ τότε ἦν ὁ βίοσ καὶ πάντα τὸν λοιπὸν ἔσται χρόνον, πολύκαρπόν τε πεδιάδα καὶ πολύβοτον καὶ πρὸσ ὑγίειαν ἀνθρώποισ γεωργοῦσιν ἀρίστην οὖσαν. κατ’ ἀρχὰσ μὲν οὖν ἀγαπητῶσ οἱ φρουροὶ τὴν φιλοξενίαν τῶν ἀνθρώπων ἐλάμβανον, ἔπειτα διαφθειρόμενοι τὰσ ψυχὰσ ὑπὸ τοῦ κόρου τῶν ἀγαθῶν πονηροὺσ ὑπολογισμοὺσ κατὰ μικρὸν ἐλάμβανον καὶ συνιόντεσ ἀλλήλοισ ἔλεγον, ὡσ ἀνοήτων ἀνθρώπων ποιήσουσιν ἔργον, εἰ τοσαύτην καταλιπόντεσ εὐδαιμονίαν ἐπὶ τὸν ἐν Ῥώμῃ βίον ἀνακάμψουσιν, ἔνθα λυπρὰ μὲν ἡ γῆ, πολλαὶ δὲ εἰσφοραί, πολέμων δὲ καὶ κακῶν ἀνάπαυσισ οὐδεμία, τὰ δὲ τῶν κοινῶν πόνων ἆθλα παρ’ ὀλίγοισ.

οἱ δὲ ἀσθενεῖσ τοῖσ βίοισ καὶ τῶν καθ’ ἡμέραν ἀναγκαίων ἀποροῦντεσ καὶ ἔτι μᾶλλον οἱ τὰ χρέα μὴ δυνάμενοι διαλῦσαι τοῖσ συμβαλοῦσι καὶ τὴν ἀνάγκην ἀποχρῶσαν εἶναι σύμβουλον τῶν συμφερόντων σφίσιν ἀποφαίνοντεσ ἄνευ τοῦ καλοῦ, οὐδ’ εἰ πάντεσ νόμοι τε καὶ ἄρχοντεσ τὰσ ἐσχάτασ τιμωρίασ ἀπειλοῖεν αὐτοῖσ Καμπανοῖσ ἔτι μεθήσεσθαι τῆσ παρούσησ εὐδαιμονίασ ἔλεγον καὶ τελευτῶντεσ εἰσ τοσαύτην ἀπόνοιαν ἦλθον, ὥστε καὶ λέγειν ἐτόλμων·

τί δὴ καὶ δράσομεν δεινόν, ἐὰν Καμπανοὺσ ἐκβαλόντεσ τὰσ ἐκείνων πόλεισ κατάσχωμεν;

οὗτοι γὰρ αὐτοὶ πρότερον οὐκ ἐκ τοῦ δικαίου κτησάμενοι τὴν γῆν κατέσχον, ἀλλ’ ἐπιξενωθέντεσ Τυρρηνοῖσ τοῖσ κατοικοῦσιν αὐτὴν καὶ τοὺσ ἄνδρασ ἅπαντασ διαφθείραντεσ τάσ τε γυναῖκασ αὐτῶν καὶ τοὺσ βίουσ καὶ τὰσ πόλεισ καὶ τὴν περιμάχητον χώραν παρέλαβον· ὥστε σὺν δίκῃ πείσονται πᾶν ὅ τι ἂν πάθωσιν αὐτοὶ τῆσ παρανομίασ κατάρξαντεσ καθ’ ἑτέρων. τί δὴ καὶ τὸ κωλῦσον ἡμᾶσ ἔσται ταῦτα μέχρι τοῦ παντὸσ χρόνου καρποῦσθαι τἀγαθά;

