호흡부호 보기
강세부호 보기
장단부호 보기
작은 Iota 보기
모든 부호 보기
Γεγόνασι δ’ Ἀρχύται τέτταρεσ· πρῶτοσ αὐτὸσ οὗτοσ, δεύτεροσ Μυτιληναῖοσ μουσικόσ, τρίτοσ Περὶ γεωργίασ συγγεγραφώσ, τέταρτοσ ἐπιγραμματοποιόσ. ἔνιοι καὶ πέμπτον ἀρχιτέκτονά φασιν, οὗ φέρεται βιβλίον Περὶ μηχανῆσ, ἀρχὴν ἔχον ταύτην, "τάδε παρὰ Τεύκρου Καρχηδονίου διήκουσα. " περὶ δὲ τοῦ μουσικοῦ φέρεται καὶ τόδε, ὡσ ὀνειδιζόμενοσ ἐπὶ τῷ μὴ ἐξακουεσθαι εἴποι, "τὸ γὰρ ὄργανον ὑπὲρ ἐμοῦ διαγωνιζόμενον λαλεῖ. " Τὸν δὲ Πυθαγορικὸν Ἀριστόξενόσ φησι μηδέποτε στρατηγοῦντα ἡττηθῆναι· φθονούμενον δ’ ἅπαξ ἐκχωρῆσαι τῆσ στρατηγίασ καὶ τοὺσ αὐτίκα ληφθῆναι.
호흡부호 보기
강세부호 보기
장단부호 보기
작은 Iota 보기
모든 부호 보기