헬라어 문장 검색 - Διογεν́Λιϝεσοφ́8́07́

(디오게네스 라에르티오스, Lives of Eminent Philosophers, h, Kef. z'. FILOLAOS)

Φιλόλαοσ Κροτωνιάτησ Πυθαγορικόσ. παρὰ τούτου Πλάτων ὠνήσασθαι τὰ βιβλία τὰ Πυθαγορικὰ Δίωνι γράφει. ἐτελεύτα δὲ νομισθεὶσ ἐπιτίθεσθαι τυραννίδι. καὶ ἡμῶν ἐστιν εἰσ αὐτόν· τὴν ὑπόνοιαν πᾶσι μάλιστα λέγω θεραπεύειν· εἰ γὰρ καὶ μὴ δρᾷσ, ἀλλὰ δοκεῖσ, ἀτυχεῖσ. οὕτω καὶ Φιλόλαον ἀνεῖλε Κρότων ποτὲ πάτρη, ὥσ μιν ἔδοξε θέλειν δῶμα τύραννον ἔχειν. Δοκεῖ δ’ αὐτῷ πάντα ἀνάγκῃ καὶ ἁρμονίᾳ γίνεσθαι.

καὶ τὴν γῆν κινεῖσθαι κατὰ κύκλον πρῶτον εἰπεῖν· οἱ δ’ Ἱκέταν <τὸν> Συρακόσιόν φασιν. Γέγραφε δὲ βιβλίον ἕν, ὅ φησιν Ἕρμιπποσ λέγειν τινὰ τῶν συγγραφέων Πλάτωνα τὸν φιλόσοφον παραγενόμενον εἰσ Σικελίαν πρὸσ Διονύσιον ὠνήσασθαι παρὰ τῶν συγγενῶν τοῦ Φιλολάου ἀργυρίου Ἀλεξανδρινῶν μνῶν τετταράκοντα καὶ ἐντεῦθεν μεταγεγραφέναι τὸν Τίμαιον. ἕτεροι δὲ λέγουσι τὸν Πλάτωνα λαβεῖν αὐτά, παρὰ Διονυσίου παραιτησάμενον ἐκ τῆσ φυλακῆσ νεανίσκον ἀπηγμένον τῶν τοῦ Φιλολάου μαθητῶν. Τοῦτόν φησι Δημήτριοσ ἐν Ὁμωνύμοισ πρῶτον ἐκδοῦναι τῶν Πυθαγορικῶν <βιβλία καὶ ἐπιγράψαι Περὶ φύσεωσ, ὧν ἀρχὴ ἥδε· "ἁ φύσισ δ’ ἐν τῷ κόσμῳ ἁρμόχθη ἐξ ἀπείρων τε καὶ περαινόντων καὶ ὅλοσ ὁ κόσμοσ καὶ τὰ ἐν αὐτῷ πάντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, h, Kef. z'. FILOLAOS

(디오게네스 라에르티오스, Lives of Eminent Philosophers, h, Kef. z'. FILOLAOS)

상위

목록

SEARCH

MENU NAVIGATION