Σαυνῖται μέν γε καὶ Σιδικῖνοι καὶ Αὔσονεσ καὶ πάντεσ οἱ περίοικοι τοσούτου δεήσουσι Καμπανοῖσ τιμωροῦντεσ ἐφ’ ἡμᾶσ γε στρατεύειν, ὥστε ἀποχρῆν ὑπολήψονταί σφισιν, εἰ τὰ ἑαυτῶν ἐάσομεν ἑκάστοισ ἔχειν. Ῥωμαῖοι δὲ ἴσωσ μὲν καὶ κατ’ εὐχὴν δέξονται τὸ πραχθὲν ἅπασαν ἀξιοῦντεσ Ἰταλίαν ταῖσ αὑτῶν ἀποικίαισ κρατεῖσθαι·

εἰ δὲ ἀγανακτεῖν προσποιούμενοι πολεμίουσ ἡμᾶσ κρίναντεσ οὐ τοσαῦτα δεινὰ διαθήσουσιν, ὅσα πείσονται πρὸσ ἡμῶν. χώραν τε γὰρ αὐτῶν δῃώσομεν, ὅσον ἂν ἡμῖν δοκῇ, καὶ δεσμώτασ ἐκ τῶν ἀγρῶν λύσομεν καὶ θεράποντασ ἐλευθερώσομεν καὶ μετὰ τῶν ἐχθίστων αὐτοῖσ Οὐολούσκων τε καὶ Τυρρηνῶν καὶ Σαυνιτῶν καὶ τῶν ἔτι ἐνδοιαστῶσ ἀκρομωένων Λατίνων στησόμεθα. ἠναγκασμένοισ δ’ ἀνθρώποισ καὶ τὸν ἔσχατον περὶ ψυχῆσ τρέχουσι δρόμον οὔτ’ ἄπορον οὐδὲν οὔτ’ ἀντίπαλον. τοιαῦτα διαλεγόμενοι πρὸσ ἀλλήλουσ ὀλίγοι μὲν τὰ πρῶτα, ἔπειτα πλείουσ ἔγνωσαν ἐπιχειρεῖν ταῖσ πόλεσι καὶ δι’ ὁρ́κων ἐδίδοσαν ἀλλήλοισ τὸ πιστόν.

ἔφθασε δὲ τὴν ἐπιχείρησιν αὐτῶν εἰσ τοὐμφανὲσ ἀγαγοῦσα μήνυσισ, ἣν τῶν συνομοσάντων τινὲσ ἐποιήσαντο πρὸσ τὸν ἕτερον τῶν ὑπάτων Μάρκιον, ᾧ τὸν κατὰ Σαυνιτῶν πόλεμον ὁ κλῆροσ ἀπένειμεν, ἤδη παρειληφότα τὰσ ἐν τῇ Ῥώμῃ καταγραφείσασ δυνάμεισ καὶ ὄντα ἐν ὁδῷ. ὁ δὲ ὕπατοσ ἀπροσδοκήτου καὶ δεινοῦ πράγματοσ ἀκούσασ ἔκρινε μὴ δείξειν τὸ πρᾶγμα μηδ’ εἰδέναι δοκεῖν, ἀλλὰ δἰ ἀπάτησ τινὸσ καὶ στρατηγίασ κωλῦσαι τὰ συμβησόμενα ταῖσ πόλεσιν. ἀποστείλασ δή τινασ ἅμα τοῖσ μηνυταῖσ κατασκευαστοὺσ εἰσ τὰσ πόλεισ πρὶν αὐτὸσ ἐλθεῖν, προσεσκεύασε λέγεσθαι πρὸσ τοὺσ ἐν ταῖσ παραχειμασίαισ, ὅτι τὰσ μὲν φρουρὰσ ἔγνω καταλιπεῖν ἐν ταῖσ πόλεσι τὰσ τότε οὔσασ, ἐπειδὴ βουλομένοισ ἐστὶ τοῖσ Καμπανοῖσ αὐτὰσ μένειν, τῇ δ’ οἴκοθεν ἀφιγμένῃ σὺν αὐτῷ δυνάμει πολεμεῖν πρὸσ Σαυνίτασ παρασκευάζεται, καὶ ἔπεισεν ἅπαντασ ταῦτα ὑπολαβεῖν.

ἀφικόμενοσ δὲ εἰσ τὴν Καμπανίαν μετὰ τῆσ στρατιᾶσ ἁπάσησ εἰσ ἑκάστην παρῄει πόλιν καὶ τοὺσ ἐν ταῖσ φρουραῖσ ἀνακαλούμενοσ διέκρινεν ἁπάντων τοὺσ μετασχόντασ τῆσ συνωμοσίασ.

ἔπειτα φιλανθρώπωσ ἑκάστοισ διαλεγόμενοσ οὓσ μὲν ἀπέλυσε τῶν σημείων, ὡσ ἂν χαριζόμενοσ τὴν ἄφεσιν τῆσ στρατείασ, οὓσ δὲ τῷ πρεσβευτῇ καὶ τῷ χιλιάρχῳ παραδοὺσ ὡσ ἐπὶ χρείασ δή τινασ στρατιωτικὰσ ἀπέλυσεν ‐ οὗτοι δ’ ἦσαν οἱ πονηρότατοι καὶ οὐχ ὑπομένοντεσ ἀφεῖσθαι τῆσ στρατείασ ‐ ἐντειλάμενοσ τοῖσ ἄγουσιν αὐτοὺσ εἰσ Ῥώμην διακομίσαι καὶ φυλάττειν ἐν ἀδήλοισ φυλακαῖσ, χωρίσαντασ ἄλλουσ ἀπ’ ἄλλων, ἑώσ ἂν αὐτὸσ ἀφίκηται. τοῖσ δὲ ἀνδράσιν ἐνθυμουμένοισ, ὅτι πάντεσ οἱ κορυφαιότατοι τῆσ συνωμοσίασ οἱ μὲν ἀπολύονται τῶν σημείων, οἱ δ’ ἀποστέλλονται δίχα τῶν ἄλλων ὁποιδήποτε, λογισμὸσ εἰσῆλθε περιφανῆ γεγονέναι σφῶν τὴν συνωμοσίαν καὶ μετὰ τοῦτο δέοσ, εἰ χωρὶσ ἀλλήλων γένοιντο καὶ τὰ ὅπλα θεῖεν, μὴ δίκασ ὑπόσχωσιν εἰσ Ῥώμην ἀπαχθέντεσ·

συνιόντεσ τε κατ’ ὀλίγουσ ἐσκόπουν, τί χρὴ πράττειν. ἔπειτα γνώμην τινῶν εἰσηγησαμένων περὶ ἀποστάσεωσ, ἐπαινέσαντεσ τὸ βούλευμα καὶ πίστεισ ἀπορρήτουσ ἐν ἀλλήλοισ ποιησάμενοι, οἱ τῆσ στρατείασ ἀφειμένοι περὶ Ταρρακίναν πόλιν ἐν ἐπιτηδείοισ χωρίοισ παρ’ αὐτὴν τὴν ὁδὸν στρατοπεδεύονται.

ἔπειθ’ οἱ μετὰ τοῦ πρεσβευτοῦ καὶ τῶν χιλιάρχων ἀποστελλόμενοι τοὺσ ἡγεμόνασ καταλιπόντεσ, ἐστὶ δ’ οὓσ καὶ τῶν ἀγόντων σφᾶσ στρατιωτῶν πείσαντεσ ἀποστῆναι, περὶ τὸν αὐτὸν ἱδρύονται τόπον.

ὡσ δὲ ἅπαξ οὗτοι τὰσ παρόδουσ κατελάβοντο, πολλοὶ προσῄεσαν αὐτοῖσ ὁσημέραι, καὶ χεὶρ ἐγένετο περὶ αὐτοὺσ καρτερά· ἔπειτα τὰ δεσμωτήρια ἁπάντων, ὅσα κατὰ τοὺσ ἀγροὺσ ἦν, ἐλύετο καὶ συνέρρει . . . εσξορ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 15, chapter 3

(디오니시오스, Antiquitates Romanae, Books X-XX, book 15, chapter 3)

상위

목록

SEARCH

MENU NAVIGATION